Следете не

Спорт

ФФМ судиска анализа за 28-то коло од 1. МФЛ и 23. коло од 2. МФЛ (Запад и Исток)

Објавено пред

на

Судиска комисија ги разгледа спорните моменти од 28. коло на 1. МФЛ и ги донесе следните заклучоци:

–  На натпреварот  ФК Борец – ФК Струга Трим Љум одигран на 16.04.2022 година, анализирани се ситуациите од 25, 76, 90 и 90+2 минута.

Главен судија: Јосип Бартон; Помошни судии: Даниел Василевски и Александар Ѓорѓевски;

25. минутаИсправна проценка на судијата (не досуден удар од 11 метра).

Играч на Струга Трим Љум во свој шеснаесетник избивајќи ја топката со нога, случајно го удира во сопствената рака која е во природна положба. Исправна одлука на судијата играта да продолжи, бидејќи нема елементи за удар од 11 метри.

76. минутаИсправна проценка на судијата (досуден удар од 11 метри).

Играч на Борец центрираше топка до соиграч во шеснаесетникот на Струга, соиграчот кој беше во ветувачка акција пред да ја удри топката со глава, од позади грб со туркање беше соборен од играч на Струга. Исправна одлука на судијата, удар од 11 метра и дисциплинска мерка жолт картон за туркање (ветувачка акција).

90. минутаИсправна проценка на судијата (досуден удар од 11 метри).

Играч од нападот на Борец беше во посед на топка странично во шеснаесетникот на Струга, одбранбениот играч на Струга од позади грб сакајќи да ја избие топката со интензитет го удри напаѓачот во нога. Исправна одлука на судијата, удар од 11. метри без дисциплинска мерка.

90+2 минутаИсправна проценка на судијата (доделен црвен картон).

Играч на Борец беше во посед на топката, играч на Струга го влечеше за дрес играчот на Борец кој за да се отргне, со лакт и со голем интензитет го удри во пределот на лицето играчот на Струга. Исправна одлука на судијата за доделен слободен удар и црвен картон.

–  На натпреварот ФК Македонија – ФК Работнички одигран на 16.04.2022 година, анализирани се ситуациите од 12. и 44. минута.

Главен судија: Димитар Пилешков; Помошни судии: Ристо Ѓорѓиев и Кристијан Џонов;

12. минутаИсправна проценка на судијата (нема слободен удар).

Играч на Работнички ја имаше топката во свој посед на околу 20-на метра од својот гол, играч на Македонија со лизгачки старт му ја одзема топката без да има контакт и елементи за слободен удар. Играчот постигна гол, исправна одлука на судијата што дозволи играта да продолжи.

44. минутаИсправна проценка на судијата (не е досуден удар од 11 метри).

Играч од Македонија беше проигран во шеснаесетникотна Работнички без посед на топката. На него од зад грб минимално без интензитет стартуваше (туркање) одбранбен играч на Работнички, тој контакт играчот на Македонија сакаше да го искористи да изнуди удар од 11 метри. Исправна одлука на судијата играта да продолжи, бидејќи контактот е минимален и недоволен за удар од 11 метри.

–  На натпреварот ФК Ренова – ФК Академија Пандев одигран на 17.04.2022 година, анализирани се ситуациите од 34. и 73. минута.

Главен судија: Игор Иванов; Помошни судии: Слаѓан Марковски и Мартин Петковски;

34минутаИсправна проценка на судијата (не е досуден удар од 11 метри).

Играч од нападот на Академија во шеснаесетникот на Ренова, беше во посед на топка и шутираше кон голот на Ренова. Одбранбен играч на Ренова направи лизгачки старт блокирајќи го шутот и топката го удри во пределот под пазувите и раката. Исправна одлука на судијата играта да продолжи бидејки нема игра со рака.

73. минутаИсправна проценка на вториот помошен судија (досудено офсајд позиција).

Центрирана топка од играч на Ренова до соиграч, кој со глава ја удри топката и која дојде до друг свој соиграч кој во моментот на додавање беше во офсајд позиција и постигна гол. Исправна одлука на вториот помошен судија голот да се поништи поради офсајд позиција.

–  На натпреварот ФК Брегалница – ФК Шкендија одигран на 17.04.2022 година, анализирана е ситуацијата од 79. минута.

Главен судија: Стојанче Трпчевски; Помошни судии: Драган Трпчевски и Душко Панов;

90минутаИсправна проценка на судијата (не е досудено удар од 11 метри).

