Драги наши, со многу радост, насмевки, возбудливи стихови пеејќи ја најубавата божикна песна „Вечниот Бог“ утре најмилите дечиња со ѕвезди во рачиња ќе го најават Христовото раѓање – „Божик“ низ кичевските улици. Благодарение на неуморниот наш ментор Бошко Сарафилоски и родителите кои беа ангажирани, се разбира со поддршка од кичевското свештенство и нас, и оваа година ќе допреме до срцата на сите православни христијани.

Програмата за утрешниот ден 06 јануари е следна:

– Бадникарите организираат одење по „Бадникови гранчиња“ со тргнување од пред градскиот храм Св.Апостоли Петар и Павле во 10:00 часот, додека вечерта ќе се благослови и ќе се подели бадниково гранче по завршувањето на Вечерната богослужба која ќе почне во 16:00 часот.

– Час потоа, „Бадниковата поворка“ исто така ќе тргне од пред нашиот храм во 11:00 часот.

– Хор „Митрополит Козма Пречистански“ – голем „Божиќен Концерт“ на градскиот плоштад во Кичево, со многу гости, веднаш по завршување на „Бадниковата поворка“, 12:00 часот.

– „Хуманитарен Божиќен Базар“ продолжува вечерва од 18:00 часот: „Dj Vix Alex“, Игротека „Гнездо“, „Дружење со Маскоти за најмалите“, „Атрактивен Воз“, „Лотарија, Рингишпил, Пијалоци и Храна“

Бонус видео од ланската „Бадниковата поворка 2024“:

Инаку, Бигорскиот манастир ќе биде домаќин на свечените Божикни празнувања кои започнуваат утре наутро, со благослов на епископот Антаниски г. Партениј, игумен на Свештената бигорска Обител. Од манастирот ги покануваат сите верници кои сакаат да го прослават светлото Рождество Христово да им се придружат на богослужбите и празничните активности.

Почитувани, со голема радост како што ви најавивме тука, Ве известуваме токму сега, се ѐ спремно за старт на овогодинешниот „Хуманитарен Божиќен Базар 2025“ позициониран на градскиот плоштад – Кичево. Од денес (четврток) со почеток од 18:00ч, се до после Божик, покрај најубавата елка и најубавиот Божикен украс „Витлеемската Пештера“ – украси кои одамна ги красат овие најубави денови во нашиот град – ќе имаме одлична програма и многу забава.

Денес започнуваме со најинтересните маскоти за најмладата публика, заедно со звуците на нашиот голем пријател, кичевскиот музички промотор DJ „Vix Alex“, а на програмата ќе имаме богата лотарија, разновидни пијачки и храна, додека дечињата од основните училишта во Кичево ќе ни приредат вистинско уживање за успешен старт на „Хуманитарниот Божиќен Базар 2025“

Ве очекуваме вечерва, бидете дел, 18:00ч гратски плоштад – Кичево, така што деновите потоа следат големи изненадувања!!!

Почитувани Бадникари и оваа година организираме настан за бадниковото дрво и берење на бадникови гранчиња.

Собирот е предвиден да биде во (понеделник) 06.01.2025 год пред храмот св. Петар и Павле Кичево во 10:00 часот наутро.

За многу години!