Спорт
ФФМ објави важни информации за публиката која ќе ја бодри нашата селекција во Италија

ЗБИРНО МЕСТО за ОРГАНИЗИРАН ПРЕВОЗ до СТАДИОНОТ
Збирното место на македонските навивачи во Палермо на денот на натпреварот за организирано одење на стадионот „Ренцо Барбера“ ќе биде на плоштадот “Пјаца Франческо Криспи“ (Piazza Francesco Crispi).
Фудбалската федерација на Македонија во соработка со јавните власти на Палермо, на денот на натпреварот (24. март), договорија сите наши навивачи од плоштадот „Пјаца Франческо Криспи“ да имаат бесплатен автобуски превоз до стадионот „Ренцо Барбера“. Предвидени се два слота за автобуските шатлови (ќе транспортираат напред – назад), еден помеѓу 17:00 и 18:00 часот и помеѓу 18:00 и 19:00 часот.
БЕЗБЕДНОСНИ ПРОВЕРКИ
Сите навивачи ќе бидат проверувани поради безбедносни причини. Потсетуваме да не се носат никакви забранети предмети (листа на забранети предмети.pdf ).
На стадионот не може да се внесуваат кеси поголеми од хартија А4. Според регулативите на УЕФА не се дозволени навредливи или дискриминаторски банери /знамиња, како и секаков вид пиротехнички средства. Доколку полицијата пронајде некој од овие предмети, имателот ќе биде пријавен до полициските власти.
ПРИСТАП ДО СТАДИОН
Вратите на стадионот ќе се отвораат три часа пред натпреварот. По безбедносните проверки, ќе следи проверка на документацијата за COVID-19. Потсетување до сите наши навивачи да ги да ги понесат со себе релевантните документи (доказ за вакцинација, потврда за опоравување и/или негативен тест со брис). Лицата кои нема да поседуваат ваква документација нема да можат да влезат на стадионот.
По проверката на документацијата за COVID-19, навивачите се упатуваат до местото каде што треба да го покажат билетот за натпреварот и лична карта / пасош. Билетот е персонализиран, на него го има името на сопственикот на билетот. Доколку има несовпаѓање, на сопственикот на билетот нема да му биде дозволен влез. Исто така, лицата без лична карта / пасош нема да смеат да влезат на стадионот.
ЗА ВРЕМЕ НА НАТПРЕВАРОТ
Навивачите мора да ги почитуваат прописите на теренот и регулативите на УЕФА. Секое недолично однесување ќе биде земено во предвид од властите. По крајот на натпреварот, гостинските навивачи можат да бидат задржани во секторот за краток временски период (околу 20 минути) за да се овозможи непречено и безбедно напуштање на стадионот.
ДРУГИ ИНФОРМАЦИИ
Две аптеки каде што може да се обезбеди антиген тест:
1- Farmacia Europa, Via Alcide De Gasperi 221 (800 m од стадионот)
2- Farmacia della Statua, Пјаца Виторио Венето 11 (650м од стадионот)
Спорт
Нејмар потпиша нов договор, сепак останува дома

Нејмар сепак реши да остане во Сантос уште шест месеци. Повиците од европските клубови ги остави зад себе, а љубовта кон клубот каде што започна неговата кариера повторно го поврза со Сантос, 12 години по неговото заминување.
Некаде во минатото се сметаше за наследник на Роналдо и Меси, но серијата повреди ја спречија таа приказна. И покрај сè, Нејмар останува еден од најдобрите фудбалери на оваа деценија, иако многумина ќе се запрашаат дали целосно ги исполни големите очекувања. Тој е единствениот фудбалер во 21. век кој се најде меѓу првите 10 за Златната топка додека играл во бразилска лига – и сега се врати таму каде што сè започна, барем до крајот на оваа година.
Откако го напушти ПСЖ во 2023 и замина во Ал Хилал, неговото време таму беше скратено поради сериозни повреди – настапи само трипати. Сега, во Сантос, повторно се чини дека ја враќа љубовта кон играта, но и понатаму се соочува со предизвици околу формата и физичката подготвеност.
Сепак, тој има амбиција да го засили својот настап и да остане здрав, со цел да игра за Бразил на Светското првенство следната година. До тогаш, неговото патување продолжува во Сантос – барем до Нова Година.
Спорт
Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го првото место во групата Ц.
Заедно со нив, и германскиот тим се пласираше во следната фаза, додека Бока Јуниорс и Оукленд го завршија своето учество во оваа група. Стрелецот на победничкиот гол за португалскиот клуб беше Андреас Сјелдеруп, кој погоди по одлична контранападна акција во 13-тата минута.
Во меѓувреме, натпреварот меѓу Бока и Оукленд во Нешвил заврши нерешено 1:1, но беше прекинат во 54-тата минута поради предупредување за можна бура.
Спорт
Мбапе итно хоспитализиран, клубот ја соопшти причината зошто „голгетерот“ не беше во план против Ал Хилал

Реал Мадрид во моментов се наоѓа во САД каде што учествува на Светското клупско првенство. На првиот натпревар против Ал Хилал, кој заврши 1:1, Килијан Мбапе не настапи.
Клубот објави дека причината за неговото отсуство се здравствени проблеми.
Kylian Mbappé has been diagnosed with acute gastroenteritis and has been hospitalized for various tests and treatment, Real Madrid announced. pic.twitter.com/Eq4wGwU988
— ESPN FC (@ESPNFC) June 19, 2025
– „Нашиот фудбалер Килијан Мбапе има акутен гастроентеритис и е хоспитализиран за дополнителни прегледи и терапија“, стои во официјалното соопштение на Реал Мадрид.
Откако пристигна во САД, Мбапе учествуваше само на два тренинга и не беше дел од поголемиот дел од активностите на тимот. Следниот натпревар на Реал е закажан за недела навечер против Пачука, но останува неизвесно дали францускиот напаѓач ќе биде спремен да настапи.
-
Хороскоп2 дена
Хороскоп за вторник (24 јуни)
-
Хороскоп16 часа
Хороскоп за среда (24 јуни)
-
Магазин1 ден
Најбрз домашен сладолед со само една состојка
-
Магазин1 ден
Летен десерт со само две состојки – готов за 5 минути!
-
Автомобили1 ден
Toyota го претстави првиот електрифициран Land Cruiser во Европа
-
Спорт15 часа
Бенфика приреди вистинска сензација, Баерн беше поразен, но со втората позиција продолжува понатаму
-
На денешен ден15 часа
Времеплов: На денешен ден – 25 јуни
-
Lifestyle4 часа
Дали навистина треба да се плашиме од семките од лубеница? Еве што се случува кога ќе ги проголтате