Магазин
Google подготвува нов интерфејс за примање и одговарање на повици на Android уреди

Редизајн на Google Phone апликацијата
Google тестира нов изглед на интерфејсот за дојдовни повици во својата Phone апликација, што може да донесе промени на Pixel и другите уреди со Android.
Во моменталната верзија, корисниците влечат нагоре за да одговорат на повик или надолу за да го одбијат. Овој систем не е најинтуитивен, но текстуалните објаснувања помагаат во неговото користење. Сепак, Google во тишина експериментира со нов дизајн кој внесува промени во начинот на одговарање на повиците.
Како изгледа новиот интерфејс?
Најновата верзија на апликацијата (v166.0.735169223) содржи скриен интерфејс што го откри „Android Authority“. Во овој редизајн:
- Лизгање налево го одбива повикот.
- Лизгање надесно го прифаќа повикот.
- Иконата на телефонот се наоѓа во центарот на екранот и се повлекува во саканата насока за да се изврши дејството.
Овој дизајн сè уште не е официјално достапен и мораше рачно да се активира. Засега, не е познато дали Google ќе го пушти пошироко или само тестира различни решенија.
Google продолжува да експериментира
Ова не е првпат Google да тестира нови дизајни за одговарање на повици. Кон крајот на минатата година беше испробан дизајн со копчиња „Одговори“ и „Одбиј“, слично на решението кај Samsung и iOS, но не беше официјално пуштен. Во февруари, пак, се појави уште еден редизајниран интерфејс за повикување.
Останува да се види дали овој нов дизајн ќе стане официјален или ќе остане само уште еден тест.
Извор: Benchmark
Хороскоп
Хороскоп за четврток (31 јули)

ОВЕН
Може да очекувате фаза која ќе биде многу поволна за вас. Ќе успеете да остварите стабилизација на работа. Ве очекува ново познанство кое може да биде многу значајно за вашата љубовна иднина. Потребна ви е прошетка.
БИК
Имате многу работа и не ви е лесно да ги завршите обврските сами. Потребна ви е поддршка и помош од соработниците. Пред вас е период во кој ќе может да дојде до разочарување на емоционално поле. Добро се чувствувате.
БЛИЗНАЦИ
Може да очекувате генерално поволен ден во кој ќе успеете да решите важни проблеми на деловно поле. Доколку сте слободни, пред вас е многу одличен период за нови љубовни случувања. Можни се проблеми со забите.
РАК
Постојат некои околности кои ве кочат да напредувате. Ќе имате многу проблеми во наредниот период. Ве очекува возбудливо познанство со личност која ќе потврди дека има емоции кон вас. Одмарајте што повеќе.
ЛАВ
Може да добиете можност да го покажете своето мислење и ставовите во опкружувањето кое тоа ќе го прифати. Поволен ден за решавање на проблемите со саканата личност. Може да очекувате дека ќе најдете компромис. Зголемете го внесувањето на течности.
ДЕВИЦА
Потребно ви е да имате повеќе трпение и да бидете упорни за да ги остварите деловните цели кои ги имате. Ви изгледа дека сте влегле во монотона фаза и тоа не ви се допаѓа. Потребни ви се промени во врската. Не се замарајте.
ВАГА
По драстичните промени од претходниот период, доаѓате до фаза во која конечно доаѓа до смирување на ситуацијата. Ќе бидете среќни покрај личноста која ви се допаѓа. Пред вас е поволен период за љубов. Низок притисок.
ШКОРПИЈА
Можеби моментално некои работи не се по ваша волја и не сте задоволни од деловната ситуација. На некој начин сте збунети и прилично тешко ги прифаќате емотивните промени кои се случуваат околу вас. Можен е пад на имунитетот.
СТРЕЛЕЦ
Не сте сигурни дали треба да останете на ова работно место. Се премислувате околу важни одлуки и промени. Ќе запознаете интересна личност која ќе посака врска на долга стаза. Таа ќе ви возврати на емоциите. Проблеми со дишните патишта.
ЈАРЕЦ
Не се залетувајте со брзи одлуки. Пред вас е фаза во која ќе имате време за размислување. Доколку сте во брак, ве очекува период во кој ќе сакате зголемување на семејството. Нагласени проблеми со органите за варење.
ВОДОЛИЈА
Компликациите кои успеавте да ги надминете на деловно поле ве направија посилни и поискусни. Разочарани сте бидејќи од саканата личност не го добивте она кое ви е потребно. Емоциите во се во минусна фаза. Проблеми поради замор.
РИБИ
Многу тежок ден ве очекува. Пред вас е фаза во која ќе имате деловни проблеми и компликации. Исклучително сте загрижени за работата и тоа влијае врз вашата комуникација со саканата личност. Не е поволен период за вашето здравје.
Хороскоп
Хороскоп за среда (30 јули)

