Европската унија ја отвора вратата за инсталирање антени 5G во авионите за да им овозможи на патниците да остваруваат повици, да користат интернет и да испраќаат кратки пораки во летот

Едно од најпопуларните ограничувања кога станува збор за влегување во авион е – и сè уште е – ставањето на телефонот во авионски режим. Сепак, се чини дека деновите на овие ограничувања се избројани.

Имено, сите земји од ЕУ и оние кои се под покровителство на истото законодавство наскоро ќе ја укинат оваа мерка со воведување технологија која им овозможува на авиокомпаниите да инсталираат антени 5G во нивните авиони, пишува Brussels Times.

Во моментов, многу е вообичаено авиокомпаниите да нудат WiFi конекција во нивните авиони се додека мобилниот интернет е исклучен пред полетувањето и по слетувањето. Во некои случаи, оваа WiFi не обезбедува вистинска интернет врска, туку локална мрежа за пристап до мултимедијални содржини или игри кои се веќе инсталирани на серверот на самиот авион.

Големата разлика, во овој случај, е што не можете да повикувате или да праќате СМС бидејќи не сте поврзани на мобилната мрежа како да сте на земја, но за среќа нешто наскоро ќе се промени.

/BTimes

Новиот сопственик на Twitter , Илон Маск, потврди дека компанијата планира да воведе end-to-end енкрипција (E2EE) за директни пораки на платформата.

Функцијата е дел од визијата на Маск за Twitter 2.0, кој се очекува да биде „апликација за сите“. Другата функционалност вклучува долги твитови и плаќања, според слајдовите што Маск ги сподели за време на викендот.

Плановите за шифрирани пораки на компанијата првпат излегоа на виделина во средината на ноември 2022 година, кога истражувачката Џејн Манчун Вонг забележа промени во изворниот код во апликацијата за Android на Twitter поврзани со E2EE за ДМ.

Вреди да се напомене дека разни други платформи за пораки, како што се Signal, Threema, WhatsApp, iMessage, Wire, Tok и Keybase, веќе некое време поддржуваат шифрирање на пораките.

Google, кој веќе има E2EE за разговори еден на еден во својата апликација Messages за Android, моментално ја тестира истата опција за групни разговори. Фејсбук, исто така, започна стандардно да овозможува E2EE на Messenger за одредени корисници минатиот август.

Маск, исто така, рече дека пријавувањата на нови корисници на платформата се на „високо ниво на сите времиња“, во просек повеќе од два милиони дневно во изминатите седум дена од 16 ноември, што е за 66% повеќе во споредба со истата недела во 2021 година. Твитер има над 253 ,8 милиони дневно активни корисници.

Слајдовите објавени од Маск, исто така, откриваат дека пријавениот фишинг на платформата се зголемил претходно овој месец, и пред и по лансирањето на претплатата на Twitter Blue.

Нов обид за воведување претплата е најавен за 2 декември 2022 година, со систем за верификација во повеќе бои, така што компаниите ќе можат да добијат златен чек, владите сив чек, а поединците син чек.

/B92

Илон Маск, кој е сопственик на Twitter, изјави дека ќе создаде алтернативен телефон доколку неговата социјална мрежа биде забранета во продавниците за апликации Apple и Google.

Гласините дека Twitter би можел да биде отстранет од популарната услуга за продажба на апликации се интензивираа по бројните промени кои следеа по преземањето на Twitter од Маск.

Покрај тоа, самиот милијардер често се жали дека таксите и провизиите што Apple и Google ги бараат за програмерите и компаниите кои нудат апликации во нивните продавници се превисоки.

„Навистина се надевам дека нема да дојде до тоа, но ако нема друг избор, ќе создадам алтернативен телефон“, рече Маск во еден од неговите твитови.

I certainly hope it does not come to that, but, yes, if there is no other choice, I will make an alternative phone

— Elon Musk (@elonmusk) November 25, 2022

Apple App Store и Google Play Store наплаќаат провизија од 15 до 30 проценти за секое купување, како и за сите трансакции во апликацијата. Ова предизвикува големо незадоволство кај програмерите кои веруваат дека Apple и Google ја користат својата доминантна позиција на пазарот и наметнуваат свои правила. Поради ваквите потези, во изминатиот период веќе беа поднесени бројни тужби против овие компании.

Маск сака да ги зголеми приходите преку претплати на својата социјална мрежа. Проблемот е што поради правилата на Google и Apple за продажба во апликации, до 30 проценти од тие заработки ќе мора да одат директно на Google и Apple.

Милијардерот би можел да одлучи да ги заобиколи таквите правила, принудувајќи ги гигантите да го отстранат Twitter од нивните продавници за апликации. Во таа ситуација, Маск би можел да одлучи да развие свој алтернативен телефон.