Свет
Јужна Америка во паника поради ураганот „Ида“ кој ја погоди Куба, градоначалникот на Њу Орлеанс дал наредба за евакуација

Ураганот Ида денеска ја погоди Куба, и се заканува дека ќе ја погоди федералната држава Луизијана со разорна сила во текот на викендот, поради што е наредена евакуација во главниот град Њу Орлеанс и низ крајбрежната област.
Ида денес остро се засили и се пресели од нивото на тропска бура во ураган, носејќи со себе ветрови со брзина од 128 километри на час додека ја минуваше западна Куба кон Мексиканскиот Залив.
Американскиот национален центар за урагани предвидува дека Ида ќе се засили во екстремно опасен ураган од четврта категорија со ветрови од 225 километри на час, пред во сабота да го погоди брегот на југот на САД, пренесува АП.
Градоначалникот на Њу Орлеанс, Латоја Кантрел, нареди евакуација на сите оние што живеат надвор од насипниот систем што го штити градот од поплави. Таа не прецизира колку луѓе живеат во тие делови, но ги предупреди граѓаните кои имаат здравствени проблеми и други посебни потреби брзо да ја напуштат загрозената област.
U.S. Gulf Coast braces for Hurricane Ida after Cuba takes hit https://t.co/AaxsrMiR74 pic.twitter.com/isxgb935kv
— Reuters U.S. News (@ReutersUS) August 28, 2021
Латоја Кантрел рече дека бурата многу се засилила за кратко време и дека не е можно да се нареди задолжителна евакуација за целиот град, бидејќи немало време. Градските власти ги предупредија граѓаните да бидат подготвени за подолги прекини на електричната енергија и побараа од постарата популација да размисли за евакуација.
Градоначалничката на Батон Роуз, Шерон Вестон Брум прогласи вонредна состојба и рече дека градот распоредил вреќи со песок на осум стратешки локации како подготовка за доаѓањето на бурата, додава Гласот на Америка.
Гувернерот на Луизијана, Џонсон Бел Едвардс, прогласи вонредна состојба во четвртокот, а во петокот рече дека побарал од американскиот претседател Џо Бајден федерална вонредна состојба, дури и пред Ида да стигне на американско тло.
– „Постои зголемен ризик од бури опасни по живот, штетни урагански ветрови и обилни врнежи во неделата и понеделникот, особено долж брегот на Луизијана“, предупредил центарот за урагани.
Се очекува бурата да ја погоди Луизијана истиот ден со ураганот Катрина пред 16 години, кога голем дел од брегот беше опустошен.
Извор: Blic
Свет
Маск: „SpaceX“ нема да го повлече својот вселенски брод „Dragon“

Илон Маск објави дека неговата ракетна компанија SpaceX нема да го повлече својот вселенски брод „Драгон“. Иако само неколку часа претходно тој изјави спротивното, дека авионот ќе биде повлечен од оперативна употреба.
Оваа ненадејна промена на ставот доаѓа во време на ескалација на јавниот конфликт меѓу Маск и претседателот на САД, Доналд Трамп. Конфликтот се засили во последните денови со размена на остри коментари на социјалните мрежи и изјави во медиумите.
Маск не ги објасни детално причините поради кои одлучил да ја промени претходната одлука. Сепак, постојат шпекулации од кругови блиски до компанијата дека моменталната политичка ситуација и потенцијалното влијание врз договорите со американската влада би можеле да играат клучна улога.
Вселенскиот брод „Драгон“, кој се користи за транспорт на товар и астронаути до Меѓународната вселенска станица, останува дел од вселенската програма на „Спејс Екс“.
Извор: phys.org
Свет
Ноќеска во Грција регистриран земјотрес со јачина од 5 степени според Рихтеровата скала

Во раните утрински часови, во 3:06 по локално време, во областа на Коринтскиот Залив во Грција бил забележан земјотрес со јачина од 5 степени според Рихтеровата скала, информира Атинскиот геодинамички институт.
Според информациите од институтот, епицентарот се наоѓал на 13 километри југоисточно од градот Галаксиди, а потресот бил на длабочина од 13,5 километри.
Коринтскиот Залив е познат како подрачје со висока сеизмичка активност, каде често се случуваат земјотреси, пишува „Катимерини“.
On 2025-05-27, at 00:06:31 (UTC), there was an earthquake around 13 km S of Antikyra, Greece. The depth of the hypocenter is about 10.0km, and the magnitude of the earthquake is estimated to be about 5.0.https://t.co/hFZ2S358qV pic.twitter.com/9qHxtoNxGu
— World EQ Locator (@WorldEQLocator) May 27, 2025
Свет
(Вознемирувачко Видео) Хаотични сцени на прославата за титулата на Ливерпул, влета со автомобил во толпа навивачи!

Фудбалерите на Ливерпул сè уште ја прославуваат титулата која ја обезбедија уште пред крајот на сезоната. Во неделата, тие официјално го подигнаа трофејот пред своите навивачи.
Илјадници луѓе излегоа на улиците за да ја одбележат победата, како што и се очекуваше.
Меѓутоа, прославата беше засенета од еден немил настан.
Невообичаена и вознемирувачка ситуација настана кога непознат возач со автомобил влета меѓу навивачите кои славеа.
🚨𝗕𝗥𝗘𝗔𝗞𝗜𝗡𝗚: A car has crashed into celebrating Liverpool fans at the trophy parade I have no words! pic.twitter.com/iW4EpOsWat
— Football Hub (@FootbalIhub) May 26, 2025
– Предмалку полицијата во Велика Британија соопшти дека еден маж е приведен во Ливерпул, северна Англија, по пријавите дека автомобил се судрил со пешаци.
– „Моментално се справуваме со пријави за сообраќајна несреќа во центарот на Ливерпул“, соопшти полицијата од Мерсисајд на X во понеделник. „Бевме контактирани веднаш по 18 часот денес, понеделник, 26 мај, по пријавите дека автомобил се судрил со голем број пешаци на улицата Вотер. Автомобилот застанал на местото на настанот и еден маж е приведен“, се додава во соопштението.
-
Хороскоп1 ден
Хороскоп за четврток (26 јуни)
-
Кичево1 ден
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Хороскоп6 часа
Хороскоп за петок (27 јуни)
-
Lifestyle2 дена
Дали навистина треба да се плашиме од семките од лубеница? Еве што се случува кога ќе ги проголтате
-
Македонија14 часа
Нов случај на измама: Старица дала огромна сума пари на таканаречен лекар кој и кажал лоша вест за ќерката
-
Lifestyle2 дена
Како да го разладите домот без клима: Три едноставни трикови
-
Автомобили2 дена
Како да ја надминете летната жештина од 37 степени во автомобил: Трикови што навистина функционираат
-
Македонија2 дена
Во Охрид вчера се случила сообраќајка помеѓу моторџија и велосипедист