Статистиката покажува дека истрошениот акумулатор е една од најчестите причини за дефекти кај возилата, вклучувајќи ги и електричните автомобили. За да го спречите ова и да заштедите пари, потребно е правилно да го одржувате акумулаторот, особено во зимскиот период.

Важноста на правилното полнење на акумулаторот

Ако акумулаторот е добро наполнет, моторот ќе работи без проблеми, а ќе се спречи и оштетување од длабоко празнење или замрзнување на ќелиите. За да го зачувате неговиот век, избегнувајте чести кратки патувања, бидејќи тие не му даваат доволно време на алтернаторот да го наполни. Наместо тоа, редовно правете подолги патувања за да му овозможите на акумулаторот целосно да се регенерира.

Проверка и одржување

Редовната проверка на состојбата на акумулаторот е неопходна за да избегнете негово брзо празнење. Важно е и да ги заштитите контактните столбови од корозија. Ако вашето возило не го користите подолго време или често возите на кратки релации, препорачливо е да го полните акумулаторот со соодветен уред.

Избор на соодветен полнач

Ако сами сакате да го полните акумулаторот, проверете дали полначот е соодветен за технологијата на вашиот акумулатор (оловно-киселински, AGM или гел акумулатор). Полначите со повеќе фази нудат „нежно“ и темелно полнење, што го продолжува неговиот животен век и го заштитува од преполнување.

Современи полначи и безбедност при полнење

Современите полначи имаат интелигентни алгоритми кои автоматски го прилагодуваат процесот на полнење според состојбата на акумулаторот. Дигиталниот дисплеј овозможува лесно следење на процесот, а некои модели имаат и дијагностички функции што предупредуваат на потенцијални проблеми.

Полнењето секогаш треба да се врши во проветрена просторија, бидејќи при процесот може да се ослободат опасни гасови. Ако сами го вадите акумулаторот, носете заштитни ракавици и стара облека, а држете го подалеку од телото.

Доверете ја работата на професионалци

Ако не сте сигурни во процесот на полнење и одржување на акумулаторот, особено кај поновите автомобили кои имаат покомплексни електронски системи, најдобро е да ја доверите оваа работа на професионалци.

Со правилно одржување и редовно полнење, можете значително да го продолжите животниот век на акумулаторот и да избегнете непријатни дефекти.

Извор: Alo

Хонда отвора ново поглавје со набавка на батерии од новата фабрика за батерии на Тојота во Соединетите Држави, во обид да ги намали ризиците од царината под администрацијата на Трамп, објави во понеделникот јапонски Никеи. Почнувајќи од фискалната 2025 година, вториот по големина јапонски производител на автомобили ќе набавува батерии од Тојота, произведени во САД, за околу 400.000 возила, што е доволно за сите хибридни автомобили што ги продава во земјата, се вели во изданието.

Претставник на Honda рече дека компанијата не ги објавила информациите за кои станува збор, додавајќи дека не сака да открие од каде се изворите на деловите за масовно производство. Тојота одби да коментира.

– Хонда моментално набавува батерии за автомобилите што ги склопува во САД од Јапонија и Кина, но се подготвува за потенцијален удар од царините на Трамп, додаде Никеи.

Префрлањето на батерии произведени во Америка би го означило најновиот чекор на Honda да се заштити од потенцијална тарифна војна.

Јапонскиот производител на автомобили одлучи да ја изгради својата следна генерација хибрид Civic во американската сојузна држава Индијана наместо во Мексико за да избегне потенцијални царини за еден од неговите најпродавани модели, велат познавачите на плановите, пренесува Automotoshow.rs

Неколку остри кривини и многу патници во автомобилот – и еве ги првите симптоми на гадење, особено кај оние што седат на задните седишта.

Гадењето при возење се јавува затоа што центарот за рамнотежа не е усогласен со видот. Со други зборови, движењата на телото и силите што делуваат врз него не се синхронизирани со она што го гледаат очите.

Зошто доаѓа до гадење?

Погледот на патниците најчесто е насочен кон страните на автомобилот, а не кон патот пред нив. Како резултат на тоа, нивниот вестибуларен систем регистрира движење, додека очите гледаат релативно стабилна околина.

На пример, децата на задното седиште го гледаат задниот дел од предното седиште како фиксен хоризонт, но нивниот систем за рамнотежа чувствува дека возилото се движи. Оваа неусогласеност меѓу сетилата доведува до чувство на мачнина.

Кој е најчувствителен?

Децата на возраст од шест до 12 години се особено склони кон гадење, но и многу возрасни можат да имаат сериозни проблеми со оваа појава.

Како да се спречи гадењето при возење?

• Возачите треба да успорат што е можно повеќе на кривините, бидејќи наглите промени во движењето го влошуваат чувството на мачнина.
• Патниците на задното седиште треба да се обидат да гледаат низ шофершајбната, наместо на страните, за да го синхронизираат својот вид со движењата на телото.

Извор: B92