И покрај годините шпекулации дека корисниците масовно го напуштаат, Facebook останува една од најстабилните платформи. Според ново истражување на истражувачкиот центар Пју, 71% од возрасните Американци сè уште го користат, а повеќе од половина го проверуваат секој ден.

Единствена поголема платформа со поширока публика е YouTube, кој го користат 84% од возрасните, со речиси непроменети бројки во последните години. Овие две социјални мрежи се единствените што успеваат да допрат до сите генерации – од тинејџери до лица во пензија.

Кај другите мрежи, ситуацијата е многу поразделена. Instagram, третата најкористена платформа, има огромен генерациски јаз:
– 80% од корисниците на возраст 18–29 години го користат,
– но само 19% од лицата над 65 години.

Слични трендови се забележуваат на TikTok, Reddit и Snapchat, кои се доминантно „млади“ екосистеми. Единствен исклучок е платформата на Доналд Трамп, Truth Social, која привлекува поголем дел од корисници постари од 50 години.

Истражувањето на Пју открива и силни политички поделби.
Truth Social и Bluesky, иако мали по вкупен број корисници (3% и 4% од возрасните), имаат изразени партиски разлики:
– Truth Social има шест пати повеќе републиканци отколку демократи,
– Bluesky е доминиран од корисници со демократски убедувања.

Промени се видливи и на платформата X. Пред две години таму доминираа демократските гласачи, но денес односот е речиси обратен:
– 24% од републиканците ја користат платформата,
– наспроти 19% од демократите.

Ова укажува на сè подлабока политичка и генерациска поделба во рамките на дигиталниот простор.

Извор: PcPress

Google воведува нови правила со цел подобро управување со потрошувачката на батеријата кај Android апликациите. Компанијата најави дека наскоро ќе се појавуваат предупредувања на Play Store за апликациите што прекумерно ја исцрпуваат батеријата на уредите.

Нова метрика за следење потрошувачка на енергија

Google воведува напредна метрика за развивачите, која ќе ја следи вкупната и долгорочна потрошувачка на батерија кај секоја апликација. Ако апликацијата постојано ги нарушува упатствата и користи повеќе енергија од дозволеното, корисниците ќе добијат јасно предупредување во Play Store.

Посебен фокус на “wake locks”

Особено внимание ќе се посвети на т.н. wake locks — ситуации кога апликацијата го спречува телефонот да влезе во режим на мирување додека екранот е исклучен.

Google постави праг:

• Повеќе од два кумулативни часа активни wake locks во период од 24 часа ќе се сметаат за прекршување.

Исклучоци постојат само во случаи кога апликацијата навистина обезбедува корисничка вредност, како:

• слушање музика,

• стриминг,

• пренос на податоци инициран од корисникот.

Како ќе бидат санкционирани апликациите?

Ако развивачот не го реши проблемот, Play Store ќе прикаже предупредување:

“This app may use more battery than expected due to background activity.”

Во одредени случаи, проблематичните апликации ќе може и да бидат исклучени од делови за препораки и откривање во Play Store, што значително ќе им влијае на видливоста и преземањата.

Кога стапуваат на сила новите правила?

Новите правила ќе започнат да важат од 1 март 2026 година, давајќи им време на развивачите да ги оптимизираат своите апликации и да ја намалат непотребната потрошувачка на батерија.

Извор: Engadget

ОВЕН
Денот ќе биде пасивен и ќе сакате да правите ретроспектива на нештата кои сте ги оствариле и оние кои не сте успеале. Ќе размислувате за тоа како да нрапвите подобрување, плановите ќе ви делуваат невозможни. Немојте да ги етикетирате вашите идеи како нереални затоа што не се.

БИК
Ќе сакате да избегнувате се во врска со вашите емоции затоа што ќе сметате дека немате сили да се соочите со реалноста на љубовен план. Ќе чувствувате притисок да напраите промена. Ќе ви биде потребна утеха.

БЛИЗНАЦИ
Денес ќе се чувствувате иритирано, сите околу вас ќе ве вознемируваат без некоја особена причина. За среќа тоа ќе трае кратко. Избегнувајте конфликти и останете смирени. Тензијата ќе се намали. Немојте да ја прекршувате вашатарутина.

РАК
Некое незадоволство ќе биде надминато и некој проблем кој сте го имале ќе биде разрешен. Вашата толеранција ќе порасте. Ќе сакате да им се доверите на вашите пријатели и тие ќе ве поддржат. Ќе барате хоби кои ќе ве опушти.

ЛАВ
Изненадени сте од последниот исход на нештата, сте сметале дека некои од нив нема никогаш да се одвиваат онака како што сакате. Вашата енергија е намалена и потребен ви е одмор. Загрижени сте за финансиите, потребно е да направите бизнис план.

ДЕВИЦА
Очекувајте вашето внимание да биде одвлечено од неважни нешта кои не ви донесуваат никаков напредок. Обидете се да останете фокусирани на она кое ви е важно. Вашите идеи ќе ве однесат на вистинскиот пат. Изморени сте во обидувањето да изградите совршен живот.

ВАГА
Денес ќе сакате да направите „чистење“ во вашиот живот. Ќе сакате да се ослободите од нештата кои ве отежнуваат и не ви носат напредок. Постојат некои сили кои ви даваат надеж и ве носат кон подобра иднина. Очекувајте некоја важна порака или писмо. Ќе имате конкуренција.

ШКОРПИЈА
Денес немојте да се колебате, направете ги сите нешта кои ви се на ум затоа што во иднина тие можат да ви станат терет. Очекувајте напредок, ќе бидете ставени под тест кој ќе морате да го играте тактично. Очекувајте некој да ве пофали за вашиот труд.

СТРЕЛЕЦ
Се борите за да се докажете а тоа ви претставува препрека. Коментарите од блиските ве иритираат и ве обесхрабруваат, но продолжете напред и немојте да се откажувате. Ќе се обидувате да го контролирате својот бес. Можно е да избувните и тоа на личност која најмалку заслужува.

ЈАРЕЦ
Очекувајте да бидете испровоцирани, но не подлегнувајте на такви коментари. Ќе бидете во потрага по нешто што ќе ја зголеми вашата енергија. Потребна ви мотивација. Некоја бизнис понуда пристигнува кај вас, ќе биде добра прилика. Ослободете се од стравовите кои долго време ви отежнуваат.

ВОДОЛИЈА
Вашите страсти ве водат, сега е време да им се препуштите. Ќе имате некоја идеа за која ќе добиете неодобрување, но тоа не треба да ве натера да се откажете. Некој ќе ви довери некоја тајна или нешто интимно, размислете добро пред да го споделите. Вашата цел треба да ја пронајдете длабоко во себе.

РИБИ
Ќе се чувствувате чудно и ќе лутате на некои далечни места во вашиот ум. Ќе сакате да побегнете или да направите некоја промена. Можеби ќе се збогувате со некоја личност во вашиот живот. Сега не е време за залудно талкање со мислите, подобро фрлете се на работа. Вашата продуктивност е на врвот.