Утре македонската „А“ фудбалска селекција ќе го одигра првиот квалификациски меч против Лихтенштајн во Вадуц за пласман на СП 2026. На прес конференцијата која се одржа денес, селекторот Милевски и капитенот Барди ги истакнаа своите ставови:

Милевски: „Максимално се подготвуваме за натпреварот. Би било добро да почнеме со победа и да ја продолжиме серијата позитивни резултати, но до бодови можеме само со нашето најдобро издание. Ме радува што фудбалерите играат во своите клубови, имавме доста проблеми минатата година со неиграњето на репрезентативците во клубовите.

– Но, тие секогаш даваа максимум кога играа за селекцијата. Верувам дека сега ќе биде само подобро. За да победите мора сите линии да се на високо ниво, сите фудбалери се битни и нашиот фокус е да функционираме до максимум. Неколку фудбалери не можат да ни помогнат заради повреда, го имам стартниот тим во главата и верувам дека сите ќе бидат здрави по последниот тренинг. Имаме максимален респект и убеден сум во максимален пристап“.

Говорот на Барди проследете го на официјалниот натпис од ФФМ, ТУКА

Во меѓувреме репрезентацијата на Македонија до 21 година загуби со 3:1 од соодветната селекција на Белорусија во контролен натпревар одигран во Белек, Анталија. Натпреварот го обележа катастрофалното делегирање на правдата од страна на турските судии. Имено, на полувремето фудбалерот на Белорусија, Кирил Цепенков беше изваден од игра, но во продолжението влезе повторно во игра на место на друг играч кој го напушти теренот поради повреда. Судиите беа запознаени со ситуацијата и грешката што ја направи белорускиот тим, но не изреагираа, дозволувајќи му на Кирил Цепенков да го доигра натпреварот. На крајот фудбалеро на Белорусија беше стрелец на третиот погодок на денешната средба – пишуваат од ФФМ.

За Македонија до 21 година настапија: Љупче Џеков, Даниел Марковски, Бенан Хамидовиќ, Ѓорге Џеков, Андреј Велков, Димитар Трајков, Матеј Ангелов, Адриан Зенделовски, Никола Манојлов, Мартин Ѓорѓиевски, Никола Величковски.

Селектор: Горан Станиќ

Репрезентацијата на Македонија до 19 години ќе одигра два контролни натпревари со соодветната селекција на Албанија. Контролните средби ќе бидат одиграни на градскиот стадион во Корча.

Првиот дуел овие две репрезентации ќе го одиграат на 21. март со почеток во 15. часот. Два дена подоцна на програмата е втората контролна пресметка, која ќе започне во 12. часот.

Селекторот на младата репрезентација на Македонија, Ерхан Селими за претстојните натпревари со Албанија, се одлучи да ги повика следните фудбалери:

ГОЛМАНИ:

Давид Илоски А.П. Брера

Александар Балев Пелистер

Павел Трајковски Македонија Ѓ.П.

ОДБРАНА:

Златко Радески Вардар

Абдулах Аслани Лунгби, Данска

Горазд Ристовски Црвена Звезда, Србија

Давид Стојановски Браво, Словенија

Лука Атанасовски Беласица

Андреј Мурџески Вардар

Назиф Цека Шкендија

Игор Ристов А.П. Брера

Емир Шаботиќ Вардар

СРЕДЕН РЕД:

Каменчо Андоновски А.П. Брера

Луан Реџепи Конкордиа Базел, Швајцарија

Ариф Локи ХБ Коге, Данска

Албион Муслиу Шкендија

Јасин Рушани Хамбург, Германија

Игли Хасани Работнички

Бојан Затуроски Охрид Лихнидос

Адмир Љатифи Беса

НАПАД:

Стефан Младеновски Црвена Звезда, Србија

Хисар Али Беса

Анастас Арнаудовски Вараждин, Хрватска

Собирот на репрезентацијата на Македонија до 19 години беше денеска, во 8:30 часот пред Фудбалската федерација на Македонија, известуваат од Фудбалската федерација на Македонија.

Фудбалската федерација на Македонија, соодветно на моментот, во денови на жалост, се воздржува од активности кои не се во склад со почитта што ја искажуваме во овие тешки моменти. И по тој повод упати интегрално соопштение до јавноста за ФК Гостивар кое ви го пренесуваме во целост и гласи:

– Во тој контекст, сакаме да нагласиме дека ФФМ нема да се занимава со одредени интереси на клубови, ниту ќе разменува несоодветни дописи во овој период.  Веруваме дека сите фудбалски клубови имаат разбирање и ќе ги почитуваат овие денови соодветно.

Во таа насока, апелираме до ФК Гостивар да ги почитува овие моменти и своите интереси да ги брани и докажува на зелениот терен, наместо преку дописи и притисоци во јавноста. Посебно, што немаат никаква причина за тоа.  Во вакви моменти, фудбалот и спортот воопшто, треба да обединува, а не да се користи за дневни интереси, особено во денови на жалост. 

Веруваме дека заедно ќе покажеме почит и достоинство, се вели во соопштението од ФФМ.