ОВЕН
Пред вас е поволен период за нови случувања и почеток на нов бизнис. Ви се додворуваат повеќе личности, но една личност особено ви го привлекува вниманието. Поволен ден за флерт. Кожата ви е чувствителна и склона кон иритации.
БИК
Немате премногу големи амбиции и планови за денешниот ден, па може да очекувате една опуштена атмосфера на работа. Ве очекува интересна комуникација со личност која ви се допаѓа од претходно. Внимавајте на здравјето.
БЛИЗНАЦИ
Размислувате за тоа да започнете нов проект иако засега не сте сосема сигурни во кој правец да се насочите. Денес не е поволен ден за љубов кога сте вие во прашање, што секако носи со себе одредени отежнувања. Потребен ви е одмор.
РАК
Можеби поради некои одредени причини не можете да ги покажете сите свои квалитети и способности на работното место и имате чувство како нешто да ве кочи. Вашите очекувања на љубовно поле моментално можеби се преголеми. Проблеми со желудникот.
ЛАВ
Во текот на денешниот ден може да имате поголеми трошоцци отколку што сте планирале што може да ви создаде непотребни грижи. Ве очекува можност да запознаете личност која ќе ви покаже дека има искрени емоции кон вас. Склони сте кон воспаленија.
ДЕВИЦА
Имате прилично големи очекувања што може да биде меч со две острила кога станува збор за денешниот ден. Саканата личност се труди отворено да ви покаже дека и значите, но вие како да се дистанцирате од неа. Помали проблеми со бубрезите.
ВАГА
Ве очекуваат многу работни обврски. Надредените ве ставаат под малку поголем притисок на ова поле. Засега сте пасивни и не сте заинтересирани за нови љубовни случувања. Можен е мал пад на имунитет.
ШКОРПИЈА
Доколку имавте некое недоразбирање во рабтното опкружување, сега е време да го решите тоа на најдобар начин. Поволен период за љљубов, може да очекувате дека ќе сретнете личност која комплетно ви одговара. Чувствителен граден кош.
СТРЕЛЕЦ
Моментално не сте во најдобар период и тоа многу ве оптеретува. Имате впечаток дека не можете сами да излезете на крај со вашите проблеми. Односот со саканата личносст се промени. Проблеми со стомакот.
ЈАРЕЦ
Ќе донесете нова одлука која на некој начин може да биде непромислена. Водете сметка да не дојде до штета на работното место. Ви се допаѓаа личност која има некои тајни и ќе ви треба подолго време да ја освоите. Проблеми со грлото.
ВОДОЛИЈА
Ве очекува стабилност на работно поле. Пред вас е поволен ден. Немате причина да се грижите за односот со саканата личност. Сѐ е во ред и искрени сте. Посетете доктор поради редовна контрола.
РИБИ
За вас денес не е поволен ден, па затоа бидете сконцентрирани и избегнувајте грешки на работно поле. Можеби ќе се заљубите искрено и невино во личност која ќе се појави ненадејно. Вртоглавица.
Lifestyle
Како да го исчистите шпоретот без штетни хемикалии: Еден природен трик што сите го имаме дома

Чистењето на шпоретот и рерната знае да биде вистински предизвик, особено кога станува збор за наталожената маснотија и изгорените дамки. Но, решението може да се крие во нешто што веќе го имате во кујната – сода бикарбона.
Зошто маснотиите се толку тврдоглави?
При готвењето, честопати доаѓа до прскање масло и создавање на маснотии кои под дејство на топлината се лепат за површините. Со текот на времето, тие стануваат изгорени дамки кои не се отстрануваат лесно – дури ни со триење и силни детергенти.
Содата бикарбона – природен чистач
Содата е алкална супстанца, додека остатоците од храна и маснотии се кисели. Кога ќе се комбинираат, содата ги неутрализира киселините и ги разградува мастите, правејќи ги полесни за чистење. Дополнително, таа е благо абразивна, што овозможува физичко отстранување на изгорени траги без да ги оштети површините.
Како да подготвите природна паста за чистење
-
Измешајте сода бикарбона со малку вода за да добиете густа паста.
-
Пред нанесување, извадете ги решетките од рерната и капаците од ринглите, и ставете ги во топла вода со малку детергент.
-
Со ракавици, нанесете ја пастата директно на изгорените и масни површини – избегнувајќи ги грејните елементи.
-
Оставете да стои околу 15 минути.
-
Избришете со влажна крпа.
За дополнителен сјај – оцет и вода
По отстранувањето на пастата, можете да испрскате мешавина од оцет и вода (1:3). Ова ќе ги отстрани остатоците од сода и ќе им даде дополнителен сјај на површините. На крај, сè пребришете со сува и чиста крпа.
Заклучок
Со едноставни природни состојки како сода и оцет, можете лесно да ги исчистите тврдоглавите дамки на рерната и шпоретот – без хемикалии, без гребење и без непријатни мириси. Овој начин е евтин, ефикасен и безбеден за секој дом.
Извор: Alo
-
Кичево12 часа
(ФОТО) Предмалку во кичевско спречен нов поголем пожар на стрниште и сува трева кој поради ветерот стигнал речиси до куќите
-
Хороскоп1 ден
Хороскоп за среда (30 јули)
-
Временска прогноза2 дена
Најава за пороен дожд од утре, температурите би се спуштиле за половина од достигнатиот максимум од минатата седмица
-
Хороскоп7 часа
Хороскоп за четврток (31 јули)
-
Lifestyle2 дена
Колку кафе е премногу? Експертите откриваат каде е границата
-
Lifestyle2 дена
Сè што треба да знаете за перењето фармерки
-
Lifestyle2 дена
Како да го исчистите шпоретот без штетни хемикалии: Еден природен трик што сите го имаме дома
-
Спорт12 часа
Германската Бундеслига воведува камери на судиите и јавни објаснувања за „VAR“