Спорт
ФФМ врши упис на кандидати за тренери, кои со посета на курс ќе се стекнат со УЕФА „А“ Диплома

Центарот за Едукација при Фудбалската Федерација на Македонија распишува конкурс упис на тренери – кандидати за посета на курс за добивање на УЕФА А Диплома.
УЕФА А Диплома – 20 места со следниве услови за упис на курсот:
– Барање за упис со наведени e-mail и телефон за контакт. Во прилог да бидат доставени следните документи:
– Државјанин на Македонија и најмалку 25 години старост (копија од пасош)
– Носител на УЕФА Б Диплома најмалку две години (копија од дипломата)
– Најмалку 2 (две) години тренерски стаж како носител на УЕФА Б Диплома од кои најмалку 1 (една) како главен тренер во младински категории или асистент во сениорски категории, потврда од клубот (ФФМ ја проверува информацијата во КОМЕТ системот)
– Лекарско уверение – оригинал
– Уплатница од 200 евра во денарска противвредност на сметка на ФФМ како прва рата (курсот чини вкупно 875 евра, во овие средства не се влезени трошоци за пат и сместување за 2 семинари х 5 дена и еден семинар од 7 дена во местото на одржување на курсот).
Уплатата се врши на жиро сметка на ФФМ:
300000001599760 – Комерцијална Банка
Примач – ФФМ Скопје
Цел на дознака: за УЕФА А курс
Доколку се пријават повеќе од 20 кандидати за курсот, Центарот за Едукација на ФФМ го задржува правото да изврши дополнително тестирање на кандидатите за прием во групата.
Заинтересираните кандидати треба своите барања и документи да ги достават до архивата на ФФМ или по пошта на адреса Бул. АСНОМ 21, 1000 Скопје – најдоцна до 08.10.2021. по завршување на уписот и формирање на групите, примените кандидати ќе бидат известени за термините на одржување на семинарите.
Напомена: за учество на курсот ќе се применуваат важечките протоколи и мерките за организација на ваков вид настани.
Во продолжение можете да го преземете барањето за упис за УЕФА А Диплома, со кликнување на следниот линк ТУКА
Спорт
Започна онлајн продажбата на билети за натпреварот Белгија – Македонија во Гент, да дадеме поддршка за Македонија на овој значаен меч!

Фудбалската федерација на Македонија (ФФМ) ги извести љубителите на фудбалот дека започна продажбата на билети за квалификацискиот меч за Светското првенство 2026, кој ќе се одигра на 10 октомври во Гент, Белгија, помеѓу репрезентациите на Македонија и Белгија.
За македонските фанови, во согласност со правилата на УЕФА, се обезбедени околу 900 места во делот од стадионот предвиден за гостински навивачи.
Цените, определени од Фудбалската федерација на Белгија, изнесуваат 25 евра за возрасни, а билет за деца до 12 години чини 21 евро.
Продажбата се реализира преку официјалната онлајн платформа на ФФМ – ТУКА. По завршената трансакција, купувачите најпрво добиваат ваучер како потврда, а врз основа на него подоцна се издава официјалниот билет, кој се испраќа на адресата наведена при купувањето.
Доставата на билетите е електронска (преку е-mail) и се реализира најдоцна во рок од две недели.
ФФМ ги охрабрува сите навивачи да обезбедат билет и со својата поддршка да ѝ дадат дополнителен мотив на македонската репрезентација во овој значаен натпревар.
Извор: ФФМ
Спорт
Младиот дански голгетер Конрад Хардер пред трансфер во Милан?

Данскиот голгетер Конрад Хардер е пред трансфер во Милан. Според најновите информации, неговиот сегашен клуб Спортинг и италијанскиот гигант постигнале договор, па се очекува 20-годишниот напаѓач оваа недела да биде официјално претставен на „Сан Сиро“.
Хардер пристигна во Лисабон минатиот септември како дел од стратегијата на Спортинг да ја обезбеди иднината во нападот по заминувањето на Виктор Џокерес. Иако првично Милан се обидуваше да го донесе Виктор Бонифас од Баер Леверкузен, преговорите пропаднаа поради здравствени проблеми на Нигериецот, што ги натера „росонерите“ брзо да ја свртат својата насока кон данскиот талент.
Како што пренесува новинарот Николо Скира, трансферот ќе му донесе на Спортинг 23 милиони евра плус бонуси, додека Хардер ќе потпише долгорочен договор до 2030 година. Со тоа тој за првпат во кариерата ќе игра во една од петте најсилни европски лиги.
Иако неговото доаѓање е голем плус, Милан во нападот и понатаму ќе го има само Сантијаго Хименез, за кого постои интерес од други клубови. Доколку Мексиканецот замине до крајот на преодниот рок, тоа може да го отвори патот за потенцијален трансфер на Душан Влаховиќ, кој има солидни односи со Масимилијано Алегри и би можел да се најде повторно под водство на својот поранешен тренер.
Конечниот расплет околу напаѓачката линија на Милан ќе биде познат во следните денови, кога и официјално завршува летниот преоден рок.
Спорт
ФФМ со најостра осуда за немилиот настан кој се случи на мечот помеѓу ФК Шкупи и ФК Брегалница

Фудбалската федерација на Македонија (ФФМ) со најостра осуда реагира на инцидентот што се случи за време на натпревар од младинските категории (генерации 2009/10) меѓу екипите на Брегалница и Шкупи, кога група родители на гостинските фудбалери насилно влегоа на теренот и физички нападнаа дел од домашните играчи.
ФФМ најавува дека ќе биде поведена дисциплинска постапка против ФК Шкупи и одговорните лица, а надлежните органи ќе преземат соодветни мерки за сторителите на овој срамен чин. Целта е вакво недолично и опасно однесување никогаш повеќе да не се повтори. Таквото однесување е крајно недозволиво и претставува сериозно нарушување на спортскиот дух, фер-плеј принципите и безбедноста на младите спортисти. Загрижувачки е што едно дете претрпе тешки повреди, меѓу кои и скршеници, како директна последица од нападот.
Федерацијата уште еднаш потсетува дека секоја форма на насилство на спортските терени е апсолутно недозволива и ќе биде најстрого санкционирана. За насилство – без разлика од кого и на кое ниво – компромис не постои.
Нашата заедничка обврска е да обезбедиме безбедна, здравствено сигурна и позитивна средина за развој на најмладите генерации фудбалери, соопшти во своето интегрално известување ФФМ.
-
Кичево15 часа
(ФОТО) Денес официјално промовиран првиот „Млекомат“ во Кичево, каде присуствуваше министерот за земјоделство, шумарство и водостопанство Цветан Трипуновски и Лазар Неданоски од МРФП
-
Кичево19 часа
Утрово на бул. „Ослободување“ во Кичево од автомобил бил удрен повозрасен пешак, веднаш интервенирала екипа на Брза Помош
-
Хороскоп1 ден
Дневен Хороскоп за понеделник (25 август)
-
Хороскоп5 часа
Хороскоп за вторник (26 август)
-
Македонија2 дена
Во Куманово по пожар на сува трева, се зафатил плац со паркирани возила, камиони и автобуси
-
Македонија2 дена
Добра вест: До моментов само 3 активни пожари, состојбата со пожарите се смирува
-
Македонија17 часа
Се вози брзо: Во изминатото деноноќие лишени од слобода пет возачи за „безобѕирно управување со моторно возило“
-
Автомобили15 часа
РКЕ: Од полноќ поскапуваат горивата, ова е новата цена за литар источено гориво на малопродажните објекти