Здравје и убавина
Јадењето „Кикирики“ го намалуваат ризикот од срцев и мозочен удар – покажуваат истражувањата

Истражувањата покажуваат дека кикириките го смалуваат ризикот од срцев и мозочен удар, поради што стручњаците советуваат дека треба да се внесат во прехраната, но во умерени количини.
Кикириките би можеле да станат важно оружје во борбата против срцевиот удар, покажуваат резултатите од едно последно истражување. Грицкањето кикирики или јадењето масло од кикирики најмалку пет пати неделно може дури да го преполови ризикот од срцев удар. Откриено е дека кикириките го намалуваат холестеролот, спречуваат воспаленија и ја подобруваат состојбата на крвните клетки околу срцето.
Во период од 22 години, научниците од Харвард набљудувале 6 илјади жени со дијабетес тип 2, кој го зголемува ризикот за срцев и мозочен удар. Овие жени имале посебен режим на исхрана, а секои две до четири години пополнувале прашалници за начинот на исхраната.
Кога научниците ги споредија резултатите, открија дека жените кои јаделе кикирики биле позаштитени од срцев и мозочен удар. Вистинското изненадување е што ризикот е намален за дури 44 проценти.
„Исклучително корисно е во исхраната да се користат и кикириките, бидејќи го намалуваат холестеролот и му помагаат на здравјето. Секако, треба да се конзумираат во умерени количини – секој ден по малку и никако со претерување, бидејќи секое претерување е штетно по организмот“, изјави Елен Мејсон, еден од научниците кои го спроведуваа истражувањето.
Извор: Денар
Фото: Shutterstock
Здравје и убавина
Неколку совети за слабеење и покрај слабо поседување на време и внимание за себе

Ако постојано сте во движење, зафатени со работа и секогаш во брзање, веројатно тешко наоѓате време да се посветите на себе и на физичката активност. Но, со малку организација и вистински навики, можно е да се грижите за своето тело и здравје, без разлика на обврските.
Еве неколку едноставни совети кои ќе ви помогнат полесно да ја одржувате линијата и да се храните поздраво:
1. Опремете ја кујната со здрави намирници
Отстранете ја нездравата храна полна со калории и заменете ја со свежи, нутритивни производи. Ако дома имате само квалитетни намирници, помала е веројатноста да посегнете по нешто нездраво.
2. Одредете точно време за вежбање
Планирајте го тренингот како обврска што не се прескокнува. Најдобро време за вежбање за зафатените луѓе е наутро — пред мејловите, состаноците и стресот од денот. Така ќе започнете со повеќе енергија и фокус.
3. Подгответе ги оброците однапред
Изберете намирници што можат да се чуваат неколку дена и подгответе ги оброците навечер. Така ќе имате контрола врз тоа што јадете и нема да претерувате со количината. Овој навик ќе ви заштеди време и ќе ви помогне да се храните поумно.
4. Ограничете го внесот на шеќер и кофеин
Едно утринско кафе е во ред, но повеќе кафиња дневно можат да направат повеќе штета отколку корист. Исто така, избегнувајте слатки и брзи грицки кога сте под стрес — тие нудат моментална енергија, но подоцна го зголемуваат заморот.
5. Одберете здрави грицки
Секогаш имајте при рака здрави опции: јаткасти плодови, свежо овошје, моркови или енергетски плочки без додаден шеќер. Не заборавајте и на доволно течности во текот на денот, особено во топлите месеци.
6. Вежбајте со партнер
Ако тешко се мотивирате сами, најдете партнер за вежбање. Заедничката поддршка и мотивација значително ја зголемуваат веројатноста да останете доследни на тренинзите. Со овие едноставни навики, ќе можете полесно да го балансирате динамичниот живот со здрав и активен стил.
Здравје и убавина
Доколку сакате да ослабете, тоа незначи дека треба да се гладува

Редовната физичка активност во комбинација со балансирана и умерена исхрана претставува најсигурен начин за намалување на килограмите и обликување на телото. Кога еднаш ќе создадете рутина што ја спојува оваа здрава навика, можете да додадете и неколку дополнителни чекори кои ќе го олеснат процесот на слабеење и ќе ве доведат поблиску до вашата цел – посакуваната тежина и фигура.
1) Јадете свесно и на маса
Избегнувајте да јадете додека работите, сурфате на телефонот, гледате телевизија или читате. Истражувања во Велика Британија покажале дека луѓето кои јадат на ваков „расеан“ начин внесуваат повеќе калории, а подоцна во текот на денот повторно имаат потреба од храна.
Затоа, обидете се појадокот, ручекот и вечерата секогаш да ги консумирате на трпезариската маса, со целосно внимание на оброкот. На тој начин, телото подобро ќе ја препознае количината на внесена храна и ќе ви даде чувство на ситост навреме.
2) Изберете помали чинии
Користењето на помали садови е едноставен трик кој може да резултира со намален внес на храна и до 30%. Со ваков пристап, ќе го контролирате количеството без да се чувствувате лишени.
3) Осигурете си доволен сон
Недостатокот на сон е тесно поврзан со лош избор на храна. Кога сме ненаспани, имаме тенденција да бараме засладени намирници за „брзо будење“, што негативно влијае на метаболизмот и на контролата на тежината. Затоа, квалитетниот и доволен сон е еднакво важен дел од процесот на слабеење.
4) Спијте во целосна темнина
Светлината во просторијата може да го наруши квалитетот на сонот и да ја отежне регулацијата на телесната тежина. Голема студија спроведена во САД утврдила дека жените кои спиеле во темни простории имале помала веројатност да се соочат со прекумерна тежина.
За да ја подобрите ситуацијата, можете да инвестирате во завеси што не пропуштаат светлина или да користите маска за очи додека спиете.
Здравје и убавина
Витаминот „Д“ има клучна улога и во работа која сигурно не сте ја знаеле

Според сексологот д-р Али Дилкс, витамин „Д“ има клучна улога во сексуалното здравје, бидејќи го стимулира производството на тестостерон – хормонот кој директно влијае на либидото. Најприродниот начин за негово добивање е преку сончевата светлина.
Д-р Дилкс посочува дека мажите кои чувствуваат намалена сексуална желба можат да ја подобрат својата состојба доколку поминуваат по половина час дневно на сонце, во период од две недели. Таквата навика значително го зголемува нивото на витамин Д, а со тоа и сексуалната желба.
Недостатокот на овој витамин, додава таа, негативно влијае и врз жените. Кога нивото на витамин Д е ниско, се намалува лачењето на естроген – хормон кој е одговорен за цврстината и здравјето на вагиналните мускули.
-
Lifestyle1 ден
Во сабота сите патишта водат во „Република Клуб“- Кичево, заедно со светски познатиот Dean Mickoski и Fecky Farris & Punisher
-
Хроника2 дена
ТАЖНА ВЕСТ: Панчо ја загуби животната битка како последица од пожарот во Кочани, почивај во мир наш „Шорти“
-
Хороскоп17 часа
Хороскоп за среда (15 октомври)
-
Временска прогноза17 часа
Доаѓа нов бран на дождови на планините снег, и тоа над 2000 нмв – ова се најновите метео вести
-
Хроника12 часа
Почина лице кое било сведок на судење во Основниот граѓански суд – Скопје
-
Технологија2 дена
Денес по десет години завршуваат безбедносните надградби за „Windows 10“
-
Здравје и убавина2 дена
Неколку совети за слабеење и покрај слабо поседување на време и внимание за себе
-
Магазин2 дена
OpenAI овозможува извршување на апликации во рамките на ChatGPT