Поради зафати на електродистрибутивната мрежа на ден 07.04.2021 година – среда, ЕВН Скопје ќе работи на терен, така што прекини во снабдување на електрична енергија ќе имаат домаќинствата на следните скопски локации:

Скопје КЕЦ Аеродром

ДОЛНО СОЊЕ: с.Долно Соње, делот кон Говрлево. (од 09:00 до 13:30 часот)

КИСЕЛА ВОДА: трафостаници Градинар Лозар и Типо на бул. Борис Трајковски, трафостаница Електроконтакт на бул. Борис Трајковски, трафостаници Дизајн Пинтија и Ник Велк на бул. Борис Трајковски без напојување со ел. енергија ќе останат сите стопански и нестопански субјекти напојувани од наведените Трафостаници на бул. Борис Трајковски. (од 09:00 до 10:00 часот)

АЕРОДРОМ: зграда на ул.23-ти Октомври бр.31. (од 10:00 до 11:00 часот)

Извор: Струја

Во текот на вчерашниот ден (03.04.2021) спроведена е  зајакната акциска контрола на автопатот Скопје-Гевгелија и магистрален пат Градско-Прилеп за санкционирање на возила кои се движат со брзина поголема од дозволената, при што санкционирани се 175 возила.

Од нив, 31 возило се движело со брзина над 50 километри на час повеќе од дозволеното, а девет возила се движеле со дури над 70 километри на час повеќе од дозволената брзина.

Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Извор: МВР

СВР Скопје известува дека денес (02.04.2021 – петок) со почеток од 13.30 часот најавен е протест, кој ќе започне од паркот во Чаир, а ќе продолжи до зградата на Владата.

Од тие причини, СВР Скопје ќе преземе мерки за посебен режим на сообраќајот, па од 13.30 часот до завршување на протестот етапно ќе бидат затворени за сообраќај следните улици: делови од улиците „Христијан Тодоровски Карпош“, „Џон Кенеди“, „Цветан Димов“, како и бул.„Крсте Мисирков“, бул.„Гоце Делчев“, дел од ул.„Филип Втори’, дел од булеварите „Илинден“, „ВМРО“ и „Климент Охридски“.

СВР Скопје апелира до граѓаните да ги почитуваат наредбите што ги издаваат полициските службеници, а заради заштита на новинарските екипи кои ќе го следат протестот, потребно е истите своите акредитации да ги носат на видливо место.

Извор: СВР Скопје