Следете не

Кичево

Факти за Кичево, место каде најчесто се поминува, а ретко се застанува

Објавено пред

на

Центарот на Западна Македонија – местото каде што најмногу се поминува, а најмалку се застанува.

Со револуцонерен и преродбенички дух, авангарден во своето постоење гордо го носи епитетот „местото каде што се роди идејата за слободна Македонија.“

Околу 30 000 жители во градот и околу 50 000 жители во целиот регион, се домаќини на сите знаменитости кои се дел од македонската целост!

За градот се пишувало уште пред повеќе од ИЛЈАДА ГОДИНИ! Првпат се споменува во една повелба на византискиот цар Василиј II во 1018 година, со топонимот Кицавис!
Кичевскиот крај е најбогатиот шумски регион кој зафаќа 19,7 % од вкупните шуми во Македонија!

Во близина на Кичево, кај селото Извор, се наоѓа изворот на Треска – четвртата најголема река во Македонија! Долината на
Треска тече по јужниот дел на Кичевската Котлина, па потоа минувајќи низ цело Порече, се влева во Вардар кај Ѓорче Петров во Скопје.

На 15 километри западно од Кичево, во близина на Горно Добреноец, по текот на реката Студенчица се наоѓаат Самовилските водопади – на надморска височина од 1250 метри.

На 10 километри од Кичево се наоѓа еден од најпознатите средновековни манастири во Македонија – манастирот „Света Богородица – Пречиста“ (Кичевска) изграден во 1316 година.

✳ Во XIX век, овој манастир станува центар на преродбата на македонскиот народ. Овде се отворени и првите ќелијни училишта каде што учителстувале првите македонски преродбеници Кирил Пејчиновиќ и Јоаким Крчовски – за кој се знае дека имал потекло од Кичевско.

✴ Во кичевското село Кнежино, се наоѓа манастирот „Свети Ѓорѓија“ основан во XI век. Во манастирскиот двор се наоѓаат две чешми од коишто потекува изворска вода која народот ја смета за лековита.

✴ На самиот центар на градот, се наоѓа познатото археолошко наоѓалиште Китино Кале – денес уреден парк за рекреација со големи туристички потенцијали. Според легендата, на Калето се наоѓала тврдината на Кита (сестрата на Крале Марко) која во XIV век владеела со градот и целата област. По Кита – и градот го добил името Кичево.

✴ Регион на голем број на револуционери и војводи од илинденскиот период: Јордан Пиперката од Козица, Ванчо Србаков од Вранештица, Дуко Тасев од Јудово, Арсо Мицков од Подвис, Наќе Јанев од Лавчани итн.

Населението во Кичевско масовно учествува во Илинденското востание, а на 4 август помеѓу селата Карбуница и Кладник се одиграла најславната битка по Востанието во Кичевско – Битката на Ѓурѓејца во којашто востаниците имале убедлива победа, додека на страната на османлиската војска се броеле големи загуби.

Во спомен-костурницата во Кичево се наоѓаат посмртни останки на 555 борци кои во текот на војната загинале за ослободување на Кичево и Македонија!

Од нив, вкупно 323 жртви биле од Кичево и Кичевско (217 борци и 106 цивилни жртви) и уште 232 борци од други краишта на Македонија и тогашна Југославија!

Првиот ослободен град во Македонија во Втората светска војна! На 11 септември 1943 година, Првиот и Вториот мавровски одред го заземаат Кичево, а следниот ден им се приклучил и Првиот македонски батлајон „Мирче Ацев“ со што била создадена слободна територија од Буковиќ на север до с. Ботун на југ. Слободната територија траела само 21 ден.

Кичево во рок од една година (1943 – 1944) е вкупно шест пати ослободуван од балистичкиот окуптарот и со тоа го носи епитетот „најослободуван“ град!

✴ Во центарот на градот се наоѓа музејот „Западна Македонија во НОБ“ во зградата којашто во слободната територија била седиште на Главниот штаб на НОБ.

✴ Во кичевското село Подвис е отворено ПРВОТО училиште со настава на македонски јазик во слободна македонска територија. Првиот учител бил Василко Лазарески.

✴ Кичево е родно место на еден од најшколуваните Македонци од почетокот на XX век – Владимир Полежиноски, доктор на Сорбона, секретар на Првото заседание на АСНОМ. Протеран на Голи Оток во 1951 година!

✴ На планинскиот огранок Лопушник, јужно од Бистра, за време на НОБ се наоѓал главниот штаб на НОБ и ПОМ. На ова место загинал и македонскиот револуционер и поет Кочо Рацин и тука се наоѓало неговото прво почивалиште.

За ПОРТА.мк пишува Х.Аџиоски, дел од нашиот тим на најпопуларната фејсбук група Парувања низ Македонија

Кичево

Удрен пешак од кичевско село, истиот се здобил со повреди констатирани во Медицински центар

Објавено пред

на

На 19.05.2022 околу 15:50 часот во ОВР Кичево, пријавено е дека на регионалниот пат Кичево – Осломеј, кај крстосница од селата Црвевци со Гарани, патничко моторно возило „фолксваген пасат“ со кичевски регистарски ознаки, управувано од С.К. (42) од село Туин, кичевско, удрило во пешак В.Ш.(39) од село Стрелци, кичевско.

Во несреќата со повреди се здобил пешакот и бил пренесен во Медицински центар Кичево за укажување лекарска помош.

Увид на местото изврши екипа од ОВР Кичево, за медиумите известува портпаролот на СВР Охрид, г-дин Стефан Димоски

Прочитај повеќе...

Кичево

15 Години Conquering Lion во Република 96250

Објавено пред

на

Фото: Porta.mk

Со огромна чест ве покануваме на концертен настап 15 години Conquering Lion во Република 96250 во Кичево, на 11-ти Јуни (Сабота) со почеток во 21:30 часот!

Conquering Lion е даб/реге/кросовер бенд од Тетово (Македонија) кој своето творештво го започнува на 7-ми Април 2007.

Во октомври 2009. бендот го издава својот прв албум едноставно насловен како “I” за PMG Recordings на кој што може да се слушнат 10 песни меѓу кои и соработката со јамајканскиот артист Jah Clarity на песната “Jah Love”.

До сега, покрај настапите низ Македонија, бендот има настапувано во Германија, Словенија, Хрватска, Босна и Херцеговина, Србија, Бугарија, Грција, Романија, Словачка, Чешка, Холандија, Полска и Косово. Вториот по ред албум насловен како “Know Your Wisdom” излезе на 26ти август 2011 по што следеше 30 дневна балканска турнеја.

Две години подоцна на 22ри Ноември 2013 бендот го издаде третиот студиски албум “Revelation” за издавачката куќа “Password Productions” од Македонија, по кој следеше успешна пролетна Европска турнеја. Како едни од побитните настапи на Conquering Lion може да се издвојат настапите со Manu Chao, Gentleman, Ras Zacharri, Donald Minott, Raphael, Hornsman Coyote…Исто така бендот има настапувано на поголеми фестивали како, Riding Higher во Германија, In Music Festival во Хрватска, Таксират Фестивал во Македонија, Spirit of Burgas и Hills of Rock во Бугарија,…

Conquering Lion го издаваат својот 4ти по ред студиски албум насловен како “Land Of Confusion” кој беше издаден на 24ти Фебруари 2017 за издавачката куќа Locksmith Records од New Jersey, USA. “Land Of Confusion” беше на листата за преноминации за најдобар реге албум за 2017 на Греми наградите и за албум на годината на најголемиот реге портал во Европа “Reggaeville”. Сите три сингла од новиот албум “Wake Up”, “Go” и “Natty Lion” беа премиерно промовирани на најголемиот реге портал во Европа “Reggaeville”.

Првиот сингл од албумот “Shine” беше премиерно промовиран истотака на порталот “Reggaeville” на 23-ти Март 2018. Вториот сингл “Badman World” заедно со италијанскиот реге артист Рафаел беше премиерно промовиран на порталот “Reggaeville” на 27-ми Август 2018. Бендот го издава својот 5-ти под ред студиски албум “Revolution Time” на 30.03.2022 за издавачката куќа “Rehegoo Music” од Лондон, В.Британија.

Во моментов бендот работи на својот 6-ти по ред студиски албум кој сеуште е во подготовки, а првиот сингл “Long Time” во соработка со македонската пејачка Дани Димитровска беше премиерно промовиран на 8-ми Декември 2021.

Прочитај повеќе...

Кичево

За утре најавен времен прекин на електрична енергија поради работа на ЕВН Кичево во следните локалитети и живеалишта

Објавено пред

на

Поради зафати на електродистрибутивната мрежа утре 19 мај 2022 година – четврток, ЕВН Кичево ќе работи на терен, така што прекини во снабдување на електрична енергија ќе имаат локалитетите и живеалиштата во следните места на Општина Кичево:

Од 09:15 до 15:00 часот (Манастир Св.Богородица)

Од 10:00 до 12:30 часот (дел од потрошувачите од с. Србица и Ново Село) 

Инфо: Струја

Прочитај повеќе...

Facebook

Последни објави

Хороскоп6 часа

Хороскоп за понеделник (23 мај)

ОВЕН Денес Месечината кај Овенот ги истакнува деловните и личните односи што се сведуваат на одредени обврски и дискусии. Договорените...

Македонија13 часа

Вчера во СВР Охрид било пријавено дека жена паднала од зграда, која била итно пренесена во болница

На 21.05.2022 околу 13:20 часот во СВР Охрид, пријавено дека, на улицата „Ванчо Питошески“ во Охрид, од зграда паднала Н.К.Д.(29)....

Скопје20 часа

Полицијата не простува, вчера изрече дури 246 мерки

Министерството за внатрешни работи во текот на вчерашниот ден (21.05.2022) продолжи со засилените акциски контроли во областа на сообраќајот. На...

Временска прогноза22 часа

Невообичаено високи температури со можност за локално невреме

Нашата територија се наоѓа под влијание на МНОГУ ТОПЛА воздушна маса која продира од северните предели на Африка, и истата условува натпросечно високи...

На денешен ден1 ден

22 мај – На денешен ден

337.- Почина Константин I Велики, првиот римски император кој го прифатил христијанството во Римската империја. Во 325 година го свикал...

Хороскоп1 ден

Хороскоп за недела (22 мај)

ОВЕН Многу ќе зависи од еден од талентите што ги имате. Патувајте само ако тоа ќе ви помогне да започнете...

Култура1 ден

Кичевскиот храм Св.Апостоли „Петар и Павле“ организираат бесплатен превоз по повод свечената Божествена Литургија во Скопје

На 24.05.2022 година во вторник, ќе се одржи најсвечената Света Божествена Литургија во Соборниот храм „Свети Климент Охридски“ во Скопје...

Спорт1 ден

Златниот симбол и оригинален трофеј од FIFA World Cup™ денеска беше официјално презентиран во Скопје

Трофејот пристигна во Скопје како дел од турата на FIFA World Cup™ трофејот организирана од Coca-Cola. Златниот симбол на светското...

Технологија2 дена

Microsoft оптимисти дека токму сега Windows 11 е комплетен и подготвен за широка употреба

Помина речиси една година откако Microsoft официјално го претстави Windows 11, а компанијата дури сега верува дека овој оперативен систем...

Македонија2 дена

Со донација од ФФМ, се реконструираа спортски терени, игралиште за мал фудбал, систем за наводнување наменети за потребите на ЕБР

Министерот Спасовски во посета на реконструираните спортски терени во Полицискиот центар „Ѓорче Петров“- Скопје, донација од Фудбалската федерација на Македонија...

НАЈЧИТАНИ