Технологија

„Intel“ сепак одлучи да ги зголеми цените на своите процесори

Објавено пред

3 години

на

јули 30, 2022

Од

Порта.мк

Пред извесно време се појави вест дека Интел планира да ги зголеми цените на своите производи како резултат на ефектите од глобалната инфлација. Постоечката пресметка на цената на чинење е неодржлива бидејќи се зголемени трошоците за: енергија, суровини и работна сила, а сето тоа се совпадна со проблемот со прекумерната понуда и големите залихи, што ќе влијае на цената на различните видови чипови и процесори од понудата на оваа компанија. .

Гласините говорат дека Интел веќе „напумпа“ дополнителни трошоци во постоечките цени за да ги надомести зголемените тековни трошоци, надевајќи се дека ќе ги принуди добавувачите на компјутери да ги зголемат нарачките и да купат повеќе процесори и чипови за Wi-Fi пред официјалното зголемување на цената. Многу „мудар“ начин да се ослободите од тековниот вишок залихи во магацинот.

Неодамнешните извештаи за катастрофално лоши деловни резултати во последниот квартал само го забрзаа темпото на покачување на цените за процесорите и другите производи на Интел. Финансискиот директор на компанијата Интел, Дејвид Зинснер, официјално ја потврди оваа вест, кој најави дека поскапувањето ќе започне во делот од сезоната кога има најголема побарувачка, односно почнувајќи од ноември, божиќните и новогодишните празници.

Како веста за поскапувањето да не е веќе доволно лоша за тенките паричници на крајните корисници, Зинснер додаде дека производите на клиентите ќе станат поскапи од производите наменети за центри за податоци и производи за вештачка интелигенција. Интел во тој период ќе има добра понуда на актуелни производи, со доволни количини, што според нив ќе биде вин-вин комбинација за излез од актуелната криза и загуби.

Интел планира да ја претстави Core серијата процесори од 13-та генерација под името Raptor Lake во четвртиот квартал од оваа година до првиот квартал од следната година, со сеопфатно подобрување на карактеристиките на десктоп и мобилните платформи. Кога овие процесори официјално ќе бидат претставени на пазарот, потрошувачите ќе го почувствуваат зголемувањето на цените на процесорот, што ќе биде пропорционално поскапо во споредба со истите и слични производи од претходната генерација. Според информациите на expreview, поскапувањето на Intel овој пат ќе изнесува околу 10% до 20%!

Извор: Benchmark.rs

Тагови:Intel Porta.mk Процесори

Следно

Winamp се врати

Не пропуштај

Google Play Store доби ново лого за својот 10-ти роденден

Магазин

ChatGPT достигнува 2,5 милијарди дневни барања

Објавено пред

2 дена

на

јули 22, 2025

Од

Порта.мк

Фото: Solen Feyissa @ unsplash

Наглиот пораст на корисници претставува сериозна конкуренција за Google

ChatGPT секој ден прима над 2,5 милијарди барања, од кои 330 милиони доаѓаат од корисници во САД. На годишно ниво, ова значи над 912,5 милијарди пребарувања – бројка што го позиционира ChatGPT како една од најбрзо растечките дигитални платформи во светот.

Брз пораст на корисничката база
Во само неколку месеци, бројот на неделни корисници на ChatGPT порасна од 300 милиони (во декември 2024) на над 500 милиони (во март 2025). Овој раст покажува колку брзо генеративната вештачка интелигенција станува секојдневна алатка за милиони луѓе.

Google и понатаму води, но не и без конкуренција
Иако Google сè уште доминира со околу 5 трилиони пребарувања годишно, растот на ChatGPT претставува реална закана за неговото лидерство во светот на пребарувањето и информациите.

Нови алатки од OpenAI
OpenAI, компанијата зад ChatGPT, веќе развива веб-прелистувач со вештачка интелигенција, кој директно ќе се натпреварува со Google Chrome – објави tportal.hr. Дополнително, OpenAI го лансираше и ChatGPT Agent, алатка што може да извршува задачи на вашиот компјутер наместо вас, пишува Verge.

