Македонската фудбалска репрезентација до 21 година одигра натпревар без голови против Косово, на првиот контролен меч меѓу овие две селекции, кој се одигра на стадионот „Фадил Вокри“ во Приштина.

Мечот беше борбен и неизвесен до самиот крај, со многу трчање и тактички дуели на теренот. Обете екипи имаа свои шанси, но не успеаја да ги реализираат.

Најблиску до погодок беше Димитар Трајков во 36. минута, но неговиот удар со глава заврши над голот. Пред крајот на првото полувреме, Меметриза Хамза се обиде со удар од далечина, но домашниот голман сигурно интервенираше.

Во второто полувреме, Трајков повторно се најде во добра позиција во 62. минута, но не успеа да погоди. Адриан Зенделовски во 80. минута имаше своја шанса, но ударот му беше блокиран. Неколку минути подоцна, Анес Мелиќи се закани со удар со глава, но беше непрецизен.

За Македонија настапија: Васко Василев, Ѓорге Џеков, Матеј Ангелов, Адриан Зенделовски (Никола Манојлов), Мартин Ѓоргиевски, Димитар Трајков (Матеј Гаштаров), Давид Даилоски, Нуман Ајетовиќ, Меметриза Хамза (Кире Стојанов), Димитар Данев, Анес Мелиќи

Селектор: Горан Станиќ

Селекторот на македонската А репрезентација, Благоја Милевски, го соопшти списокот на играчи кои ќе настапат на квалификациските натпревари за Светското првенство против Белгија на 6 јуни во Скопје и против Казахстан на 9 јуни во Астана. На списокот има само еден нов играч – Стефан Деспотовски од ОФК Београд, кој ќе дебитира за националниот тим.

Поради повреди, натпреварите ќе ги пропуштат Дарко Велковски, Никола Серафимов и Лирим Ќамили.

ГОЛМАНИ

Столе Димитриевски
Дејан Илиев
Дамјан Шишковски
Игор Алексовски

ОДБРАНА

Јован Манев
Стефан Деспотовски
Ѓоко Зајков
Езѓан Алиоски
Андреј Стојчевски
Стефан Ашковски
Бојан Димоски
Висар Муслиу
Бојан Илиевски

СРЕДЕН РЕД

Агон Елези
Енис Барди (капитен)
Елиф Елмас
Тихомир Костадинов
Исник Алими
Лука Станковски
Јани Атанасов

НАПАД

Александар Трајковски
Димитар Митровски
Бојан Миовски
Дарко Чурлинов
Кристијан Трапановски
Милан Ристовски
Давид Тошевски

Во финалето на „Купот на Македонија“ на младинци, денеска екипата на „АП Брера Струмица“ ја освои титулата со убедлива победа од 4:0 против тимот на „Брегалница“. Натпреварот се одигра на тренинг-центарот „Петар Милошевски“ во Скопје.

Првото полувреме заврши со водство за Брера откако Бобан Кузмановски постигна гол во 45. минута. Тој и во второто полувреме беше прецизен, зголемувајќи на 2:0 во 48. минута. Во 56. минута Давид Ристовски ја зголеми предноста на 3:0, а конечниот резултат од 4:0 беше поставен со автогол на Дарко Митев во 83. минута.

По завршувањето на натпреварот, пехарот и медалите им беа врачени на победниците од страна на Ѓорги Христов, технички директор на младинските селекции на Македонија и поранешен репрезентативец.

„ФК Брегалница“ настапи со следниот состав: Мартин Миленковски, Филип Чичев, Ненад Миланов, Алекс Дмитров, Драган Трајчов, Павел Штерјов, Лука Николов, Лука Бојаџиев, Дарко Митев, Бранимир Иванов.

Тренер: Никола Кузманов.

За „АП Брера Струмица“ играа: Спасе Вргов, Андреј Велков, Марио Митрев, Каменчо Андоновски, Мартин Шаренковски, Бобан Кузмановски, Игор Ристов, Давид Ристовски, Здравко Перески, Флориан Рочи, Никола Ангелов.

Тренер: Ѓорѓе Стојчев.