Играч од нападот на Шкендија беше  во шеснаесетникот на Брегалница и центрираше, при центаршутот топката го удри во пределот на стомакот одбранбениот играч на Брегалница кој беше на едно метро од играчот на Шкендија и излезе во корнер. Одлична соработка помеѓу судијата и првиот асистент, нема игра со рака и исправно досуден корнер.

Судиска комисија ги разгледа спорните моменти од 23. коло на 2. МФЛ Запад и Исток и ги донесе следните заклучоци:

2 МФЛ – ЗАПАД:

На натпреварот  ФК Вардар – ФК Тетекс одигран на 16.04.2022 година, анализирани се ситуациите од 22. и 63. минута

Главен судија: Благојче Ралески; Помошни судии: Костоски Зоран и Владимир Митревски;

22. минутаДобра проценка на судијата (не досуден удар од 11 метри).

Играч од нападот на Вардар прима топка со грб свртен кон гол на Тетекс, играчот лошо ја прима топката и доаѓа до минимален контакт со одбранбен играч од Тетекс кој го искористува да изнуди удар од 11 метри. Исправна одлука на судијата играта да продолжи, нема елементи за удар од 11 метри.

63. минутаПогрешна проценка на судијата (досудено удар од 11 метра).

Играч од нападот на Вардар е во посед на топка малку старнично од голот на Тетекс,  доаѓа до минимален контакт со одбранбениот играч на Тетекс без интензитет, кој напаѓачот го искористува и преувеличува. Погрешна одлука на судијата што досуди удар од 11 метри.

На натпреварот ФК Силекс – ФК Кадино одигран на 16.04.2022 година, анализирана е ситуацијата од 17. минута.

Главен судија: Никола Петковски; Помошни судии: Александар Ѓурковски и Стефан Петровски;

17. минутаДобра проценка на вториот помошен судија (нема офсајд позиција)

Центрирана топка во шеснаесетникот на Кадино која доаѓа до играч од нападот на Силекс. Во моментот кога напаѓачот ја удира топката и постигнува гол, друг негов соиграч се наоѓа пред голманот и е во линија со предпоследниот играч на Кадино. Исправна одлука на вториот асистент, нема офсајд позиција, голот е регуларен.

На натпреварот ФК Беса – ФК Охрид одигран на 16.04.2022 година, анализирани се ситуациите од 75. и 80. минута.

Главен судија: Марјан Младеновски; Помошни судии: Бранко Путилин и Дарко Видиниќ;

75. минута:Добра проценка на судијата (доделен втор жолт/црвен картон)

Играч од нападот на Беса беше во посед на топка на околу 20-на метри странично од голот на Охрид, играч од одбраната на Охрид го влече напаѓачот кој се оттргнува, истиот играч после пет метри намерно го сопна напаѓачот пред шеснаесетникот. Исправна одлука на главниот судија за доделена дисциплинска мерка жолт картон, воедно тоа беше втор жолт (црвен) картон.

80. минутаДобра проценка на судијата (досудено удар од 11 метри)

Играч од нападот на Беса е во посед на топка во шеснаесетниокот на Охрид централно од голот, на него стартува голманот на Охрид сакајки да ја избие топката, меѓутоа прави прекршок и го соборува напаѓачот без да игра со топка. Исправна одлука на судијата, досудено удар од 11 метри со жолт картон за голманот.

На натпреварот ФК Кораб – ФК Велешта одигран на 16.04.2022 година, анализирана е ситуацијата од 16. минута.

Главен судија: Боби Величков; Помошни судии: Петар Новачев и Роберт Црвенов;

16. минута: Играч од нападот на Кораб е во посед на топка странично во шеснаесетникот на Велешта, на него од зад грб стартува со силен интензитет (туркање) играч од одбраната на Велешта. Исправна одлука на судијата, досуден удар од 11 метри без дисциплинска мерка.

2 МФЛ – ИСТОК:

Судиската комисија  направи анализаод одиграните натпревари од 23. коло на 2. МФЛ ИСТОК и заклучи дека нема спорни ситуации за дополнителна анализа.

Спорт

ФФМ со официјална судиска анализа на 28-то коло во првата македонска фудбалска лига, упатуваат апел за почитување поддржувајќи ги напорите за подобрување на судењето преку конструктивен дијалог

Објавено пред

на

©porta.mk

Одборот на судии во рамки на Фудбалската федерација на Македонија остануваат цврсто посветени на транспарентноста и отчетноста како основни вредности во работењето со единствена цел – развој на фудбалски систем базиран на фер-плеј, објективност и професионалност.