Останува да се види како ќе реагира Google, но едно е сигурно – AI веќе го менува начинот на кој пребаруваме и работиме со информации.

Извор: Vijesti

Прочитај повеќе...

Магазин

Google откри како ќе изгледа Pixel 10 – нова камера и редизајн? (ВИДЕО)

Објавено пред

2 дена

на

јули 22, 2025

Од

Порта.мк

Фото: Samuel Angor @ unsplash

Официјалното претставување е закажано за 20 август

Google повторно ја следи својата традиција – со рано откривање на изгледот на барем еден од своите нови Pixel телефони. Овојпат, тоа се случува речиси еден месец пред официјалната премиера, закажана за 20 август.

На насловната страна на Google Store се појави кратко промотивно видео, кое ни дава прв поглед на она што се претпоставува дека е основниот Pixel 10. Видеото открива дизајн сличен на минатогодишниот Pixel 9, но со неколку значајни измени.

Google COOKED with this Pixel 10 ad! 🔥 pic.twitter.com/I5LSpzydqz

— Pixlo (@pixlospot) July 21, 2025

Кои се новитетите?

Нова сиво-сина боја, која му дава модерен и освежен изглед.
Редизајнирана задна страна – изгледа како површината на телефонот да “излегува” од рамката.
Трета камера – за првпат, и основниот модел можеби ќе добие телефото објектив.

Да потсетиме, Pixel 9 беше опремен само со широкоаголна и ултраширокаголна камера, додека телефото леќата беше ексклузивна за Pixel 9 Pro. Новите протечени информации сугерираат дека во 2025 година сите Pixel модели би можеле да имаат трикамерен систем.

Иако видеото не открива многу технички детали, се претпоставува дека Google ќе се фокусира на подобрувања под хаубата – како новиот чипсет Tensor – наместо на драматичен редизајн на уредот.

Сè ќе биде јасно на 20 август, кога Google ќе ги открие сите детали за новите Pixel 10 уреди.

Извор: B92

Прочитај повеќе...

Магазин

Дали Nokia се враќа на пазарот на паметни телефони?

Објавено пред

2 дена

на

јули 22, 2025

Од

Порта.мк

Фото: Pawel Czerwinski @ unsplash

• Легендарниот бренд Nokia нема целосно да се повлече од светот на мобилните телефони и сè уште има амбиции да се врати на пазарот.

• Во изминатата година, дојде до разделување помеѓу Nokia и компанијата HMD Global, што доведе до постепено отстранување на Nokia телефоните од веб-страницата hmd.com, и нивна замена со уреди со брендот HMD.

• Сепак, постои надеж дека Nokia би можела да се врати доколку најде нов партнер за лиценцирање на брендот.

• На Reddit форумот посветен на Nokia, менаџер за заедница од Nokia изјавил дека компанијата е „отворена за соработка со голем производител на мобилни телефони“. Иако ова не е официјална потврда, сепак е сигнал дека брендот не е напуштен.

• Во минатото, Nokia го лиценцираше својот бренд на повеќе компании:

Streamview произведуваше телевизори
RichGo произведуваше слушалки и додатоци
OFF Global произведуваше лаптопи
Но, повеќето од овие партнерства веќе се прекинати.

• Во меѓувреме, HMD се соочува со предизвици – неодамна објавија намалување на дел од операциите во САД.

• Имаше и гласини дека Samsung можеби ќе го купи мрежниот бизнис на Nokia, но тие беа брзо негирани од финската компанија.

• Финансиски, Nokia во првиот квартал од 2025 година пријави оперативен профит од 156 милиони евра и вкупна продажба од 4,39 милијарди евра. Резултатите за вториот квартал се очекуваат наскоро.

• Останува да се види дали некој голем производител (можеби од Кина или Европа) ќе го преземе брендот Nokia и повторно ќе го врати на пазарот на паметни телефони.

Извор: B92

Прочитај повеќе...