Новооткриениот малвер „DroidLock“ моментално е насочен кон корисници во Шпанија и се шири преку измамнички фишинг веб-страници. По инсталацијата, користи лажни системски известувања и „ажурирања“ за да го заклучи екранот и да создаде чувство на итност, со цел жртвите да бидат принудени да стапат во контакт со напаѓачите.

Според Вишну Пратапагири, експерт за сајбер-безбедност од Zimperium, DroidLock е напреден ransomware кој целосно го онеспособува мобилниот уред. Иако не врши класична енкрипција на датотеки, неговите можности се далеку поопасни.

Малверот комуницира со командно-контролен сервер преку повеќе од десетина различни инструкции, што укажува на високо ниво на техничка сложеност. Со злоупотреба на администраторските привилегии, DroidLock може да го промени PIN-от, да го избрише уредот или трајно да го заклучи, оставајќи ја жртвата без пристап.

Особено загрижувачка е функцијата за кражба на чувствителни информации. Преку лажни преклопни екрани, малверот прибира шеми за отклучување, лозинки за апликации и други доверливи податоци, без знаење на корисникот.

DroidLock овозможува и далечински надзор — напаѓачите можат во реално време да го следат екранот, да управуваат со уредот преку VNC и да собираат податоци како лозинки, MFA кодови и приватна содржина. Истражувачите потврдија дека постои и можност за фотографирање преку предната камера.

Оваа закана е особено критична бидејќи мобилните телефони често претставуваат најслабата алка во корпоративната безбедност. Само еден клик на злонамерна врска може да резултира со целосна контрола врз уредот и сериозно нарушување на личните и деловните податоци.

Извор: vesti-online

Мобилните апликации денес се неизбежен дел од нашата секојдневна рутина и заземаат голем дел од времето што го минуваме пред екран. Во продолжение ги издвојуваме најновите статистики за најпреземаните апликации во светски рамки, како и споредба по платформи и категории.

Инстаграм ја задржа водечката позиција како најпреземана апликација на глобално ниво во октомври 2025 година, достигнувајќи 52 милиони преземања. Истовремено, таа е и најпреземаната социјална апликација за истиот период.

Во септември 2025 година пак беше ChatGPT искачен на врвот како најпреземана апликација со 45 милиони преземања.

Најпопуларни апликации во светот за Октомври 2025

Инстаграм доминираше со вкупно 52 милиони превземања преку „Google Play“ и „iOS App Store“, позиционирајќи се како најбараната апликација во светот за октомври 2025, пренесува backlinko.com.

Наскоро финишираат и статистиките за најсметнувани мобилни апликации за цела година 2025.

Извор: backlinko.com

Правилното полнење на паметниот телефон може значително да го продолжи животниот век на батеријата, да ја подобри издржливоста и да ви заштеди пари од скапи поправки или прерана замена. Иако телефоните станаа неопходен дел од секојдневниот живот, многу корисници несвесно прават грешки што полека, но сигурно ја оштетуваат батеријата.

Зошто батеријата е најважниот дел од телефонот

Литиум-јонските батерии, кои се стандард во модерните смартфони, со текот на времето природно стареат. Но со правилни навики може значително да се забави овој процес. Неправилното полнење предизвикува дополнително загревање, вишок полнење и зголемено хемиско оптоварување на батеријата – што директно го скратува нејзиниот век.

Најчестата грешка: Полнење до 100% и оставање на телефонот на полнач преку ноќ

Една од најштетните навики е полнењето на телефонот до 100% и држењето на полначот уште долго време по целосното полнење.
Според експертите, кога батеријата е целосно наполнета и останува поврзана на полнач, се јавува ефект наречен „trickle charging“ – микрополнења и микропразнења што создаваат топлина и непотребно ја оптоваруваат батеријата.

Многу луѓе го оставаат телефонот на полнач преку ноќ. Современите уреди имаат системи за заштита од преполнување, но тоа не го спречува тивкото, континуирано стареење на батеријата поради мали циклуси на полнење и празнење.

Како правилно да ги полните Android и iPhone уредите

Експертите препорачуваат батеријата најчесто да се одржува помеѓу 20% и 80%, бидејќи тоа е оптималниот опсег за долгорочно здравје.

Препорачани навики:

• Полнете го телефонот кога ќе падне на 30–40%.

• Исклучете го полначот кога ќе достигне 80–90%.

• Избегнувајте полнење на високи температури или директно сонце.

• Користете оригинален или сертифициран полнач.

• Не го користете телефонот за тежоки задачи додека се полни.

• Вклучете ги опциите за оптимизација на батеријата (Adaptive Charging, Optimized Battery Charging).

Дали брзото полнење е штетно?

Современите телефони имаат системи за термичка заштита кои го минимизираат ризикот од оштетување. Повремена употреба на брзо полнење не е опасна, но ако сакате максимален век на батеријата, најдобро е да го користите умерено, бидејќи создава дополнителна топлина.

Дополнителни совети за подолг живот на батеријата

За да го одржувате вашиот смартфон во најдобра форма:

• Избегнувајте екстремни температури (жешко или многу студено).

• Редовно ажурирајте го системот и апликациите.

• Намалете ја осветленоста и исклучете непотребни функции (GPS, Bluetooth).

• Користете режим за заштеда на батеријата кога ви е потребна повеќе издржливост.

• Не дозволувајте батеријата да се испразни на 0% без потреба.

Кога е време за замена на батеријата?

Дури и со одлична грижа, сите батерии со тек на време губат капацитет.
Ако телефонот:

• се празни побрзо од вообичаено,

• бара често полнење,

• се гаси на повисок процент,

можеби е време за замена. Повеќето производители сметаат дека батеријата е за замена кога ќе падне под 80% од оригиналниот капацитет.

Извор: Independent