Спорт
(ГАЛЕРИЈА) Шкупи ја декласираше Шкендија во Кичево

Актуелниот првак Шкупи ја доби дерби – пресметката против Шкендија во Кичево со 2-0 и се доближи до лидерот Струга Трим Лум, која на стартот на пролетта ремизираше (1-1) на гостувањето кај Тиквеш во Кавадарци.
Фреди Алварез беше стрелец на водечкиот гол за Шкупи. Тој шутираше од 12 метри откосо од десната страна и го совлада Талевски во 36.минута. Шкендија не беше без шанси, одлични можности пропуштија Хасани и Милев. Трапановски во судиското продолжение го постави конечниот резултат за триумф на Шкупи од 2-0.
Александар Мишов постигна гол за Тиквеш на дуелот против Струга Трим Лум. Тој стрелаше во 43.минута. Сепак, стружани успеаја да стигнат до реми со гол во 87.минута. Валентин Кочоски постигна убав гол од слободен удар за еден бод за лидерот.
Академија Пандев славеше победа (0-1) на гости против Македонија ЃП. Михеили Ергемлидзе во 74.минута погоди за три бода за „пандевци“ во Ѓорче Петров.
Работнички триумфираше со 0-2 против Победа во Прилеп. Дејан Ѓуриќ во 14.минута со удар со глава донесе предност за „романтичарите“, а Крсте Велкоски од слободен удар во 89.минута го постави конечниот резултат.
Брегалница и Скопје ремизираа без голови на дуелот во Штип.
ПРВА ЛИГА, 19.КОЛО – РЕЗУЛТАТИ
ШКУПИ – ШКЕНДИЈА 2-0
ТИКВЕШ – СТРУГА ТЛ 1-1
ПОБЕДА – РАБОТНИЧКИ 0-2
МАКЕДОНИЈА ЃП – АКАДЕМИЈА ПАНДЕВ 0-1
БРЕГАЛНИЦА – СКОПЈЕ 0-0
Текст: Макфудбал
Фото: Порта.мк
Спорт
Флик останува во Барса до 2027 година

Официјално Барселона потврди, Флик останува до 2027-ма година! Имено, продолжувањето на договорот на Ханси Флик е јасен показател дека клубот верува во неговата визија и работа. Освојувањето на три титули во првата сезона — Суперкупот, Копа дел Реј и Ла Лига — е извонредно постигнување и ретко се гледа тренер толку брзо да ја добие довербата на играчите, управата и навивачите.
Que siga el espectáculo
𝗛𝗔𝗡𝗦𝗜 𝗙𝗟𝗜𝗖𝗞 𝟮𝟬𝟮𝟳 💙❤️ pic.twitter.com/y8xkzBnuXW— FC Barcelona (@FCBarcelona_es) May 21, 2025
Фактот што договорот бил постигнат без големи пречки, но сепак објавен по крајот на сезоната, покажува професионалност и фокус од страна на Флик. Тоа е стил на лидер кој не сака личните работи да го засенат тимскиот успех.
Ќе биде интересно да се види како ќе продолжи неговата приказна со Барселона во наредните сезони — особено со оглед на тоа што клубот се обидува да направи долгорочен проект со јасна фудбалска визија.
Hansi Flick arrives to sign new deal! 🔒✍🏻 pic.twitter.com/2cWV06i47i
— Fabrizio Romano (@FabrizioRomano) May 21, 2025
Спорт
ФФМ и МВР потпишаа Меморандум за унапредување на безбедноста на фудбалски настани и заштита на интегритетот

Фудбалската федерација на Македонија (ФФМ) и Министерството за внатрешни работи (МВР) потпишаа Меморандум за соработка со кој се зајакнува партнерството меѓу двете институции во насока на зајакнување на сигурноста, безбедноста и интегритетот на фудбалските натпревари.
Целта на овој Меморандум е ефективна координација и размена на информации,унапредување на безбедносните протоколи, спречување на насилство и недолично однесување и поттикнување на позитивна спортска култура меѓу навивачите.
Во рамките на соработката ќе се реализираат заеднички безбедносни планови и протоколи за натпревари, редовни координации меѓу службите на МВР и ФФМ, обуки за службени лица и редарски служби, едукативни кампањи за промоција на спортски дух и воведување технолошки решенија за следење и навремена реакција при инциденти.
Со оваа иницијатива, Министерството и Федерацијата испраќаат силна порака дека фудбалот треба да биде простор на почит и фер натпреварување, ослободен од негативни појави, истакна ФФМ. Во продолжение повеќе ќе прочитате на нивниот официјален натпис ТУКА
Спорт
Македонската репрезентација во фудбал до 18 години, ќе одигра два контролни натпревари со Словенија во гости

Репрезентацијата на Македонија до 18 години кон крајот на мај ќе одигра два контролни натпревари против соодветната селекција на Словенија. Контролните средби ќе бидат одиграни во градот Птуј, во Словенија. Првата контролна пресметка на програмата е на 27. мај со почеток во 17. часот, истакна Фудбалската федерација на Македонија.
Два дена подоцна се игра вториот контролен натпревар во 11. часот.
Селекторот на репрезентацијата на Македонија до 18 години, Ерхан Селими за претстојните контролни натпревари со Словенија се одлучи да ги повика следните фудбалери:
ГОЛМАНИ:
Давид Илоски А.П. Брера
Онур Бешир Шкендија
ОДБРАНА:
Златко Радески Вардар
Абдулах Аслани Лунгби Данска
Горазд Ристовски Црвена Звезда Србија
Давид Стојаноски Браво, Словенија
Лука Атанасовски Беласица
Андреј Мурџески Вардар
Назиф Цека Шкендија
Емир Шаботиќ Вардар
СРЕДЕН РЕД:
Каменчо Андоновски А.П. Брера
Кренар Хоти Работнички
Марко Киш Њу Старс
Ариф Локи ХБ Коге Данска
Мерт Адеми Аален Германија
Семир Исљами Сион, Швајцарија
Бојан Затуроски Охрид Лихнидос
Адмир Љатифи Беса
Аритон Мехмед Шкупи
НАПАД:
Игор Ристов А.П. Брера
Хисар Али Беса
Димитар Шаркоски Победа
Поради повреда на списокот не се најдоа Стефан Младеновски и Луан Реџепи.
Извор: ФФМ
-
Кичево24 часа
(ФОТО) Денес во кичевската касарна „Чеде Филипоски – Даме“ – со свеченост беше реализиран 21-ви Мај – „Денот на единицата“
-
Хороскоп2 дена
Хороскоп за среда (21 март)
-
Хороскоп14 часа
Хороскоп за четврток (22 мај)
-
Временска прогноза17 часа
Попоски истакна дека најмалку до првата седмица од јуни месец ќе имаме слично време, можеби и со пониски температури
-
Македонија21 час
Приведен измамник: Преку фејсбук страница продавал наводно благословени предмети
-
Македонија2 дена
Посебен сообраќаен режим за експресниот пат А3 Штип – Кочани од клучка Крупиште до клучка Кочани
-
Здравје и убавина2 дена
Вниманието во храната во борбата против заморот е многу битна за човековиот организам
-
Спорт23 часа
ФФМ и МВР потпишаа Меморандум за унапредување на безбедноста на фудбалски настани и заштита на интегритетот