Следете не

Спорт

ФФМ го потврди доаѓањето на Благоја Милевски за нов селектор на Македонската А репрезентација

Објавено пред

на

Управниот одбор на Фудбалската федерација на Македонија на денешната седница во „Куќа на фудбалот“ донесе одлука за назначување на Благоја Милевски за селектор на македонската А репрезентација.

Сеуште актуелниот предводник на репрезентацијата до 21 година ќе ја преземе селекторската функција во А репрезентацијата од 1. август 2021 година.

Муамед Сејдини – претседател на Фудбалска федерација на Македонија:

„Најпрвин, од мое лично и од име на Управниот одбор на Фудбалската федерација на Македонија упатувам благодарност до Игор Ангеловски за неговата работа и придонесот кој го даде за успесите со македонската А репрезентација.

Игор Ангеловски самиот најави дека по завршувањето на Европското првенство ќе бара нови предизвици во својата кариера и сега е време ние да ја почитуваме неговата одлука и да ја  покажеме нашата благодарност за неговата работа и страст во сите овие години на чело на македонската А репрезентација.

Визијата за нашата фудбалска иднина со Благоја Милевски на местото селектор на македонската А репрезентација е кристално јасна. Тој е човекот кој го регенерираше македонскиот фудбалски крвоток, создаде неверојатна група на фудбалери кои зад себе веќе имаат настап на две Европски првенства, младинско и сениорско и уверени сме дека тој пат мора да продолжи.

Му даваме доверба на Благоја Милевски да ја предводи македонската А репрезентација поради неговиот карактер, работната етика и човечките квалитети. Тој е тренер кој става личен печат на тимовите кои ги предводи и човек со дисциплина и исклучителна ментална сила.

Македонската А репрезентација ќе ја предводи селекторот Благоја Милевски кој ја создаде златната генерација македонски фудбалери која беше меѓу 12-те најдобри селекции во Европа и фудбалери кои веќе неколку години се дел од нашиот најдобар национален тим.

Веруваме во квалитетите на Благоја Милевски и убедени сме дека ќе продолжи со успех да ја предводи и А репрезентацијата. Уште повеќе затоа што на секоја разумна и личност со вистински вредности му докажа каков човек е и каков тренер е“.

На седницата на Управниот одбор на Фудбалската федерација на Македонија беше донесена одлука за назначување на Драган Канатларовски за селектор на македонската репрезентација до 21 година.

Поранешниот селектор на нашиот најдобар национален тим ќе ја презеде младата репрезентација од 1. август 2021 година.

Фудбалската федерација на Македонија во следниот период ќе организира прес – конференција со новите селектори на македонската А репрезентација и селекцијата до 21 година.

Спорт

(ВИДЕО) Официјално претставен новиот селектор на нашата најсилна фудбалска репрезентација – Благоја Милевски

Објавено пред

на

Фудбалската федерација на Македонија официјално го промовираше Благоја Милевски за селектор на македонската А репрезентација.

На денешната прес-конференција,претседателот на Фудбалската федерација на Македонија (ФФМ), Мухамед Сејдини во име на „Куќата на фудбалот“ му посака честитки и искрени желби за успех. Првиот човек на македонскиот фудбал истакна дека целите со новиот селектор се пласман на следното Европско првенство 2024 година.

– Вашето знаење, вашата страст и искуство несомнено ќе има важно влијание на развојот на фудбалот во Македонија. Доаѓаш на позицијата селектор на најдобрата наша репрезентација потполно подготвен за нови успеси и нови победи.

Ти си човекот кој го регенерираше македонскиот фудбалски крвоток, создаде неверојатна група на фудбалери кои зад себе веќе имаат настап на две Европски првенства, младинско и сениорско и сигурни сме дека тој пат мора да продолжи.

Македонската репрезентација веќе покажа дека има сила и квалитет. Сега е најважно да покажеме силен карактер и повторно да ги радуваме нашите навивачи.

Ви посакувам среќа и успех во сите предизвици кои се пред вас и трудете се да создадете трајно наследство за иднината на фудбалот во Македонија.

Јас и Управниот одбор на Федерацијата сме убедени во потенцијалот на фудбалерите и можете да сметате на наша целосна поддршка во остварување на целите, истакна претседателот на ФФМ, Муамед Сејдини.

Благоја Милевски во својата изјава истакна дека ветува максимална работа и посветеност, за нови радости и победи на најдобриот национален тим.

– Можам да ветам максимална посветеност во мојата работа и професионалност. Вреднување на човечките вредности на сите нас. Ќе соработувам со голем број на познати личности. Возбуден сум за тоа. Едвај чекам да се видиме повторно. Сето она кое ни следи за новиот циклус, можам да кажам дека заедничка цел на сите ни е ЕП 2024 година, но во тековните квалификации за СП 2022 во Катар ќе дадеме се што умееме и знаеме за да имаме успешни квалификации и да останеме конкурентни до крајот на циклусот, изјави Милевски.

