Мобилни уреди

„iPhone 15“ се бори за свое место во пазарот, додека во Кина е на попуст за цели 180 долари, повеќе од цената на ланскиот период за претходникот

Објавено пред

1 година

на

март 2, 2024

Од

Порта.мк

Од неговото лансирање iPhone 15 се бори за своето место на пазарот во, до неодамна, но тешкотиите на оваа серија на Apple сè уште не се завршени бидејќи продажбата продолжува да опаѓа конкретно во Кина. Слабеењето на кинеската економија, забраната за користење на iPhone уреди во владините институции и државните претпријатија се едни од клучните причини за неуспехот на најновите модели на телефони на Apple на најголемиот пазар на паметни телефони во светот. Секако, не треба да се заборави и фактот за враќањето и обновениот раст на домашниот технолошки гигант Huawei, пренесува Bloomberg.

Во обид да ја зголемат побарувачката, кинеските трговци на мало, како што е Tmall во сопственост на Alibaba Group, одлучија да ги намалат цените на моделот iPhone 15 Pro Max за дури 180 долари, што е за 60 долари повеќе од минатогодишниот пад на цената во истиот период. Слични понуди обезбедуваат познати локални трговци на мало како што е JD.com. Ројтерс дополнително известува дека некои трговци исто така ги намалиле цените на моделите на iPhone 14 Pro за 10 проценти, надевајќи се дека ќе привлечат повеќе клиенти.

Иако на официјалната веб-страница на компанијата Apple нема попуст за најновите модели на телефони во Кина, во јануари американскиот „број еден“ првпат ги намали цените за цели 70 долари, што беше првпат гигантот понуди попуст на своите нови модели.

Counterpoint Research тврди дека Apple стои зад кинеските попусти и ги нуди како краткорочна промотивна цена на трети канали или независни трговци на мало како дел од раното одбележување на Меѓународниот ден на жената на 8 март.

Анализата на Counterpoint Research покажува дека кинеските потрошувачи веројатно ќе имаат корист од дополнителни попусти, бидејќи продажбата на iPhone во земјата се повеќе зависи од промоциите. Ако дополнително се земе предвид зајакнувањето на конкуренцијата во форма на други кинески компании како Oppo и Vivo, кои исто така вршат притисок врз iPhone, доаѓаме до податокот дека продажбата на овие телефони во јануари паднала за 10 отсто на годишна основа.

Сите овие факти, пак, беа најпогодни за компанијата Huawei, која забележа троцифрен раст во истиот период.

Ноемврискиот извештај објавен од Блумберг укажува на можноста за стагнација на побарувачката за серијата iPhone 15 дури и во САД, бидејќи циклусот на освежување на паметните телефони се продолжува. И покрај сè, Apple сè уште одржува предност во однос на другите производители, при што седум од десетте најпопуларни телефони во светот во 2023 година се модели на iPhone.

/benchmark.rs

Тагови:Iphone 15 Porta.mk Кина Мобилни Телефони

Следно

Новиот евтин модел на iPhone би можел да биде продажен хит

Не пропуштај

Се повеќе зависни од нив: Социјалните мрежи и игрите ги преземаат децата

Магазин

Samsung го забрзува темпото, Galaxy S25 Edge во продажба во мај

Објавено пред

4 дена

на

февруари 28, 2025

Од

Порта.мк

По успешното лансирање на новата серија Galaxy S25, Samsung го најавува претстојното објавување на ултра тенкиот модел S25 Edge.

Натпревар под бараж на јужнокорејскиот гигант

Според најновите информации, Samsung планира наскоро да го лансира Galaxy S25 Edge, најтенкиот предводник на телефонот досега.
Овој уред веќе беше претставен на неодамнешен настан, а најновите извештаи сугерираат дека ќе биде достапен за купување веќе во мај.
Според јужнокорејскиот Seoul Economic Daily, Samsung официјално ќе го претстави Galaxy S25 Edge на 16 април, откривајќи детали за неговите спецификации и дизајн.
Телефонот ќе биде достапен во три бои: светло сина, црна и сребрена.
Првичното производство ќе биде ограничено на 40.000 единици, а уредот може да биде достапен само на одредени пазари.

Тенок дизајн и моќни спецификации

Galaxy S25 Edge ќе биде дебел помалку од 6 mm, што ќе го прави значително потенок од Galaxy S25 (7,2 mm).
Ќе биде опремен со Qualcomm Snapdragon 8 Elite чип, 12 GB RAM и 256 GB внатрешна меморија.
Батеријата ќе има капацитет од 4.000 mAh, а главната камера би можела да добие сензор од 200 MP.

Цена и достапност

Galaxy S25 Edge се очекува да има цена помеѓу основниот Galaxy S25 и врвниот Galaxy S25 Ultra.
Цената се проценува дека ќе биде блиска до Galaxy S25+, кој чини околу 1.100 евра.

Заклучок

Galaxy S25 Edge ветува дека ќе биде еден од најтенките и најстилските водечки телефони денес.
Сепак, неговата ограничена достапност може да биде предизвик за корисниците во одредени региони.

Извор: Benchmark

Прочитај повеќе...

Магазин

Xiaomi 15 Ultra откриен со 200 MP телефото камера – се чека верзија за Европа

Објавено пред

4 дена

на

февруари 28, 2025

Од

Порта.мк

Засега достапен само во Кина, но Xiaomi 15 Ultra најверојатно ќе пристигне во Европа овој викенд. Телефонот ги задржува клучните карактеристики на неговиот претходник, но со подобар процесор, поголема батерија и унапредени камери.

