Под влијание на влажна и на нестабилна воздушна маса која е поврзана со фронтален систем од север  и од северозапад, во текот на денешниот ден (четврток 31 јули) на повеќе места во Македонија, особено во јужните, југозападните, како и во источните предели ќе биде променливо и нестабилно со пороен дожд, грмежи и засилен ветер во зоната на нестабилност.

Локално пак, атмосферските процеси ќе бидат поинтензивни и во форма на невреме со пообилен пороен дожд за кратко време, силен ветер, електрични празнења  и со услови за појава на град.

И во делови од Скопскиот регион ќе има појава на повремен дожд со услови за развој на нестабилност, проследена со пороен дожд, грмежи и засилен ветер.

Апелирам, во случај на појава на невреме  и на електрични празнења граѓаните да обратат поголема внимателност, односно да не се претстојува на отворен простор  и под осамени дрвја. Исто така, во случај на појава на силен ветер, граѓаните своите автомобили да ги ставаат понастрана од дрвјата, особено оние дрвја кои се осамени.

Што се однесува до температурите, тие денес ќе се искачуваат во интервалот од 20 до 29 степени, што значи дека ќе биде значително посвежо. Во Скопскиот регион максималната температура денес ќе се искачи до околу 29 степени.

– Попоски за Порта.мк дополнително ексклузивно, изјави дека временската најава за дестабилизација на метео атмосферата ќе ја има, но во пресрет на вечерашниот концерт во кичевскиот регион од 20 часот па натаму, полека ќе се намалува нестабилноста и условите за врнежи ќе бидат помали, што значи нè очекува спектакуларен концерт!

Повелете, повеќе информации ТУКА

После манастирската богослужба, а потоа свечено пред Светото Писмо, револвер и кама дадоа заклетва за верност кон револуционерното ослободително дело – онаа иста заклетва што некогаш морале да ја положат сите членови на Македонската револуционерна органзација, „Манастир Пречиста-Кичевска Коњаница“ иако со закаснување поради оправдани причини, односно пристигнаа покасно, денес секако дека беше вистинска атракција во центарот на град Кичево, каде пристигнаа пред портите на нашиот храм, заштитник на град Кичево , Св.Апостоли Петар и Павле.

И оваа година најмладите најмногу им се израдуваа на учесниците облечени во комитски носии и нивната коњаница, предводена од Орце Богданоски кој за прв пат неговата желба стана реалност да биде учесник, но и Војвода.

Вечерва збиднувањето ќе биде во с.Козица, каде е предвидена централна прослава со жива музика.

Честитки, нека е вечна традицијата.

Галерија преку нашиот објектив:

И оваа година „Манастир Пречиста – Кичевска Коњаница“ ќе земе учество на традиционалниот ден „Илинден“ во Крушево, каде со своја коњаница ќе учествува на еден од најмакедонските денови во годината. Тоа значи еден вид оддавање почит кон илинденските идеали. Најпрво во нашиот Манастир „Св.Богородица-Пречиста“ утре – понеделник (28.07.2025 г.) ќе се отслужи Богослужба со Литургија во 08 часот, потоа се пристапува кон македонската заклетва, пред свето писмо, кама и револвер. Потоа следува поаѓање од Манастирот Пречиста низ селата Манастирско Доленци и Србјани кон градот Кичево, така што во 12:00 часот е предвидено „Кичевската Коњаница“ да пристигне во Кичево и да се упати кон светиот храм „Св.Апостоли Петар и Павле“

Дојдете во што поголем број да ги пречекаме учесниците и заедно да ги испратиме до славно Крушево!

Вечна да биде традицијата!

Агенда: