Спорт
(ФОТО) На Седлоски со Шкупи му оди во Кичево, победи остварија и Струга ТЛ и Шкендија

Струга Трим Лум на најдобар начин ја заокружува полусезоната откако на едно коло пред зимската пауза се зацврсти на првото место со триумфот од 1-0 против Академија Пандев. Тимот на Срѓан Захариевски ја обезбеди есенската титула, прва во
Долго време Струга ТЛ бараше победнички гол на денешниот дуел со Академија Пандев и успеа да го постигне Дарко Илиески во 69.минута.
Шкупи со пресврт славеше против Брегалница во Кичево со 3-1. Себастијан Херера во 24.минута донесе предност за штипјани, но десет минути подоцна Фреди Алварез упати бомба од 35 метри и успеа да израмни. Кристијан Трапановски на почетокот на вториот дел се погрижи за пресврт, а триумфот го потврди Пепи Ѓорѓиев во 83.минута.
Љупчо Дориев беше човек на одлука во триумфот (1-3) на Шкендија против Македонија ЃП на дуелот во Ѓорче Петров. Тој го отвори резултатот во 19.минута, а потоа и ја затвори серијата голови во 84.минута. Ферхан Хасани стрелаше во 51.минута за Шкендија, а едн минута подоцна погоди Емир Скендери за „лавовите“ од Ѓорче Петров.
Силекс освои три бода на гости совладувајќи го Тиквеш во Кавадарци со 0-2. Филип Обадовиќ беше стрелец на првиот гол во 72.минута, а девет минути подоцна кратовци постигнаа уште еден погодок.
Во Прилеп, Победа и Скопје ремизираа без голови, пишува makfudbal.мк
ПРВА ЛИГА, 17.КОЛО – РЕЗУЛТАТИ
СТРУГА ТЛ – АКАДЕМИЈА ПАНДЕВ 1-0
ШКУПИ – БРЕГАЛНИЦА 3-1
МАКЕДОНИЈА ЃП – ШКЕНДИЈА 1-3
ТИКВЕШ – СИЛЕКС 0-2
ПОБЕДА – СКОПЈЕ 0-0
Неколку фотографии од врнежливиот викенд преку нашиот објектив:
Спорт
Македонија одигра „реми“ со Казахстан на „Тодор Проески“, Барди нè спаси од сигурен пораз

Избраниците на Благоја Милевски сега ќе имаат клучен дуел со следната селекција, кој ќе реши кој тим ќе го заземе второто место. Со ова реми, фудбалската репрезентација на Македонија го предаде врвот на табелата на Белгија, која успеа да го совлада Велс по драматичен пресврт.
Велс во наредното коло ќе се сретне со Лихтенштајн, а евентуална победа би им донела можност да ја поминат Македонија на табелата. Судирот меѓу овие две репрезентации ќе се одигра токму во последната рунда, што дополнително ја зголемува неизвесноста.
Со победа во овој натпревар, Македонија ќе можеше да остане во трката за првата позиција, иако Белгија би била во пол-поволна ситуација. Сепак, по актуелниот расплет, македонските фудбалери ги очекува исклучително тежок ноемвриски предизвик.
Дуелот беше крајно израмнет и двата состави создадоа неколку добри прилики во првото полувреме, но мрежите мируваа до паузата. Казахстан прв стигна до водство во 54-тата минута преку Динмухамед Караман, но Енис Барди успеа да врати баланс во 74-тата минута со прецизен удар.
Иако нашите имаа уште неколку обиди да направат целосен пресврт, сепак не успеаја повторно да ја затресат мрежата и да си обезбедат полесен финиш на квалификациите.
Голот на Барди од слободен удар ексклузивно погледнете го ТУКА, преку нашите колеги од редакцијата на „Курир“
Спорт
(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!

Енис Барди го „матираше“ противничкиот голман на Казахстан. Од слободен удар максимално прецизен и силен донесе израмнување на мечот 1:1 по примениот „несреќен“ гол предмалку од гостите.
Одиме на победа!
Голот ексклузивно погледнете го ТУКА, преку нашите колеги од редакцијата на „Курир“
Спорт
Димитриевски: Очекувам силна поддршка од трибините, „Целта е јасна, излегуваме на терен по победа“

Македонската фудбалска репрезентација вечерва на Националната арена „Тодор Проески“ во Скопје ќе го пречека составот на Казахстан, во натпревар што може да биде клучен за продолжување на позитивната резултатска серија.
Еден од хероите од ремито против Белгија, голманот Столе Димитриевски, изрази очекување за силна поддршка од публиката и истакна дека тимот е целосно фокусиран на триумф.
– „Нашата цел е јасна – излегуваме на терен по победа. Очекувам навивачите да дојдат во што поголем број и да ни дадат дополнителна енергија. Иако разликата меѓу Белгија и Казахстан е очигледна, тоа не значи дека мечот ќе биде лесен. Со помошта на нашата публика верувам дека ќе стигнеме до посакуваниот резултат, а тоа е победа за Македонија“, изјави Димитриевски на прес-конференцијата пред вечерашниот дуел.
Да ја бодриме нашата репрезентација!
-
Хороскоп23 часа
Хороскоп за четврток (16 октомври)
-
Хороскоп2 дена
Хороскоп за среда (15 октомври)
-
Временска прогноза2 дена
Доаѓа нов бран на дождови на планините снег, и тоа над 2000 нмв – ова се најновите метео вести
-
Хроника1 ден
Почина лице кое било сведок на судење во Основниот граѓански суд – Скопје
-
Храна1 ден
Совет од експерти: Како правилно да складирате компири во текот на есента
-
Магазин1 ден
Instagram тестира нов изглед на апликацијата со нови табови за Reels и пораки
-
Македонија20 часа
18 години без нашата поп икона Тоше Проески, кој загина на денешен ден – утрото на кобниот 16.10.2007
-
Автомобили1 ден
(ВИДЕО) „Tuning Car Show“ во Прилеп доби нова димензија со видеата на тимот од „Autodonia“