Кичево
Рекапитулар на сработеното во „ЈЗУ Општа Болница“ – Кичево, по првите шест месеци од новото раководство, кичевчани заслужуваат подобро!

Утрово бевме во посета на кичевската Општа Болница, каде остваривме средба со управата на истата, односно Директорката на „ЈЗУ Општа Болница“ – Кичево, Д-р Маја Цветановска-Трајкоска, каде според времето кое ни беше на располагање на кратко поставивме неколку прашања и почекавме одговори за нејзината досегашна 6-месечна раководна работа во Болницата, што е ново и што може кичевчани да очекуваат понатаму од нивната работа и нивниот колегиум.
– Пред се ви благодарам што дојдовте и се заинтересиравте како претставници на јавноста за новостите во нашата Болница. Задоволна сум од досегашниот напредок, во периодот што измина, односно првите 6 месеци од новото раководство во „ЈЗУ Општа Болница – Кичево“, како В.Д. Директор можам да истакнам повеќе позитивни промени и новини во нашата установа. Имено, покрај почетокот со работа на комисијата за туѓа нега и новостите во лабараторија кои претходно ги споменавме во вашиот медиум, имаме нова опрема во повеќе одделенија, а ќе ги издвоиме најзначајните:
* Отоскоп на детско одделение
* Холтери за постојана употреба на интерно одделение
* Најнов фибероптички ларингоскоп за ORL амбуланта
* Нов акушерски стол после 30 години и аспиратори за потребите во одделенија
* Спирометар на интерно одделение и соодветна обука за него
* Повеќе сетови, најнов интрументариум во салата за киретажи
* Обновени сите сетови во гинекологија (пораѓај), сетови за епизиотомија, сетови за ревизија на цервиксот
* Инфузиомати за интерно, детско и акушерско одделение, со завршена соодветна обука за истите.
* После повеќе години успеавме да возобновиме возен парк со санитетско возило и патничко моторно возило за потребите на установата.
Порта.мк: Како се справувате со финансиската состојба која кажавте дека не беше во поволна состојба кога ја презедовте функцијата прв човек на кичевската Болница и што може дополнително да очекуваат пациентите во понатамошниот период од вас, како ново раководство:
– Како што веќе истакнавме долговите на Болницата кои ги наследивме, благодарение на ФЗОМ и новата влада се намалени повеќе од двојно, што е за секоја почит, додека во следниот период ќе работиме уште по посветено, се во интерес на нашиот град и нашите граѓани и сите пациенти кои заслужуваат подобар третман, нега и услови. Исто така морам да напоменам дека во функција е ставен и „УЗ“ (ултра звучен) апарат кој беше мистериозно исчезнат.
– Во лабараторијата дополнително е набавен нов микроскоп, центрифуга со поголем обем, како и нов апарат за брза крвна слика со „CRP“ од капиларна крв (наменет за најранливите категории „дечиња“)
Уште еднаш Ви благодариме што ја следите нашата работа, така што во периодот кој следи Ве уверуваме дека правиме напори да се опреми и унапреди работата и во операционата сала, како и возобнова на сите апарати кои ќе значат услов за работа во истата, за Порта.мк во краткото интервју истакна Директорката Цветановска-Трајкоска.
Д.Б.
Кичево
Со едногласна одлука советот на Општина Кичево изгласа финансиска помош за настраданите во Кочани

Денес во Општина Кичево, се одржа комеморативна седница во проширен состав за кобната несреќа во Кочани.
Со едногласна одлука советот изгласа одобрување на финансиски средства од 600,000 денари за финансиска помош за трагичниот настан.
Сочувство до семејствата на настраданите и лесно закрепнување на повредените.
Господ на помош на сите, стои во интегралното соопштение на советник кој истото го истакна на социјалните мрежи.
Кичево
В сабота во нашиот храм Св. Петар и Павле – Кичево, ќе се богослужи Заупокоена Литургија, поради смртта на трагично загинатите во Кочани

Поради смртта на трагично загинатите во пожарот во Кочани, во сабота ќе се богослужи Заупокоена Литургија со почеток од 08:00 часот во градскиот храм „Свети апостоли Петар и Павле“ во Кичево.
Сите треба молитвено да земеме учество и во мир да се помолиме за упокоение на душите на починатите, а за здравје на оние кои се лекуваат, затоа што само така се покажува христијанскиот мир и свесноста за преумување, истакнаа од кичевската парохија.
Кичево
ТППЕ Кичево го стави под контрола пожарот кој вечерва избувна во с.Лазоровци кичевско, причинета била материјална штета

Предмалку спречена поголема огнена катастрофа во кичевското село Лазоровци. Имено од за сега нејасни причини избувнал пожар во плевна и гаража со автомобил. По добиената информација од терен – Порта.мк веднаш стапи во контакт со службените лица од Територијалната противпожарна единица од Кичево кои ни ја потврдија информацијата за точна.
– Избувнатиот пожар е ставен под контрола, причинета е за среќа само материјална штета. На терен дејствувавме со 3 камиони и 15 пожарникари, нема простор за паника, за Порта.мк истакнаа од ТППЕ Кичево.
Повеќе очекуваме утре во дневниот билтен за медиуми од СВР Охрид.
-
Македонија1 ден
Уапсени сопственици на локали кои не почитувале денови на жалост и пуштале музика
-
Македонија2 дена
(ВИДЕО) Огромен пожар во Струмица, помеѓу Софилар – Баница, ветерот дополнително го отежнува дејствувањето, за состојбата се огласи и градоначалникот
-
Македонија6 часа
Вкупно 17 лица приведени кои не почитувале денови на жалост во државата
-
Временска прогноза2 дена
Доаѓа медитерантски циклон кој носи големо количество на врнежи од дожд
-
Култура1 ден
Денес е „Младенци“, честит именден и честит брак на тие што стапиле и се нови брачни парови
-
Спорт1 ден
Омерагиќ: Се гледаме во вторник на градски, приходите од влезниците ќе бидат за семејствата на трагично загинатите во Кочани
-
Скопје21 час
СВР Скопје: Управувал возило без возачка со 104 км/ч каде било ограничено 50 км/ч
-
Спорт2 дена
Голем гест за почит, средствата од билети на мечот Пелистер – Вардар ќе одат за семејствата на загинатите во Кочани