– Ова не е приватен тим. Сите се Македонија. Сите ќе треба да одговорат на предизвикот.  Дека ќе има измени, ќе има, знаете дека Пандев, Тричковски и Велкоски изразија желба да прекинат со настапите за А-тимот. Ја користам оваа прилика да им се заблагодарам за сето она кое го постигнаа. Исто и на мојот претходник Ангеловски за афирмацијата на македонскиот фудбал, дополни Милевски.

Прочитај повеќе...

Спорт

(ВИДЕО) Лудница во „Хунгароринг“: Хамилтон покрај прекинот продолжи, па падна на последно место

Објавено пред

на

Трката во Формула 1 за ГН на Унгарија беше прекината поради инцидент во првиот круг во кој учествуваа неколку возачи. Возачот на Мерцедес, Луис Хамилтон стартуваше од пол -позицијата, го одбрани водството, а потоа следеше инцидент.

Во толпата се откажаа Ботас, Шарл Леклер од Ферари, Серхио Перез од Ред Бул и Ленс Строл од Астон Мартин. Во тие моменти Хамилтон беше прв, пред Естебан Окон од Алпин и Себастијан Фетел од Астон Мартин, така што по нешто помалку од половина час, трката продолжи

Клучните моменти погледнете ги во видеата подолу:

ФОТО: printscreen / youtube

Прочитај повеќе...

Спорт

ФФМ: Место за три екипи за учество во натпреварувањата во Втората Футсал лига за сезона 2021/2022

Објавено пред

на

Пријава за учество во натпреварување во Втора Футсал лига за сезона 2021/2022 за пополнување на три слободни места.

Краен рок за пријавување за учество во Втора Футсал лига е на 15.08.2021 година – објавуваат од ФФМ.

Документацијата за учество може да ја превземете на следниот линк ТУКА

Прочитај повеќе...

Facebook

Последни објави

СветПред 2 часа

Турција се бори со уште 12 активни пожари, последно била спасена Термоцентрала со инсталирана моќност од 630 мегавати

Главните постројки на термоцентралата Кемеркој во областа Милас во провинцијата Мугла не се оштетени од пожарот, изјави во четвртокот турскиот...

Временска прогнозаПред 5 часа

Невреме се ближи кон нашиот регион, ова се најновите детали и предупредувања..

Денес попладне и во текот на ноќта, како и во текот на утрешниот ден и тоа особено во претпладневните часови,...

МакедонијаПред 5 часа

ЦУК: Ова се активните пожари по региони до 13 часот

Штипски регион Пожарот кој започна на ден 02.08.2021 година во атарот на с.Нов Истевник, маало Пасјак сеуште е активен и...

СпортПред 6 часа

(ВИДЕО) Официјално претставен новиот селектор на нашата најсилна фудбалска репрезентација – Благоја Милевски

Фудбалската федерација на Македонија официјално го промовираше Благоја Милевски за селектор на македонската А репрезентација. На денешната прес-конференција,претседателот на Фудбалската...

На денешен денПред 13 часа

На денешен ден – 5 август

1583 – Хамфри Гилберт ја основа првата англиска колонија во Северна Америка, во Свети Johnонс, Newуфаундленд. 1716.- Австрискиот принц Јуџин...

ХороскопПред 20 часа

Хороскоп за денес -( 5 август )- четврток

ОВЕН Денес не е доволно Овните да знаат само што сакате од тој ден. По вчерашниот хаос, потребен ви е...

Здравје и убавинаПред 22 часа

Рак на дојка, некои работи кои не сме ги знаеле, а го иритираат ракот..

Американски научници изработија попис хемикалии кои жените би требале да ги избегнуваат за да се обидат да се заштитат од...

МакедонијаПред 23 часа

„Станица Стража“ има потреба од „касиери и касиерки“, по одлични услови за работа и платен превоз

„Станица Стража“ реномираниот бренд често посетуван од многу посетители, познат по најубавото кафе, летен и свеж амбиент, позициониран на превој...

Временска прогнозаПред 1 ден

Попоски најавува невреме после есктремно топлиот бран кој ја зафати државата, ова се најновите детали

Екстремно топлото време ќе се задржи уште утре кога максималните дневни температури ќе се искачуваат во интервалот од 34 до...

КичевоПред 1 ден

„ОО Црвен крст“ и „Службата за трансфузиона медицина“ од Кичево организираат „Крводарителска акција“ – Да бидеме хумани!

Почитувани, на ден 06.08.2021 година – петок, кичевската „Општинска организација на Црвен крст“ во соработка со „Службата за Трансфузиона Медицина“...

НАЈЧИТАНИ