Временска прогноза
Интензивни дождови цела седмица, не е исклучена можноста од снег на повисоките места, ова се деталите..

Денес, како и во текот на следните денови и тоа под влијание на влажна и СТУДЕНА воздушна маса, времето во Македонија ќе продолжи да биде облачно и невообичаено СТУДЕНО за овој период од годината со повремени врнежи од дожд. Повремено врнежите ќе бидат ПОИНТЕНЗИВНИ и на некои места повторно се очекува да наврне ПОЗНАЧИТЕЛНО количество на воден талог (над 50 л/м2 воден талог).
Ќе дува слаб до умерен ветер од источен и од североисточен правец и истиот повремено на некои места ќе засилува на интензитет, Темпоературите ќе бидат ЗНАЧИТЕЛНО под просекот за овој дел од годината и ќе се искачуваат во интервалот од 8 до 15 степени.
Поради НЕВООБИЧАЕНО ниските температури на воздухот кој ја зафатија нашата држава, и понатаму на високите планини ќе има услови за врнежи од СНЕГ.
ПРЕДУПРЕДУВАЊЕ: Со оглед на тоа дека во изминатите два дена наврна ГОЛЕМО количество на дожд во поголем дел од државава, а се очекуваат и нови ПОИНТЕНЗИВНИ врнежи и ново ЗНАЧИТЕЛНО количество на дожд, ќе продолжат да растат нивоата на реките и на езерата во Македонија. Исто така има можност и за локални излевања на реките, особено на оние помали реки, и на оние реки кои се наоѓаат покрај патиштата, со што може да дојде и до локални ПОПЛАВУВАЊА. Токму поради ова особено на возачите им препорачуваме внимателно да управуваат со своите возила, и тоа доколку се движат покрај реките кои се наоѓаат покрај патиштата.
Автор: Славчо Попоски
Временска прогноза
Викенд метео вести: Еве какво време ни претстои денес и утре

Под влијание на стабилна и на посвежа воздушна маса од север, викендов (сабота и недела 28 и 29 јуни) во Македонија времето ќе биде стабилно, суво и сончево со мала до умерена локална облачност. Сепак ќе биде многу ветровито, односно, ќе дува засилен до повремено силен ветер од северен правец (повремено и локално со брзина од над 70 км/час.
И во Скопје и околината ќе имаме стабилно и сончево, но и малку посвежо време за викендов. Ќе дува засилен, повремено силен ветер од северен правец (во делови од котлината повремено со брзина од над 70 км/час).
Што се однесува до температурите, тие ќе бидат за околу 4/5 степени пониски за ра разлика од денешните и максималните дневни температури ќе се искачуваат во интервалот од 28 до 36 степени, во Скопскиот регион температурата ќе се искачи до околу 35 степени, утрово информираше Славчо Попоски
Временска прогноза
Доаѓа дожд према нашиот регион, ова се последните метео вести

Поради прилив на поладен воздух од север на висина, денес (петок 27 јуни) во попладневните и во вечерните часови во нашата Република Македонија атмосферата значително ќе се дестабилизира. Ќе се создаваат влажни фронтални бранови кои на повеќе места ќе условат развој на грмотевични конвективни облачни јадра од кои очекувам појава на поројни врнежи од дожд, грмежи и силен ветер (над 70 км/час).
Многу поголема нестабилност очекувам во северните, централните , источните и во југоисточните предели од нашата Македонија, па токму во овие предели локално очекувам појава и на бурно невреме проследено со обилен пороен дожд кој може да услови локални поројни поплавувања, олуен ветер, силни и чести електрични празнења, како и со појава на крупен град. Токму поради ова на граѓаните ги советувам да обратат голема внимателност.
И во делови од Скопскиот регион, денес (петок 27 јуни) во попладневните и во вечерните часови ќе биде нестабилно со пороен дожд, силен ветер (над 70 км/час) и со појава на грмежи. Можна е и појава на силно невреме.
Што се однесува до температурите тие повторно насекаде ќе бидат над 30 степени, на повеќе места тие ќе се искачат и до околу, па и над 35 степени, додека во Повардарието тие ќе достигнат до 40 степени. Меѓутоа, доцна попладне и навечер температурите ќе опаѓаат, со што од север ќе започне да ни се спушта посвежа воздушна маса, вели Славчо Попоски
Временска прогноза
Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание на засилен топол бран од Африка и истиот ќе услови многу топло и сончево време со мала локална облачност. Ќе дува слаб до умерен ветер од променлив правец.
Што се однесува до температурите тие ќе бидат многу високи, а особено високи температури ќр имаме од среда до петок кога максималните дневни ќе се искачуваат во интервалот од 32 до 40 степени.
Во Скопје температурата ќе се искачува до околу 39/40 степени, особено од среда до петок. И во Скопскиот регион ќе дува слаб до умерен ветер од променлив правец.
УВ ИНДЕКСОТ за време на овој засилен топол бран од Африка ќе има екстремно висока вредност и ќе изнесува коефициент 9. Токму поради ова апелирам граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.
– Барем одсега гледано, освежување на времето, пад на температурите, но и дестабилизирање на атмосферата ќе имаме во петок во попладневните и во вечерните часови кога ќе има појава на локална нестабилност со пороен дожд, грмежи, засилен ветер и можност за ново локално невреме, утрово информираше Славчо Попоски
-
Кичево1 ден
Предмалку случена сообраќајка во близина на с.Извор кичевско, правец Кичево-Охрид
-
Хороскоп2 дена
Хороскоп за петок (27 јуни)
-
Хороскоп20 часа
Хороскоп за сабота (28 јуни)
-
Македонија1 ден
Од ноќеска цената на дизелот драстично паѓа, еве колку ќе биде литар дизел гориво од полноќ
-
Македонија1 ден
Од 1 јули до крај на месец август на државните патишта во Македонија се воведува летен времен режим на сообраќај со кој се забранува движење на тешки товарни возила
-
Временска прогноза1 ден
Доаѓа дожд према нашиот регион, ова се последните метео вести
-
Временска прогноза14 часа
Викенд метео вести: Еве какво време ни претстои денес и утре
-
Македонија1 ден
Целосна забрана за движење во шумите