Интегралното соопштение од Фудбалската федерација на Македонија ви го пренесуваме во целост и гласи:

– Потврдивме дека секој натпревар од Прва МФЛ се анализира со највисоко ниво на внимание од страна на контролорите на судење, како и од стручните тела на ФФМ, со што се обезбедува квалитетна и фер евалуација на судиските перформанси.

Во врска со натпреварот од 28. коло помеѓу ФК Шкупи и ФК Силекс истакнуваме дека при израмнувачкиот погодок за гостинската екипа во 62. минута постои прекршување на Правилата, иако ситуацијата е технички исклучително комплексна за проценка, но видео анализата укажува дека голот не требало да биде признаен поради офсајд прекршок од напаѓачот кој со минимален дел од телото е понапред од топката. Одговорноста за ваквата погрешна проценка на вториот помошен судија е препознаена и од контролорот на натпреварот Горан Спирковски од Прилеп со негативна оцена од 7.9.

Истовремено, на натпреварот меѓу ФК Воска и ФК Вардар, кој беше прекинат во 76. минута поради напуштање на теренот од страна на домашната екипа, посочуваме дека реакцијата беше заснована врз субјективно доживеан момент.

Видео материјалите од посочениот момент при постигнување на израмнувачкиот погодок за гостинската екипа не потврдуваат никакво прекршување на Правилата на фудбалската игра, ниту нивна погрешна интерпретација и оттука одлуката на судијата не може да биде оценета како погрешна проценка. Одлуката на ФК Воска да го напушти теренот претставува сериозен преседан, непрофесионален и крајно неодговорен чин, кој е во спротивност со духот на спортот, основните фудбалски принципи и фер-плеј вредностите кои ги застапуваме. Фудбалската игра подразбира почитување на процесите, институциите и правилата на играта, дури и во моменти на несогласување. Со самоволно прекинување на натпревар во професионално натпреварување како Прва МФЛ се испраќа порака која не е добредојдена, ниту на теренот, ниту надвор од него. Ваквиот однос мора јасно и недвосмислено да биде санкциониран.

Контролорскиот извештај за овој натпревар од страна на контролорот Џенан Хајдари од Скопје е со оценка 8.4 за целиот судиски тим.

Изминатиот викенд бевме сведоци и на реакција од страна на ФК Гостивар за дуелот со Струга Трим Љум. Станува збор за момент во 85. минута при резултат 0:1 за Гостивар. Во споменатиот момент не е направена никаква материјална повреда на натпреварот од страна на судиската четворка.

Контролорскиот извештај на контролорот Илиевски Зоранчо од Битола е со највисока оценка 8.5 за главниот судија и вториот асистент, а првиот асистент и четвртиот се оценети со 8.4 кои без ниту една грешка го водеа натпреварот.

Судиските одлуки како и секаде во светот се подложни на човечки фактор и можни ненамерни грешки. Она што е клучно е дека тие се предмет на системска анализа и се третираат со максимална сериозност. Исто така, не смееме да го игнорираме бројот на прецизни и исклучително тешки одлуки кои судиите ги носат успешно, што директно придонесува за регуларноста на натпреварите.

– Апелираме до сите фудбалски чинители, клубовите, играчите, навивачите и медиумите, да го почитуваат процесот и да ги поддржат напорите за подобрување на судењето преку конструктивен дијалог, а не преку избрзани заклучоци и јавен притисок.

Одборот на судии во рамки на Фудбалската федерација на Македонија ќе продолжи да работи транспарентно и одговорно, а секоја погрешна судиска проценка ќе биде третирана соодветно во рамки на процедурите. Единствено со принципиелност и истрајност може да изградиме здраво и фер фудбалско опкружување, за јавноста истакнаа од ФФМ.

Прочитај повеќе...

Спорт

ФФМ и DoubleTree by Hilton – Skopje го официјално партнери, Јандреоски: „Навистина ни е драго што го формализираме ова партнерство со хотел кој веќе е важен дел од нашите репрезентативни активности“

Објавено пред

на

Фудбалската федерација на Македонија (ФФМ) и DoubleTree by Hilton – Skopje го официјализираа своето ново партнерство кое претставува значаен чекор во унапредувањето на условите и поддршката за македонските фудбалски репрезентации.

Договорот за соработка постигнат од претседателот на ФФМ, Масар Омерагиќ и сопственикот на Double Tree by Hilton – Skopje, Ајдован Адемоски го потпишаа генералниот секретар на ФФМ, Леонид Јандреоски и генералниот директор на DoubleTree by Hilton Skopje, Ѓоре Велковски, потврдувајќи ја заедничката посветеност на градење долгорочна и продуктивна соработка.

