Спорт

Футсал селекцијата на Македонија до 19 години со победа го заврши учеството на квалификацискиот турнир во Гибралтар

Објавено пред

1 месец

на

ноември 4, 2021

Од

Порта.мк

Младата футсал репрезентација на Македонија до 19 години вчера со победа го заокружи учеството на квалификацискиот турнир за пласман во елитната фаза квалификации за Европското првенство.

Избраниците на селекторот Зоран Лекиќ во интересен натпревар успеаа да слават победа со 4:2 над домаќинот на турнирот, селекцијата на Гибралтар.

Противникот прв успеа да го отвори резултатот, благодарение на погодокот на Ел Јетефти. Mакедонија израмни на 1:1, стрелец на погодокот беше Јанев. Комплетен пресврт Македонија направи преку Анчевски.На 3:1 зголеми Блажевски, а четвртиот погодок за Македонија беше дело на Чајани.

Гибралтар до крајот на мечот успеа само да го намали резултатот. Конечните 4:2 ги постави Мараче.

Македонија и Гибралтар одиграа отворен натпревар со многу можности за постигнување на погодок. Македонија имаше 26 обиди, од нив 8 во рамките на голот, додека на другата страна Гибралтар имаше 37 обиди за постигнување гол.

По одигрувањето на сите натпревари во групата Б од турнирот, селекцијата на Црна Гора го освои првото место, со максимален учинок, Македонија заврши на втората позиција, Гибралтар го заврши циклусот без освоен бод.

Селекцијата на Црна Гора продолжува во следната фаза квалификации за пласман на Европското првенство.

Македонија: Иса Фера, Антонио Јанев, Христијан Митев, Никола Анчевски, Давид Блажевски;

Резерви: Мартин Цветковски, Стефан Петрушевски, Суфијан Чајани, Бојан Неделковски, Стефан Грујевски, Давид Велјаноски, Душко Пауновиќ;

Селектор: Зоран Лекиќ;

Тагови:19 години Македонија Футсал репрезентација

Следно

(ВИДЕО) Етеми игра во одлична форма, во турската лига постигна мајсторски гол, македонската селекција има што да очекува од него!

Не пропуштај

24 повикани фудбалери на списокот на Милевски за последните два меча од квалификациите за СП

Спорт

Левандовски: Се надевав дека Лео Меси ќе биде искрен, но..

Објавено пред

1 ден

на

декември 7, 2021

Од

Порта.мк

Роберт Левандовски, голгетерот на тимот на Баерн, призна дека е разочаран што не ја добил Златната топка, која Франс Фудбал и годинава му ја додели на Аргентинецот Лионел Меси.
Овој потег разочара многу фанови бидејќи сметаа дека Левандовски треба да ја понесе титулата најдобар.

Репрезентативецот на Полска го слушнал Меси како вели дека Роберт требало да ја добие наградата, но признава дека сето тоа му било тешко.

– Се чувствувам тажно. Не можам да го сокријам. Не можам да кажам дека сум среќен, напротив. Сè уште го имам тоа чувство на тага. Да се биде толку блиску, да се натпреварувам со Меси… Секако дека го почитувам како игра и што постигнал. Едноставниот факт дека можев да се натпреварувам со него ми покажува до кое ниво успеав да стигнам. Не сум ентузијаст кога е во прашање освојувањето на наградата за 2020 година – вели Левандовски.

Во врска со изјавата на Меси, тој рече дека се надева дека ќе биде искрен.

– Би сакал таа изјава на Лео да беше искрена и од срце, да ја посочи кон друг голем играч, дека не се само празни зборови – заврши Левандовски.

Меси по седми пат го доби признанието, оддалечувајќи се за две титули во однос на Кристијано Роналдо, на вечната листа на лауреати.

Од друга страна, Левандовски мораше да се утеши со наградата за најдобар напаѓач на годината.

Извор: vesti-online.com
Фото: printscreen/video youtube

Прочитај повеќе...

Спорт

(ВИДЕО) Селекторот Милевски упати моќна порака во кампањата на УЕФА

Објавено пред

2 дена

на

декември 7, 2021

Од

Порта.мк

Здравјето и благосостојбата се од фундаментално значење за спортот. Во својата нова кампања, УЕФА заедно со националните асоцијации ги промовира придобивките и важноста од активниот и здрав начин на живот.

Селекторите на репрезентациите ширум Европа ги повикуваат младите да ги следат најдобрите тактики за здрав живот: Да практикуваат повеќе спорт, да јадат здрава храна, да го ограничат или избегнуваат алкохолот, да не пушат и да одржуваат рамнотежа помеѓу работата и животот.

Благоја Милевски, селекторот на македонската А репрезентација прати своја порака во кампањата на УЕФА.

„Да избереме активности кои ја стимулираат нашата физичка и ментална сила!”

Прочитај повеќе...

Спорт

(ВИДЕО) Поим за фер плеј, им дозволија на противникот да постигнат гол

Објавено пред

5 дена

на

декември 4, 2021

Од

Порта.мк

И тоа се случува во фудбалот. Во третолигашки меч домашната екипа постигна гол на среќа во истиот момент кога фудбалерот за врска дава сигнал за повреда, така што гостите речиси и да застанаа со игра.

За фер плеј и момент за почит, домаќините ги пуштија гостите да го вратат голот.

Целата ситуација видете ја во прилогот на Спорт Клуб.