Полека и оваа година господова 2025-та традиционалниот чин кој е дел од светите тајни на Црквата, векови стар продолжува, така што во пресрет на самиот голем празник „Богојавление Водици“ со помош на нашата архива, нашите пријатели како и Кичевската парохија, се потрудивме да ја направиме листата со најсреќните скокачи по светиот Крст кои го пронајдоа и извадија од кичевските осветени води назад во годините..

• 199* Никола Петрески
• 1996 Злате Матески
• 1997 Златко Богданоски
• 1998 Раде Мисајлески
• 2008 Кристијан Бојоски
• 2010 Јовица Тренески
• 2011 Синиша Стојаноски
• 2012 Даниел Симоноски
• 2013 Бобан Стефаноски
• 2014 Тане Србиноски
• 2015 Дени Дамчески
• 2016 Дејан Момироски
• 2017 Дарио Вренцоски
• 2018 Кристијан Врапчароски
• 2019 Христијан Митрески
• 2020 Кристијан Врапчароски
• 2021 Нема манифестација поради пандемијата од Коронавирусот
• 2022 Кристијан Врапчароски
• 2023 Алек Хлоупек
• 2024 Алек Хлоупек

Повеќе информации за редоследот на празникот ќе најдете ТУКА

За многу години, вечна да е традицијата!

Цела видео плеј листа од снимки во Кичево:

Се известуваат сите оние православни верници кои сакаат да земат учество во извлекувањето на Светиот Крст од осветените води во Кичево, дека треба да се пријават во градскиот кичевски храм „Свети апостоли Петар и Павле“ до сабота (18.01.2025 година) до 16:00 часот.

Истите тие треба да го имаат примено Светото Крштение, односно да се Крстени Православни Христијани, а не како другите години некрстени, затоа што ако доаѓаат некрстени, треба да се знае дека овој настан не е манифестација, туку е дел од светите тајни на Црквата кои се многубројни, истакнаа свештениците од Кичевската Парохија.

Притоа, сите кои ќе се пријават мора да бидат присутни на Светата Божествена Литургија за Богојавление, бидејќи само така се учесници во целокупниот богослужбен дел.

– Времето на тргнување од храмот со Литија е 10:15 часот, полагањето на Светиот Крст ќе се одвива на старо место во базенот зад Правниот Факултет во Кичево, закажано за од 11:00 часот во недела (19.01.2025 г.), а Литургијата почнува утрото од 08:00 часот.

Имено, вака изгледаше ланска година, каде најсреќниот кој по втор пат го пронајде светиот Крст беше кичевчанецот Алек Хлоупек:

Сите овие денови до нашиот медиум не престануваат да стигнуваат реакции и разочарувања од состојбата на патиштата во градското подрачје, но свесни за состојбата, за нас неоправдано бидејќи најавено беше од сите медиуми дека снегот непрекинато ќе паѓа, чекавме нешто да се промени бидејќи од јавното претпријатие според фотографии и видеа се гледа дека активно се на терен, но се додека не пристигнаа фотографии од пациенти од ЈЗУ „Општа Болница“ – Кичево.

Имено, реакциите се дека тешко се проаѓа до медицинските врати, смрзнатиот терен, висината на снежната покривка се резултат од не-навремено чистење на според нас еден од најглавните оддели во градот Кичево.

– По реакцијата на граѓаните, веднаш стапивме во контакт со Директорката на установата Д-р Маја Цветановска-Трајкоска која ја призна состојбата, така што истакна доколку надлежните не дојдат, ќе бидат приморани сами да го чистат овој дел од Болницата, а пациенти има нон-стоп!

– Веќе втор ден откако нема услови за разминување, доаѓање и проаѓање до Болницата, има високи нерамнини од мраз, остатоци од снег кои дополнително создаваат немир и стрес кај пациентите, но и кај вработените. Ја користам оваа прилика јавно да ги повикам, иако два дена не одговараат на нашиот повик, надлежните служби кои се задолжени да дојдат и да обезбедат услови за непречено доаѓање во кругот на Болницата и на овој проблем да му се стави крај, тука доаѓаат пациенти непрекинато, Докторите и Сестрите неможат никаква асистенција да им пружат на пациентите на ваков терен. Се зачистува и самоволно но онаму каде се може, пред влез, пред врата, каде што неможе, секако дека треба механизација, на кратко истакна Д-р Цветановска-Трајкоска.

И од нашиот медиум апелираме што поскоро да се очистат остатоците од снег во установата, бидејќи е од најбитен карактер за градот, потоа на сите други места со цел непречено и безбедно возење со автомобил, пешачење итн.

ФОТО: Пациенти