Предмалку сообраќајка се случила на влез на град Кичево, односно во близина на „Автобуска станица“.

Според очевидци, учествувале пмв. „Голф“  и „Пежо“, неофицијално едниот учесник изгубил контрола врз своето возило и удрил директно во другото возило.

ОВР Кичево уште врши увид, додека учесниците се на местото на настанот. На местото на настанот веднаш пристигнала и екипа на Брза помош.

Апелираме за поголемо внимание во сообраќајот и прилагодување спрема поставената патна и сообраќајна сигнализација.

Во моментов припадниците на ТППЕ Кичево со сите расположливи средства ја гасат огнената стихија која го зафати регионот зад градскиот стадион, односно на месноста каде порано се одлагаше смет.

За порта.мк од ТППЕ Кичево истакнаа дека по пријава интервенирале најпрво во околу 11:40ч, каде пожарот бил до крај изгаснат, но потоа на друго место во истиот регион, бил поново детектиран, што сомнежите сè дека истите се подметнати.

Прочистителна Станица | Кичево

На помош за брза реакција за дополна на вода во пресрет излегоа од Прочистителната станица под ЈП Комуналец.

Пожарот е локализиран и ќе биде санкциониран во најбрз можен рок, гори сува трева, пластика остатоци од депониран некогашен смет и нема простор за паника, бидејќи чадот од градската средина изгледаше лошо поради зафатени стари гуми, за кој бевме сведоци на многу пораки и загриженост од жителите на градот.

Сите почести за овие луѓе, кои животите ги ризикуваат и дишат огромен токсичен чад во служба за граѓаните.

Порта.мк останува на терен.

Со духовна радост и трепет, подготвувајќи се за еден од најголемите празници – Рождеството на Пресвета Богородица, сестринството на нашата света обител со љубов ве поканува молитвено да го прославиме денот кога започна нашето спасение.

Преку безживотната утроба се раѓа Мајката на животот; плачот на прамајката се претвора во радост, зашто чудата Божји ги надминуваат не само човечките, туку и небесните поими.
Затоа нека се весели сега секоја твар, нека ја воспева Богородителката, и нека торжествува целата вселена, велегласно воскликнувајќи:

„Радувај се, Благодатна, преку Тебе ни се јави Бог, изворот на големата милост!“

Во навечерието на празникот (сабота) богослужбата ќе започне во 18:00 часот.

Следниот ден (недела), утрената ќе започне во 07:30 часот, пречек на Архиереите во 08:45 часот и Света Архиерејска Литургија во 09:00 часот, на која ќе чиноначалствува Митрополитот г.Георгиј во сослужение со нашиот возљубен Старец Епископот Антаниски г. Партениј, како и свештенослужители при епархијата.

Преку нашиот медиум посакуваме сите патишта да водат кон манастир Св.Богородица Пречиста, понесувајќи го со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева.