Следете не

Спорт

ФФМ со измена на правилникот ги штити основните права на жените, правото на мајчинство и бременост

Објавено пред

на

Едно од основните права кои ги имаат жените како посебна заштита во работниот однос е правото на заштита за време на бременост, раѓање и родителство.  

Фудбалската федерација на Македонија направи измени во Правилникот за регистрација, статус и трансфер на фудбалери, а кои се однесуваат на специфичните работни услови на професионалните фудбалерки во време на бременост:

  – Фудбалерката која го искористила породилното отсуство, може да биде регистрирана, односно да склучи професионален договор и надвор од преодниот рок во зависност од одредбите на самиот договор со кој фудбалерката заминала на породилно отсуство и имајѓи го во предвид спортскиот интегритет на натпреварувањето;

– Фудбалерите во женска конкуренција имаат право на породилно отсуство за време на склучениот професионален договор со клубот со надомест од 2/3 од висина на платата која ја добиваат според самиот договор.

– На фудбалерот во женска конкуренција, вратен од породилно отсуство, во период на извршување на клупските обврски треба да му се овозможи доење на бебето. За таа цел клубот треба да обезбеди соодветен простор според законските прописи и регулативи.

– Бременоста, породилното отсуство или користењето на правата кои произлегуваат од мајчинството, генерално не смеат да бидат условени со одредбите на професионалниот договор склучен меѓу клубот и фудбалерот во женска конкуренција.

– Доколку клубот го раскине договорот со фудбалерката поради бременост, забременување, породилно отсуство или користење на правата кои произлегуваат од мајчинството генерално ќе се смета дека договорот е раскинат од страна на клубот без соодветна причина, освен доколку не се докаже спротивното;

– Доколку договорот е раскинат поради бременост, забременување, породилно отсуство или користење на правата кои произлегуваат од мајчинството, клубот треба да ја обештети фудбалерката доколку самата не склучила договор со нов клуб или во случај во периодот на донесувањето на одлука, фудбалерката склучила нов договор на клубот;

– Покрај обврската на клубот кој еднострано го раскинал договорот со фудбалерот да изврши исплата на надоместок, ќе му биде изречена и санкција за забрана на регистрација на фудбалери на два цели и последователни преодни рокови. Клубот ќе може да регистрира нови фудбалерки исклучиво по истекот на спортската санкција.

Спорт

Започна онлајн продажбата на билети за натпреварот Белгија – Македонија во Гент, да дадеме поддршка за Македонија на овој значаен меч!

Објавено пред

на

©porta.mk

Фудбалската федерација на Македонија (ФФМ) ги извести љубителите на фудбалот дека започна продажбата на билети за квалификацискиот меч за Светското првенство 2026, кој ќе се одигра на 10 октомври во Гент, Белгија, помеѓу репрезентациите на Македонија и Белгија.

За македонските фанови, во согласност со правилата на УЕФА, се обезбедени околу 900 места во делот од стадионот предвиден за гостински навивачи.

Цените, определени од Фудбалската федерација на Белгија, изнесуваат 25 евра за возрасни, а билет за деца до 12 години чини 21 евро.

Продажбата се реализира преку официјалната онлајн платформа на ФФМ – ТУКА. По завршената трансакција, купувачите најпрво добиваат ваучер како потврда, а врз основа на него подоцна се издава официјалниот билет, кој се испраќа на адресата наведена при купувањето.

Доставата на билетите е електронска (преку е-mail) и се реализира најдоцна во рок од две недели.

ФФМ ги охрабрува сите навивачи да обезбедат билет и со својата поддршка да ѝ дадат дополнителен мотив на македонската репрезентација во овој значаен натпревар.

Извор: ФФМ

Прочитај повеќе...

Спорт

Младиот дански голгетер Конрад Хардер пред трансфер во Милан?

Објавено пред

на

ФОТО: Unsplash.com @ Zach Rowlandson

Данскиот голгетер Конрад Хардер е пред трансфер во Милан. Според најновите информации, неговиот сегашен клуб Спортинг и италијанскиот гигант постигнале договор, па се очекува 20-годишниот напаѓач оваа недела да биде официјално претставен на „Сан Сиро“.

Хардер пристигна во Лисабон минатиот септември како дел од стратегијата на Спортинг да ја обезбеди иднината во нападот по заминувањето на Виктор Џокерес. Иако првично Милан се обидуваше да го донесе Виктор Бонифас од Баер Леверкузен, преговорите пропаднаа поради здравствени проблеми на Нигериецот, што ги натера „росонерите“ брзо да ја свртат својата насока кон данскиот талент.

Како што пренесува новинарот Николо Скира, трансферот ќе му донесе на Спортинг 23 милиони евра плус бонуси, додека Хардер ќе потпише долгорочен договор до 2030 година. Со тоа тој за првпат во кариерата ќе игра во една од петте најсилни европски лиги.

Иако неговото доаѓање е голем плус, Милан во нападот и понатаму ќе го има само Сантијаго Хименез, за кого постои интерес од други клубови. Доколку Мексиканецот замине до крајот на преодниот рок, тоа може да го отвори патот за потенцијален трансфер на Душан Влаховиќ, кој има солидни односи со Масимилијано Алегри и би можел да се најде повторно под водство на својот поранешен тренер.

Конечниот расплет околу напаѓачката линија на Милан ќе биде познат во следните денови, кога и официјално завршува летниот преоден рок.

Прочитај повеќе...

Спорт

ФФМ со најостра осуда за немилиот настан кој се случи на мечот помеѓу ФК Шкупи и ФК Брегалница

Објавено пред

на

©porta.mk

Фудбалската федерација на Македонија (ФФМ) со најостра осуда реагира на инцидентот што се случи за време на натпревар од младинските категории (генерации 2009/10) меѓу екипите на Брегалница и Шкупи, кога група родители на гостинските фудбалери насилно влегоа на теренот и физички нападнаа дел од домашните играчи.

ФФМ најавува дека ќе биде поведена дисциплинска постапка против ФК Шкупи и одговорните лица, а надлежните органи ќе преземат соодветни мерки за сторителите на овој срамен чин. Целта е вакво недолично и опасно однесување никогаш повеќе да не се повтори. Таквото однесување е крајно недозволиво и претставува сериозно нарушување на спортскиот дух, фер-плеј принципите и безбедноста на младите спортисти. Загрижувачки е што едно дете претрпе тешки повреди, меѓу кои и скршеници, како директна последица од нападот.

Федерацијата уште еднаш потсетува дека секоја форма на насилство на спортските терени е апсолутно недозволива и ќе биде најстрого санкционирана. За насилство – без разлика од кого и на кое ниво – компромис не постои.

Нашата заедничка обврска е да обезбедиме безбедна, здравствено сигурна и позитивна средина за развој на најмладите генерации фудбалери, соопшти во своето интегрално известување ФФМ.

Прочитај повеќе...

Facebook

Последни објави

Хороскоп6 часа

Хороскоп за вторник (26 август)

Овен Бидете смирени и стратегиски спремни — планирањето ќе донесе напредок и препознавање на работа. Финансиите бараат претпазливост. Во љубовта,...

Спорт7 часа

Започна онлајн продажбата на билети за натпреварот Белгија – Македонија во Гент, да дадеме поддршка за Македонија на овој значаен меч!

Фудбалската федерација на Македонија (ФФМ) ги извести љубителите на фудбалот дека започна продажбата на билети за квалификацискиот меч за Светското...

Спорт7 часа

Младиот дански голгетер Конрад Хардер пред трансфер во Милан?

Данскиот голгетер Конрад Хардер е пред трансфер во Милан. Според најновите информации, неговиот сегашен клуб Спортинг и италијанскиот гигант постигнале...

Кичево16 часа

(ФОТО) Денес официјално промовиран првиот „Млекомат“ во Кичево, каде присуствуваше министерот за земјоделство, шумарство и водостопанство Цветан Трипуновски и Лазар Неданоски од МРФП

Со поддршка од Европската Унија, преку проектот „АгроСмарт“ кој се реализира од Македонската развојна фондација за претпријатија (МРФП) во соработка...

Македонија16 часа

МВР со детали за инцидентот на игралиштето „Бело брдо“ во Штип, каде се одигра првенствен фудбалски натпревар

На 24.8.2025 во СВР Штип било пријавено дека околу 11:40 часот на игралиштето „Бело брдо“ во Штип, за време на...

Автомобили16 часа

РКЕ: Од полноќ поскапуваат горивата, ова е новата цена за литар источено гориво на малопродажните објекти

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 1,00 ден/лит, во однос на малопродажните цени утврдени...

Македонија18 часа

Се вози брзо: Во изминатото деноноќие лишени од слобода пет возачи за „безобѕирно управување со моторно возило“

На 24.08.2025 во 17:58 часот на автопатот Скопје-Тетово, на место викано „Студена вода“, полициски службеници од СВР Тетово го лишиле...

Автомобили18 часа

Рекорден број автомобили во Германија – нови податоци за моторизацијата

На почетокот на годината, Германија забележа рекорден број на регистрирани патнички автомобили. Според податоците на германскиот завод за статистика Destatis,...

Спорт19 часа

ФФМ со најостра осуда за немилиот настан кој се случи на мечот помеѓу ФК Шкупи и ФК Брегалница

Фудбалската федерација на Македонија (ФФМ) со најостра осуда реагира на инцидентот што се случи за време на натпревар од младинските...

Кичево20 часа

Утрово на бул. „Ослободување“ во Кичево од автомобил бил удрен повозрасен пешак, веднаш интервенирала екипа на Брза Помош

Утрово нешто по 07:20ч во Кичево на бул. „Ослободување“ се случил немил настан, имено автомобил удрил повозрасен пешак. Увид на...

НАЈЧИТАНИ