Вечерва во преполна сала се реализираше и овогодинешниот концерт на КУД „Бисер“ – Кичево, под мотото „Тапан бие, оро се вие. Гајди и песни ечат, душа ни лечат“. Најпрво гала вечерта ја отвори претседателот на КУД „Бисер“ г-дин Младен Ванчоски, им посака топло добредојде на сите гости, спонзори, упатувајќи срдечни благодарности до управата на НУЦК „Кочо Рацин“, Министерството за Култура и останатите.

Прва на програмата беше „Осоговија“ на изворниот оркестар како и музичкиот дел под раководство на проф. Горан Делевски, потоа „Петре, Роненка, Овчеполе“, „Тресеница“, „Водарки“, песната „На столче седам“, „Сред село“, „Чумата“, се одигра и „Егејски“ како и „Копачија“. На крај беше интепретирана и „Ај да ојме Јано“, „Велешко оро“, и „Малешевка“, се разбира под кореографија на г-дин Цане Ѓорѓијоски.

Упатуваме честитки за организацијата и само успеси.

Во продолжение, во прилог галерија од вечерашниот настан, преку нашиот објектив, додека сите кои сакаат да си ги зачуваат фотографиите Порта.мк Ви го овозможи тоа следните 7 дена тоа да го направите бесплатно на линкот ТУКА, уживајте.