Спорт
(ФОТО) „Бура од голови“, одличен победнички викенд за момчињата од „ФК Кичево“, Николаевски задоволен од прикажаната игра

Денес во Кичево се одиграа натпревари од детската лига во „Југозападниот“ регион помеѓу генерациите 2011 и 2012. Во натпреварот од генерацијата 2011 нашите момчиња од „ФК Кичево“ победија со резултат 3:2 во директниот дуел за првото место против екипата на Караорман од Струга.
„Хет-трик стрелецот“ на трите прекрасни голови е капитенот Борис Матески, кој несомнено е апсолутен „играч на мечот“ и уште еднаш ги оправда очекувањата на управата и своите играчи за неговата игра.
Возбудлив исто така беше и натпреварот од генерацијата 2012 против екипата на „Ас Јунајтед“ каде во првиот дел од мечот стружани ја имаа целата контрола на теренот така што квалитетно ги испратија своите врсници од „ФК Кичево“ со 0:2 негатива, но фудбалот е тоа, се игра до последниот свиреж, добра тактика, ги применија тренерските совети, така што во самиот финиш на натпреварот домаќините ја „запалија“ парната машина и постигнаа неверојатни 3 голови за само 5 минути, за да слават голема победа од 3:2. Стрелци на головите беа Илијоски Александар со 2 голови и победоносниот 1 гол на Берк Али.
Исто така меч за паметење одиграа и момчињата од 2009 генерација против екипата на Преспа на гости во Ресен, каде се изборија за мега резултат од 0:6. Гол-мрежата на гостите ја „бомбардираше“ Стефан Војчески со одлични 4 голови, додека Андреј Петрески и Елмедин Шерифоски со по еден гол се запишаа во листата на стрелците.
– Сакам да им се заблагодарам на присутните родители, на вашиот медиум за соработката, ја користам оваа прилика да им честитам на момчињата кои уште еднаш покажаа како е да се „војува“ на терен. Го заокружуваме празничниот викенд со три победи од три натпревари, но и понатаму ќе останеме посветени и ќе работиме, следуваат уште квалитетни екипи и исклучително талентирани и спремни момчиња, додаде првиот човек на „ФК Кичево“ – Игор Николаевски
Фотогалерија од денешните мечеви:
Спорт
(ФОТО) Кичевски „ФК Напредок“ ги наполни трибините со љубители на фудбалот, а играчите им возвратија со победа за почеток на сезоната

Недела, некогаш претпознатлив ден за фудбал на градскиот стадион во Кичево. Но денес за момент се чинеше дека токму го живееме тоа време, а зошто и да не го вратиме сјајот на тоа време?! Денес кичевчани покажаа дека љубовта кон фудбалот полека се враќа, а нашите момчиња тоа го крунисаа со одлично прикажана игра и победа од 3:1 против „ФК Вардар Брвеница“.
Речиси 80% полн капацитет на едната трибина и дел на другата со љубители на фудбалот уживаа во еден прекрасен ден со идеални услови за игра.
Серијата голови ја отвори Котески од 22м со еден маестрален шут уште во 33-та минута, веднаш потоа од далечина Калевски го искористи невниманието на гостинскиот голман и зголеми на 2:0. Третиот гол беше дело на Даутоски во 49-тата минута. За конечните 3:1 Спироски намали во финишот на мечот.
Натпреварот го водеа искусната тројка Марјан Стојаноски, Осман Зеќири и Никола Ѓорѓиевски.
– Можам да бидам задоволен од денешната игра на нашите момци. Активните тренинзи покажуваат резултати како на физичката подготвеност така и останатите битни работи кај фудбалерите. Ова е одличен резултат за почеток на првенството. Ја користам оваа прилика да им се заблагодарам на кичевчани кои дојдоа навистина во голем број и не бодреа до самиот финиш на мечот. Ве уверувам дека ќе ги искористиме сите можности за нашиот сон да се исполни – „Влез во елитната лига“ – за Порта.мк истакна Бобан Дујковиќ, тренер на „ФК Напредок“
Спорт
„ФК Напредок“ денес на домашен терен го игра првиот натпревар од новата сезона, ве повикуваме сите на градски како во старите добри времиња

Стартот во новата сезона во рамките на Трета лига Запад „Фудбалскиот Клуб НАПРЕДОК“ ќе ја започне на домашен терен,а за противник во првото коло ќе гостува екипата на „ФК Вардар Брвеница“.
Натпреварот ќе се одигра денес на Градскиот стадион во Кичево 14.09.2025 г.(недела) со почеток во 16:30 часот.
На сосема новиот и уреден изглед на трибините, ве повикуваме да му дадете максимална поддршка на „ФК Напредок“ како во старите добри времиња и заедно да уживаме во прикажаната игра.
Спорт
Анчелоти до Нејмар: „Во денешно време е морате да бидете во добра форма“

Во интервју за ESPN, трофејниот тренер откри дека би сакал еден од најдобрите фудбалери од последната деценија да го види во жолтиот дрес.
– „Нема потреба дополнително да се зборува за Нејмар – сите знаат колку е талентиран. Но, денешниот фудбал бара максимална физичка подготвеност ако сакате да го искористите целиот потенцијал. Ако Нејмар е здрав и во форма, нема причина да не биде дел од репрезентацијата“, изјави Анчелоти за ESPN Brazil.
Тој додаде: „Му порачав дека има време да се подготви на најдобар начин за да настапи на Светското првенство и да ни помогне. Сите сакаат да го видат во најдоброто можно издание. Пред мечот со Парагвај дојде во хотелот, разговаравме и му објаснив каде го гледам на теренот. Планот е јасен – би играл како офанзивен играч за врска или напаѓач. Веќе не може да биде крило, затоа што ја нема истата брзина, но како играч за врска може да даде голем придонес.“
Со оглед на тоа што Бразил веќе има обезбедено место на следниот Светски куп, Анчелоти на претходните натпревари не го вклучи Нејмар, фокусирајќи се повеќе на помладите фудбалери.
-
Хороскоп1 ден
Хороскоп за среда (17 септември)
-
Скопје2 дена
(ВИДЕО) Снимка од подметнувањето на пожарот во Пинтија, каде ние човечноста?!
-
Македонија2 дена
Министерството за одбрана, петта година по ред ги задржа максималните 100 % активна транспарентност и е практично најтранспарентна институција во државата
-
Музика18 часа
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Свет2 дена
„Google“ со сериозна инвестиција на центри за податоци и вештачка интелигенција во Велика Британија
-
Временска прогноза2 дена
По ладни утра проследени со ладен воздух од северен правец
-
Македонија2 дена
„СОЗР“ стави крај на злоупотребите на службените возила и зголемување на транспарентноста од денес граѓаните можат да пријавуваат случаи на незаконита употреба на службени возила
-
Магазин2 дена
iOS 26 е тука! 10 големи нови функции и три модели на iPhone без поддршка