Кичево
(ФОТО) Кичевските пожарникари уште се на терен и гасат пожари, сите почести за нив

Сите почести за кичевските пожарникари, како и за вработените од Национални Шуми „Лопушник“ кои деноноќно мака мачат со огнените стихии кои го зафатија нашиот регион.
Пожарот во близина на селото Бачишта е локализиран. 5 вработени од Национални Шуми „Лопушник“ и 5 лица од локалното население се на терен, заедно со ТППЕ го обиколуваат теренот и интервенираат да ги до изгаснат остатоците кои горат.
Пожарот исто така во близина на селото Тајмиште е локализиран. 8 вработени од Национални шуми „Лопушник“, заедно со ТППЕ се излезени на терен, го обиколуваат теренот и ги догасуваат остатоците кои горат.
– Моментално се уште активно се гасат пожари генерално околу месноста Стража, aпелираме до неодговорните и несовесни граѓани дека топлото време е погодно за движење и работа во шума, излетниците и сите посетители на шумата, да внимаваат кога работат со лесно запаллив материјал бидејќи е доволна само мала искра за да се потпали сувата трева и друга нискостеблеста вегетацијана, да не се фрлаат цигари и отпушоци од цигари и догорчиња.
Исто така работата со разни култури на нивите и полињата, при што најчесто на неадекватен начин се чистат нивите и палат отпадоците и стрништа, да внимаваат на шумите како добро од општ интерес и така што работите во шума да ги работат совесно и со особено внимание.
Со таквото внимание ќе си помогнеме и самите себе си, додека граѓаните како главен фактор соодветно да известуваат за рано спречување на пожари со дојава до надлежните институции, преку нашиот портал истакна г-дин Грговски еден од најискусните пожарникари од Територијалната противпожарна единица – Кичево.
Кичево
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници

И оваа господова 2025 година Православните Христијани од речиси сите страни на градот вчера дојдоа во градскиот храм Св.Петар и Павле – Кичево каде присуствуваа на полноќните богослужби по повод христијанскиот празник „Воскресение Христово – Велигден“.
– На наше огромно задоволство оваа година дворот на храмот заштитник на град Кичево беше целосно претесен за сите верници каде традиционално се собраа на соопштување на радосната вест „Христос Воскресна“, од страна на свештениците.
Радост и среќа будат најмладите кои чествуваат и ја негуваат верата, укажувајќи ни уште еднаш за важноста на овој ден и најголем празник!
Ви прилог официјална галерија преку нашиот објектив на Јован Ангелески
Христос воскресна!
Кичево
СВР Охрид со детали за стравичната сообраќајка во Кичево која одзеде три животи

На 18.04.2025 во 20:40 часот во ОВР Кичево e пријавено дека, на магистралниот пат Кичево-Гостивар, кај место викано „Сеферов бунар“, се случила сообраќајна несреќа помеѓу патничко возило „мерцедес“ со кичевски регистарски ознаки, управувано од З.Д.(64) од Битола, патничко возило „форд“ со кичевски регистарски ознаки, управувано од А.Р.(63) од село Горно Страгомиште, кичевско и патничко возило „опел“ со кичевски регистарски ознаки, управувано од Х.Е.(38) од Гостивар.
На местото на настанот починале возачите З.Д. и Х.Е, а сопатничката од патничкото возило „опел“ Б.Е.(38) од Гостивар, била пренесена во Медицинскиот центар Кичево, каде починала.
Од страна на лекар констатирана била смрт, а по наредба на јавен обвинител телата на починатите се предадени за обдукција.
Во несреќата со телесни повреди се здобиле возачот А.Р. и неговата сопатничка А.А.(67) од село Колари, кичевско, сопатникот од возилото „мерцедес“ Д.С.(37) од Кичево и сопатниците од патничкото возило „опел“- тројца малолетници од Гостивар и Р.Е.(60) од селото Шутово, кичевско, констатирани во медицински установи во Кичево и Скопје.
На местото на несреќата увид извршија јавен обвинител, судски сообраќаен вештак и полициски екипи, за јавноста предмалку извести портпаролот на СВР Охрид, Стефан Димоски.
Кичево
Трагична сообраќајка со жртви кај кичевската месност „Сеферов бунар“

Во стравичната сообраќајна несреќа која го крена на нозе Кичево за жал е со трагични последици.
Несреќата се случила на сама кривина кај месноста викана „Сеферов бунар“ на магистрален пат А2, Кичево-Гостивар, учесници биле три возила, едно со странски регистарски додека другите со македонски национални ознаки.
Три жртви се трагично загинати, додека осум лица се тешко повредени меѓу кои и деца кои се префрлени на клиники Мајка Тереза во Скопје.
– Неофицијално од извори на терен, загинатите се жители на странска држава, додека едната жртва е државјанин со место на живеење во Македонија.
Портпаролот на СВР Охрид за Порта.мк предмалку ја потврди нашата информација, за случената сообраќајка, која гласи:
– Вечерва во 20.55 часот, во ОВР Кичево е пријавено дека се случила сообраќајна незгода на патот Кичево-Гостивар, помеѓу Кичево и село Трапчин Дол во која учествувале три возила. Според првичните информации три лица починале како последица на добиените повреди, а осум лица се повредени и дел од нив се пренесуваат во болницата во Кичево, дел во Клинички центар Мајка Тереза во Скопје. Сообраќајот е во прекин во двата правци за сите видови возила.
-
Кичево2 дена
Трагична сообраќајка со жртви кај кичевската месност „Сеферов бунар“
-
Кичево2 дена
Сообраќајна несреќа предмалку се случила на магистрален пат Кичево-Гостивар во близина на с.Зајас
-
Кичево1 ден
СВР Охрид со детали за стравичната сообраќајка во Кичево која одзеде три животи
-
Хороскоп2 дена
Хороскоп за сабота (19 април)
-
Хороскоп21 час
Хороскоп за недела (20 април)
-
Кичево7 часа
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници
-
Македонија9 часа
На пат Гостивар-Кичево бил лишен од слобода возач кој престигнувал подолга колона
-
Временска прогноза24 часа
Од понеделник повторно нашата територија под влијание на циклонска активност која носи обилен дожд и електрични празнења