Витаминот Ц го зајакнува имунолошкиот систем, го одржува ткивото здраво, но и помага при апсорција на железото. Ако сте настинати, витаминот Ц ви е најдобриот сојузник во таа борба.

Препорачаната доза на витамин Ц за жени е 75 милиграми, а за мажи 90 милиграми, но и да внесете повеќе, никогаш не можете да се предозирате бидејќи овој витамин од телото се исфрла преку урината.

Погледнете кои намирници содржат најмногу витамин Ц:

1. Гуава

Половина шолја гуава содржи 188 милиграми витамин Ц и само 56 калории.

2. Црвена пиперка

Во половина шоља црвена пиперка има 143 милиграми витамин Ц, а само 20 калории. Доколку ја зготвите, таа во тој случај ќе ви обезбеди 118 милиграми витамин Ц.

3. Киви

Едно киви со средна големина содржи 70 милиграми витамин Ц и 46 калории.

4. Портокал

Еден портокал со средна големина има 70 милиграми витамин Ц и само 63 калории. Во сокот од портокал (природно цедениот), односно во ¾ од една чаша има од 61 до 93 милиграми витамин Ц и меѓу 79 и 84 калории.

5. Зелена пиперка

Таа содржи 60 милиграми витамин Ц и само 15 калории.

6. Грејпфрут

Половина грејпфрут содржи 39 милиграми витамин Ц и 52 калории.

7. Сок од зеленчук

Напитокот од зеленчук ќе ви обезбеди значително количество корисни состојки, вклучувајќи и витамин Ц. Ако додадете и домат, ќе добиете корисна доза на ликопен, кој е исклучително лековит. Во една чаша сок од зеленчук може да се најдат 50 милиграми витамин Ц и само 34 калории.

8. Јагоди

Јагодите содржат доста влакна и антиоксиданти, вклучувајќи и витамин Ц. Половина шоља јагоди содржи 49 милиграми витамин Ц и 27 калории.

9. Диња

Една четвртина диња има 47 милиграми витамин Ц и 51 калорија.

Додека сме кај овој витамин, пред неколку години истражувачите од Империјал Колеџот во Лондон откриле дека пациентите со астма или хронична опструктивна болест на белите дробови, почесто доаѓаат на болничко лекување во деновите кога загадувањето на воздухот поголемо. Исхраната богата со антиоксиданси би можела да им помогне на вашите бели дробови да се изборат со загаденоста од воздухот, покажува една студија.

Аеросолите исто така предизвикуваат оксидативен стрес во организмот и го зголемуваат ризикот од срцев удар.

Меѓутоа, истражувачите откриле дека лицата кои имаат повисоко ниво на „витамин Ц“ во крвта имаат помали шанси да завршат во болница кога воздухот е позагаден од вообичаено.

Иако студијата била со мал обем, ова откритие „придонесува кон се поголемиот број докази дека ефектите од загадување на воздухот можат да се регулираат со антиоксиданси, вели Мајкл Бројер, научник од Универзитетот во Британска Колумбија.

Со истражувањето се опфатени 209 лица кои се примени во лондонската болница.

Претходно, истражувачи од Корнел универзитетот откриле дека исхраната богата со антиоксиданси ги чува функциите на белите дробови, а докажани се и позитивните ефекти на витаминот Ц и Е, како и селенот.

Исто така, Универзитетот во Северна Каролина пред повеќе години објавија дека „витаминот Ц“ може да ги заштити белите дробови од озон.

/denar

Во бројни намирници кои секојдневно се на нашето мени е пронајдена хемикалија која предизвикува појава на тумор.

Станува збор за хемикалијата наречена акриламид, а пронајдена е во кафето, чипсот, пржените компирчиња, крекерите, па и во некои видови на детска храна. Овој опасен спој настанува со термичкото загревање при пржењето на наведените производи. Во најголема опасност се децата поради ниската телесна маса.

Опасноста од акриламид пред неколку години ја потврди и агенцијата на Европската унија ЕФСА (European Food Safety Authority), која веќе предложува нови закони за постапување со храната.

Зошто акриламидот е опасна хемикалија?

Акриламидот кој се консумира орално се апсорбира во гастроинтестиналниот тракт и се дистрибуира до сите витални органи и таму метаболизира. Така настанува глицидамид кој е предизвикувач на генетски мутации и тумори кои се појавуваат кај лицата.

Извор: denar.mk

Научниците заклучија дека „смртните случаи поврзани со проучуваните бактерии претставуваат втора водечка причина за смрт во светот“ по коронарните заболувања, меѓу кои се издвојуваат срцевите удари.

Бактериските инфекции се втора водечка причина за смрт во светот по срцевите заболувања, покажа опсежната студија во која Staphylococcus aureus (златен стафилокок) и пневмококот се споменуваат како две најсмртоносните бактерии, пишува Hina, повикувајќи се на AFP.

Студијата, чии резултати беа објавени во магазинот Lancet, избра триесетина бактерии, најчести причинители на инфекции, а научниците се обидоа да проценат колку смртни случаи се поврзани со нив.

Истражувањето е спроведено како дел од таканаречениот „глобален товар на болеста“.

Оваа огромна истражувачка програма, финансирана од фондацијата Бил Гејтс, е од неспоредливи размери и вклучува неколку илјади истражувачи од бројни земји ширум светот.

Авторите заклучија дека „смртните случаи поврзани со проучуваните бактерии претставуваат втора водечка причина за смрт во светот“ по коронарната срцева болест, меѓу кои се издвојуваат срцевите удари.

Петте најсмртоносните бактерии

Од 7,7 милиони смртни случаи поврзани со бактериски инфекции, еден од осум се припишува на последиците од инфекција со Staphylococcus aureus и пневмокок. Овие податоци датираат од 2019 година, пред пандемијата COVID-19.

Од триесетте избрани бактерии, пет од нив предизвикуваат повеќе од половина од смртните случаи: staphylococcus aureus, Escherichia coli, pneumococcus, Klebsellia pneumoniae i bacillus pyocyanin.

Staphylococcus aureus е „главна причина за смрт од бактериска инфекција во 135 земји“, покажа студијата.

Но, кај децата на возраст под пет години, пневмококните инфекции се најсмртоносните.

Истражувачите велат дека овие резултати се јасен показател дека бактериските инфекции се „итен приоритет“ во јавното здравје.

Оттаму апелираат на ангажман за превенција од инфекции, помудро препишување на антибиотици, особено за да се избегне отпорност на овие лекови, како и поефикасна употреба на вакцините.

/Agencia