Вчера во Територијална противпожарна единица Кичево околу 14:15ч е пријавен пожар, така што кичевските пожарникари веднаш излегле на терен и го лоцирале шумскиот пожар над кичевското с.Колари во близина на превој „Стража“. Од она што дојдовме како информација од ТППЕ Кичево – зафатена е нискостеблеста дабова шума, додека непристапниот терен создавал дополнителни проблеми за справување со пламените јазици и истиот е се уште активени денес.

Апелираме до неодговорните и несовесни граѓани дека топлото време е погодно за движење и работа во шума, излетниците и сите посетители на шумата, да внимаваат кога работат со лесно запаллив материјал бидејќи е доволна само мала искра за да се потпали сувата трева и друга нискостеблеста вегетацијана, да не се фрлаат цигари и отпушоци од цигари и догорчиња.

Исто така работата со разни култури на нивите и полињата, при што најчесто на неадекватен начин се чистат нивите и палат отпадоците и стрништа, да внимаваат на шумите како добро од општ интерес и така што работите во шума да ги работат совесно и со особено внимание.

Со таквото внимание ќе си помогнеме и самите себе си, додека граѓаните како главен фактор соодветно да известуваат за рано спречување на пожари со дојава до надлежните институции, преку нашиот портал истакнаа од Територијална противпожарна единица – Кичево.