Можете да ги префрлите вашите податоци на WhatsApp од еден телефон на друг без резервна копија од Google Drive.

WhatsApp додаде нова функција за шифрирана резервна копија. Оваа функција обезбедува можност да направите резервна копија од вашите податоци на WhatsApp и да ги префрлите на друг телефон преку офлајн метод. Потребно е само апликација како RAR.

Методот работи со правење резервна копија од датотеките, пакување на сите податоци во една папка, а потоа пренесување на таа папка на друг телефон. Секако, најголемата предност на оваа функција е тоа што можете да префрлувате податоци без да користите Интернет.

Извор: Индијан експрес

OnePlus Watch Harry Potter Edition беше официјално претставен, три месеци пред дваесетгодишнината од објавувањето на првиот филм за Хари Потер. Часовникот носи карактеристичен изглед на тема Hogwarts и ќе се продава по цена од околу 225 долари од 20 октомври.

OnePlus Watch The Harry Potter Edition ги има истите спецификации како и оригиналниот OnePlus Watch, со тркалезен AMOLED екран од 1,39 инчи, сопствен оперативен систем и траење на батеријата до две недели. Куќиштето од нерѓосувачки челик има завршница во боја на бакар, додека појасот е создаден од веганска кожа и на него е врежан грбот на Hogwarts.

Исто така, постојат неколку софтверски промени, со ексклузивни позадини на сите четири куќи (Gryffindor, Hufflepuff, Slytherin i Ravenclaw), како и икони со тематика на Harry Potter во рамките на корисничкиот интерфејс.

Извор: Benchmark
Фото: One Plus India

Се проценува дека новиот начин на прикажување на резултатите од пребарувањето ќе го зголеми просечно бројот на прегледани страници.

Google започна со имплементација на „бесконечно“ скролање на мобилни уреди, опција што треба да им го олесни пребарувањето на резултатите на корисниците.

Континуираното скролање значи дека кога ќе стигнете до дното на страницата со резултати од пребарувањето, наместо да кликнете на копчето „Види повеќе“, скролањето ќе продолжи сe додека има резултати што одговараат на барањето.

Според податоците на Google, најголем број корисници ги пребаруваат првите четири страници со резултати во потрага по потребните информации, пишува ЗДНет. Се разбира, најрелевантните резултати се на врвот на листата, но корисниците честопати сакаат да разгледаат и други извори.

Оваа промена во начинот на прикажување на резултатите од пребарувањето ќе им олесни, па се проценува дека со тоа ќе се зголеми бројот на просечни прегледани страници за пребарување.

Новата опција наскоро ќе биде достапна за секого, и е дел од напорите на Google да го редефинира изгледот на резултатите од пребарувањето преку мобилни телефони, пренесува PC Press. Редизајнирањето ќе овозможи полесно и побрзо пребарување на мобилни уреди, со помала интеракција на корисникот со корисничкиот интерфејс.

Извор: Telegraf

Фото: Unsplash