Спорт
Ја завршија сезоната со победа, капа долу за овие момчиња кои играат за ФК Напредок без хонорари, од чест и со срце!

Сите почести за момчињата кои ги бранат боите на ФК Напредок, оној ФК Напредок кој беше голем и силен, страв и трепет за многу клубови, денес се бори без хонорари за своите играчи кои играат од чест и со срце!
Токму денес заврши последната утакмица за оваа сезона, а ФК Напредок го заврши со победа од 3:2 против ФК Зајази. Стрелец на првиот гол беше нашиот капитен Жарко Симјаноски во 58 минута од пенал, вториот гол беше дело на Дарио Димоски во 73 минута по асистенција на Никола Аврамовиќ, конечниот резултат го постави Никола Аврамовиќ по одличната асистенција на Пеце Мирчески.
Упатуваат голема благодарност до сите фудбалери кои во текот на целата сезона го даваа својот максимум и на крајот завршија на третата позиција. Воедно велат ова нека биде и апел до сите надлежни институции и спортски ентузијасти да се помогни на клубот за наредната сезона бидејќи овие момци го заслужуваат тоа.
Исто така, на своите сограѓани од екипата ФК Влазерими им честитаат за освоеното прво место и успех во баражот, и завршуваат секако со текст надевајќи се за подобри времиња и враќање на тимот тамо каде што му е и местото!
Честитки момци и од нас! Вие веќе покажавте како се сака клуб, како се бранат сино-белите! Секоја чест!
/порта.мк
Спорт
За прв пат, во ист ден тројца кичевски судии ќе судат меѓународни натпревари во Австрија и Фарски Острови

Историски ден за кичевскиот спорт, во водите на професионалните фудбалски судии. Тројцата арбитри под нашето фудбалско поднебје кои буквално животот го посветија во фудбалскиот свет во ист ден ќе судат меѓународни натпревари во Австрија и Фарски Острови.
Имено, во среда на мечевите во рамки на „UEFA“ младинската лига до 19 години помеѓу „Австрија Виена“ со „Макаби Хаифа“ – судии ќе бидат Јован Качевски, Даниел Василевски и кичевчанецот Давор Цветаноски, додека на мечот во „Nordragota“ – „Викингур“ со „Генк“ правдата ќе ја делат Влатко Илиовски и кичевчаните Куштрим Лика и Зоран Јанкулоски.
Благодарение на Фудбалската федерација на Македонија на чело со претседателот Масар Омерагиќ и комесарот Јосип Бартон се дава можност на национални докажани судии да судат интернационални натпревари кои достојно ќе ја претсават Македонија во Европа, подвиг кој е за сите почести.
Мечот во Виена ќе започне од 15:30 часот, додека истиот ден мечот во Фарски Острови ќе започне од 20:00 часот.
Спорт
Македонија одигра „реми“ со Казахстан на „Тодор Проески“, Барди нè спаси од сигурен пораз

Избраниците на Благоја Милевски сега ќе имаат клучен дуел со следната селекција, кој ќе реши кој тим ќе го заземе второто место. Со ова реми, фудбалската репрезентација на Македонија го предаде врвот на табелата на Белгија, која успеа да го совлада Велс по драматичен пресврт.
Велс во наредното коло ќе се сретне со Лихтенштајн, а евентуална победа би им донела можност да ја поминат Македонија на табелата. Судирот меѓу овие две репрезентации ќе се одигра токму во последната рунда, што дополнително ја зголемува неизвесноста.
Со победа во овој натпревар, Македонија ќе можеше да остане во трката за првата позиција, иако Белгија би била во пол-поволна ситуација. Сепак, по актуелниот расплет, македонските фудбалери ги очекува исклучително тежок ноемвриски предизвик.
Дуелот беше крајно израмнет и двата состави создадоа неколку добри прилики во првото полувреме, но мрежите мируваа до паузата. Казахстан прв стигна до водство во 54-тата минута преку Динмухамед Караман, но Енис Барди успеа да врати баланс во 74-тата минута со прецизен удар.
Иако нашите имаа уште неколку обиди да направат целосен пресврт, сепак не успеаја повторно да ја затресат мрежата и да си обезбедат полесен финиш на квалификациите.
Голот на Барди од слободен удар ексклузивно погледнете го ТУКА, преку нашите колеги од редакцијата на „Курир“
Спорт
(ВИДЕО) „Бомба“ од слободен удар на Енис Барди носи израмнување на мечот со Казахстан, одиме на победа!

Енис Барди го „матираше“ противничкиот голман на Казахстан. Од слободен удар максимално прецизен и силен донесе израмнување на мечот 1:1 по примениот „несреќен“ гол предмалку од гостите.
Одиме на победа!
Голот ексклузивно погледнете го ТУКА, преку нашите колеги од редакцијата на „Курир“
-
Хороскоп2 дена
Хороскоп за недела (19 октомври)
-
Хороскоп24 часа
Хороскоп за понеделник (20 октомври)
-
Македонија1 ден
МВР: Гласањето се одвива мирно, без поголеми нарушувања на јавниот ред и мир, доколку има било какво нарушување на изборниот процес граѓаните да пријават во најблиската полициска станица или на телефонски броеви 192 или 112
-
Временска прогноза13 часа
Пред нас период на суво време и значително топло
-
Македонија10 часа
Дизелот со намалена цена од ноќеска, додека бензините остануваат со иста цена
-
Lifestyle12 часа
5 причини да јадете тиква: Ако сакате да ослабете, подгответе ја вака
-
Магазин12 часа
Apple го претстави првиот M5 чип
-
Lifestyle12 часа
Со топол леб или палачинки: Овој џем од јаболка ќе стане вашето омилено есенско откритие