Xiaomi 15Ultra Hands On. #xiaomi15ultra pic.twitter.com/pBJadV28HA

— Allen He (He Ling) (@heling1682002) February 27, 2025

Моќен хардвер и подобрена батерија

• Snapdragon 8 Elite чипсет во комбинација со 12GB или 16GB LPDDR5X RAM.
• Достапни опции за 256GB, 512GB или 1TB UFS 4.1 меморија.
• Новиот чипсет овозможува до 45% подобри перформанси и до 52% помала потрошувачка на енергија.
• Батеријата сега има 6.000 mAh (глобалните модели ќе имаат 5.410 mAh).
• Поддршка за жично полнење од 90W и безжично полнење од 80W.

Импресивен екран и дизајн

• 6,73-инчен AMOLED дисплеј со 3200x1440px, стапка на освежување 1-120Hz и осветленост до 3.200 nits.
• Достапен во црна и бела боја, како и специјално Silver Chrome издание.
• Црната верзија има текстуриран грб, белата има изгравирана површина.
• Silver Chrome моделот користи фиберглас и премиум PU кожа за изглед налик професионална камера.
• Рамката е изработена од CNC алуминиум, а стаклото е Xiaomi Shield Glass 2.0, кое е 16 пати поотпорно на падови.

Xiaomi 15 Ultraの軍艦部シルバー風のデザインなんか安っぽく見えちゃうからこっちの方が良いな。 pic.twitter.com/P4rXzyOVtw

— ASUS好きのZenBlog（ゼンブログ） (@ASUS_ZenBlog) February 24, 2025

Камера развиена во соработка со Leica

Системот со четири камери останува, но со значајни подобрувања:
• Главна камера: 50 MP Sony LYT-900, 1-инчен сензор, фиксна решетка f/1.63.
• Кратка телефото камера: 70 mm f/1.8, IMX858 сензор.
• Ултраширока камера: 14 mm f/2.2, Samsung JN5 сензор.
• Нова 100 mm телефото камера: 200 MP Samsung HP9, f/2.6, со 136% подобро пропуштање на светлина.

Сите четири задни камери снимаат 8K до 30 fps, а 4K до 60 fps – главната и телефото камерата од 100 mm поддржуваат 4K до 120 fps.
Селфи камера: 32 MP, f/2.0, 21 mm.

Xiaomi 15 Ultra、かっこいい！！ pic.twitter.com/gPJvuHfDCg

— MATTU (@sunmattu) February 27, 2025

Софтвер и ажурирања

• Xiaomi 15 Ultra доаѓа со Android 15 и HyperOS 2.
• HyperCore ја подобрува графиката, мрежното поврзување и приватноста.
• HyperAI носи алатки како AI Writing за пишување, лекторирање, сумирање, транскрипција и превод.
• Xiaomi гарантира 4 години Android надградби и 6 години безбедносни ажурирања.

Цена и достапност

• 12/256 GB – околу 854 евра.
• 16/512 GB – околу 920 евра.
• 16 GB/1 TB – околу 1.025 евра.

Конечните цени за Европа ќе бидат познати за време на Xiaomi настанот во Барселона, непосредно пред MWC 2025.

Извор: Blic

Прочитај повеќе...

Магазин

iPhone добива поддршка од Google – Дали станува лидер во ерата на AI телефоните?

Објавено пред

5 дена

на

февруари 27, 2025

Од

Порта.мк

Најновата iOS 18.4 бета верзија открива интересен додаток – Apple го интегрира Google Gemini во својот екосистем, овозможувајќи им на корисниците да избираат меѓу различни AI модели. Ова значи дека iPhone не само што ќе има поддршка од ChatGPT, туку и Google Gemini, кој првично беше развиен за Android.

Како ќе функционира Google Gemini на iPhone?

Според Арон Перис, развивач кој ги анализира новите iOS верзии, Apple го додал Google Gemini како опција во Apple Intelligence (AI) функциите. Ова значи дека корисниците кои не се задоволни од одговорите на Siri ќе можат да преминат на Gemini или ChatGPT за дополнителни информации.

Сепак, оваа интеграција нема да биде достапна за сите модели. Корисниците ќе мора да имаат iPhone 15 Pro, iPhone 16 или понови уреди, бидејќи AI функциите бараат моќен хардвер.

Apple отвора врати за различни AI асистенти

На минатогодишната конференција WWDC, Apple објави дека сака AI екосистем со повеќе избори, наместо да се потпира исклучиво на својата Apple Intelligence технологија.

• Прво беше интегриран ChatGPT, а сега се додава и Google Gemini.
• Во Кина, Apple ќе користи AI модел од Alibaba, а DeepSeek исто така бил разгледуван како можност.

Иако Gemini и ChatGPT ќе бидат достапни на iPhone и Mac, тие ќе можат само да одговараат на основни прашања. Напредните функции, како управување со апликации и автоматизирање задачи, ќе останат ексклузивни за Siri, бидејќи само Apple AI има пристап до системските поставки.

Повеќе избор за iPhone корисниците

Со оваа стратегија, Apple им овозможува на корисниците да изберат AI асистент што најмногу им одговара.

• Siri останува најдобро интегрирана во iOS екосистемот.
• Gemini и ChatGPT нудат подобри одговори за посложени прашања.

Ова го потврдува iPhone како водечки уред во новата ера на AI телефоните, каде конкуренцијата помеѓу Apple и Google сега се претвора во соработка за подобро корисничко искуство.

Извор: Benchmark

Прочитај повеќе...