Повеќе прочитајте на официјалниот натпис од ФФМ, во продолжение ТУКА

Прочитај повеќе...

Спорт

Младата женска репрезентација на Македонија во фудбал до 16 години ја победи Бугарија во пенал рулетот, избраничките на Милеска со тоа остварија прва победа!

Објавено пред

на

©ФФМ

Женската репрезентација на Македонија до 16 години оствари победа над соодветната селекција на Бугарија по подобро изведување на пенали (4:2) во првото коло од Уефа развојниот турнир што се одржува во Албанија.

Натпреварот заврши 1:1, а во пенал серијата избраничките на селекторот Катерина Милеска беа многу посигурни и на крајот се радуваа на првата победа на развојниот турнир.

Селекцијата на Бугарија имаше предност од 1:0 во 47. минута, благодарение на голот на Емма Варбанов. Ана Марија Цветковска во 86. минута го израмни резултатот на 1:1.

Во пенал серијата, во нашата репрезентација погодија Розита Пецева, Ана Марија Цветковска, Тамара Лазеска и Елена Наумовска. Во селекцијата на Бугарија, прецизни од белата точка беа Зорнитса Коева и Јоанна Георгиева.

Вториот дуел од развојниот турнир го играме на 15. април против Грузија, во истиот термин, од 11:30 часот.

Македонија: Евгенија Велјановска, Лина Мицовска, Бесарта Фида, Розита Пецева, Елена Наумовска, Ана Марија Цветковска, Блехана Алиевска, Марија Велиновска, Елиза Ибрахими, Ема Наневска, Сара Димитровска

Селектор: Катерина Милеска

Извор: ФФМ

Прочитај повеќе...

Facebook

Последни објави

Хороскоп5 часа

Хороскоп за петок (25 април)

ОВЕН За да го привлече вашето внимание, некој упорно ќе ги извртува работите надвор од контекст. Ако нешто ви изгледа...

Скопје7 часа

Санкциониран возачот кој се движеше по велосипедска патека на ул. „Бутелска“, каде пред него имаше и лице со инвалидска количка

Во врска со објавеното видео во дел од медиумите на кое се гледа како патничко возило „Ауди“ со скопски регистарски...

Кичево12 часа

„ЕВН КЕЦ Кичево“ утре ќе работи на терен, следните кичевски улици и села ќе бидат без електродистрибуција во домаќинствата

Како што информираат од ЕВН, поради зафати на електродистрибутивната мрежа утре 25.04 – петок, „ЕВН КЕЦ Кичево“ ќе работи на терен, така...

Македонија13 часа

(ВИДЕО) Во 3 по полноќ го ограби верскиот храм „Успение на Пресвета Богородица“ во село Обршани, општина Кривогаштани

Одземена полна фиока со пари од Манастирот „Успение на Пресвета Богородица“ од селото Обршани, општина Кривогаштани ја згрози Македонија. Како...

Македонија13 часа

Делница А2 Желино-Тетово поради геодетско снимање ќе биде затворена една сообраќајна лента во неколку фази

Од денес (24.04.2025) ќе има привремена промена во сообраќајот на делот од државнот пат А2 – делница Желино – Тетово,...

Култура16 часа

(ФОТО) Во с.Цер кичевско одбележани 120 години од смртта на Христо Узунов – симбол на револуционерната борба

120 години од смртта на Христо Узунов – симбол на револуционерната борба Денес се навршуваат 120 години од смртта на...

Кичево18 часа

Вчера во Кичево се одржа состанок на општинскиот кризен штаб за превенција и заштита од пожари на отворен простор

Вчера 23.04.2025 г. во просториите на општина Кичево се одржа работен состанок на општински кризен штаб за превенција и заштита...

Македонија19 часа

МВР приведе кумановец затоа што управувал возило со 2,05 промили алкохол во крвта

На 23.04.2025 во 21.20 часот, полициски службеници од Полициската станица за безбедност на патниот сообраќај при СВР Куманово го лишиле...

Хороскоп1 ден

Хороскоп за четврток (24 април)

ОВЕН Денешниот ден ви доаѓа како порачан. Намалениот прилив на обврски ќе ви го овозможи потребниот одмор. Можни се сомнежи...

Мобилни уреди1 ден

Внимание: Се појави нов малициозен софтвер за мобилните телефони кој користи „NFC“ технологија за кражба на платежни картички

Безбедносните истражувачи од Cleafy предупредуваат за нов малициозен софтвер на Android кој користи NFC технологија за да украде платежна картичка...

НАЈЧИТАНИ