Спорт
(ГАЛЕРИЈА) „ФК Кичево“ го освои првото место на меѓународниот турнир „Balkan Promises“ одржан во Охрид

Викендов се одржа меѓународниот турнир во фудбал „Balkan Promises“ на кој учествуваа екипи од Албанија, Косово и Македонија. Нашиот тим учествуваше со фудбалери од три генерации, 2009, 2011 и 2012 година.
Генерацијата од 2012 година имаше одлични настапи во својата група, генерација 2011 несреќно загуби во полуфинале на пенали, додека шлагот на овој турнир беше нашата генерација 2009 која го освои турнирот со победата против екипата на Риниа од Тирана, Албанија и овој турнир практично го заврши без пораз.
За најдобар стрелец беше прогласен Стефан Војчески, најдобар играч Андреј Петрески и најдобар голман Петар Којчески. Со ова нашите момчиња ја завршија оваа натпреварувачка година 2023-та.
Игор Николаевски – тренер на „ФК Кичево“: „Голема благодарност до сите членови на фудбалскиот клуб „Кичево“, нивните родители за несебичното вложување и заслугата за изминатите успеси одат на нивна сметка. Тука нема да застанеме продолжуваме со работа, за нова успешна 2024-та година.“
Нашиот медиум продолжува со поддршка на ФК „Кичево“ за нови и уште поголеми успеси
Спорт
Бенфика приреди вистинска сензација, Баерн беше поразен, но со втората позиција продолжува понатаму

Бенфика приреди вистинска сензација на Светското клупско првенство, совладувајќи го Баерн Минхен со минимални 1-0 во Шарлот и обезбедувајќи го првото место во групата Ц.
Заедно со нив, и германскиот тим се пласираше во следната фаза, додека Бока Јуниорс и Оукленд го завршија своето учество во оваа група. Стрелецот на победничкиот гол за португалскиот клуб беше Андреас Сјелдеруп, кој погоди по одлична контранападна акција во 13-тата минута.
Во меѓувреме, натпреварот меѓу Бока и Оукленд во Нешвил заврши нерешено 1:1, но беше прекинат во 54-тата минута поради предупредување за можна бура.
Спорт
Мбапе итно хоспитализиран, клубот ја соопшти причината зошто „голгетерот“ не беше во план против Ал Хилал

Реал Мадрид во моментов се наоѓа во САД каде што учествува на Светското клупско првенство. На првиот натпревар против Ал Хилал, кој заврши 1:1, Килијан Мбапе не настапи.
Клубот објави дека причината за неговото отсуство се здравствени проблеми.
Kylian Mbappé has been diagnosed with acute gastroenteritis and has been hospitalized for various tests and treatment, Real Madrid announced. pic.twitter.com/Eq4wGwU988
— ESPN FC (@ESPNFC) June 19, 2025
– „Нашиот фудбалер Килијан Мбапе има акутен гастроентеритис и е хоспитализиран за дополнителни прегледи и терапија“, стои во официјалното соопштение на Реал Мадрид.
Откако пристигна во САД, Мбапе учествуваше само на два тренинга и не беше дел од поголемиот дел од активностите на тимот. Следниот натпревар на Реал е закажан за недела навечер против Пачука, но останува неизвесно дали францускиот напаѓач ќе биде спремен да настапи.
Спорт
Меѓународната скијачка федерација „FIS“ воведува нов систем за санкционирање, ќе се користат жолти и црвени картони како во фудбалот

Меѓународната скијачка федерација „FIS“ од следната сезона воведува нов систем на санкционирање во скијачките скокови и нордиските дисциплини, користејќи жолти и црвени картони, слично како во фудбалот. Оваа промена има за цел построга контрола и казнување на неправилностите со опремата.
Според новите правила, натпреварувач кој ќе користи недозволена опрема ќе добие жолт картон. Ако го повтори прекршокот, следува црвен картон, што значи суспензија од следното натпреварување и загуба на квотата за националниот тим.
Одлуката беше донесена по бројни контроверзии за време на Светското првенство во Трондхајм 2025. Директорот на натпреварите во „FIS“, Сандро Пертиле, истакна дека последните месеци биле многу предизвикувачки и дека новите мерки се чекор кон подобра контрола и регуларност во спортот.
Покрај картичките, ќе се воведат и построги проверки на опремата – како 3Д мерења на телото за време на натпревари, детална инспекција на оделата, обувките и ракавиците, како и постојан надзор на стартот. Идентификациските чипови ќе се користат само по официјално одобрување на опремата.
Имплементацијата на новиот систем ја предводи Јирген Винклер, во соработка со техничкиот експерт Матијас Хафеле, кој ќе организира обуки за националните федерации.
Со овие промени, „FIS“ има за цел да обезбеди поголема транспарентност и фер-плеј, и планира дополнително да го развива системот за контрола на опремата во иднина.
Извор: fis-ski.com
-
Македонија2 дена
Ново поскапување на сите горива од ноќеска, ова е новата цена за литар
-
Хороскоп1 ден
Хороскоп за вторник (24 јуни)
-
Хороскоп3 часа
Хороскоп за среда (24 јуни)
-
Временска прогноза2 дена
Попоски: Од денес па натаму висок УВ индекс и температури до 40°C
-
Магазин15 часа
Најбрз домашен сладолед со само една состојка
-
Магазин15 часа
Летен десерт со само две состојки – готов за 5 минути!
-
Автомобили15 часа
Toyota го претстави првиот електрифициран Land Cruiser во Европа
-
Спорт2 часа
Бенфика приреди вистинска сензација, Баерн беше поразен, но со втората позиција продолжува понатаму