Следете не

Lifestyle

Како да препознаете вистински мед? Четири сигурни тестови за откривање на квалитетот

Објавено пред

на

Препознавањето на вистинскиот мед е важно за да бидете сигурни дека консумирате чист, природен и хранлив производ. Со оглед на тоа што на пазарот има многу фалсификувани варијанти, можете лесно да го проверите квалитетот со едноставни домашни тестови.

Медот е познат по својата сладост и богатство со витамини, минерали и антиоксиданси. Сепак, за да ги добиете сите придобивки од него, треба да бидете сигурни дека имате вистински мед. Еве како:

1. Проверете ја етикетата

Кога купувате мед, секогаш читајте ја етикетата. Вистинскиот мед треба да има само една состојка – мед. Ако на листата на состојки се споменати додатоци како гликоза, сируп од пченка или вештачки засладувачи, тоа е знак дека медот е фалсификуван. Таквите производи не само што ја губат својата хранлива вредност, туку може да содржат несакани состојки.

2. Тест со вода

За овој тест, ќе ви треба чаша вода. Ставете една лажичка мед во чашата и набљудувајте што ќе се случи:

  • Ако медот брзо се раствори и се распореди низ водата, тоа укажува дека не е чист.
  • Чистиот мед ќе остане на дното, без да се меша веднаш, поради неговата густина и вискозитет.

3. Тест на палецот

Ставете мала капка мед на врвот на палецот:

  • Вистинскиот мед е густ и останува на местото каде што сте го ставиле.
  • Фалсификуваниот мед, кој е поредок, лесно ќе се разлее или лизне.

4. Тест со загревање

Овој тест бара малку повеќе време, но е многу ефикасен:

  • Загрејте мала количина мед на лажица. Вистинскиот мед брзо ќе почне да се карамелизира, ослободувајќи пријатен природен мирис.
  • Ако медот почне да создава пена или меурчиња, тоа укажува на присуство на вештачки засладувачи или адитиви.

Со овие едноставни тестови, лесно можете да го препознаете квалитетниот мед и да уживате во неговите природни придобивки.

Извор: Informer

Lifestyle

Смути наутро – да или не? Предности и недостатоци на популарниот појадок

Објавено пред

на

Фото: Fanny Gustafsson @ unsplash

Брзи сме, зафатени и постојано сме во движење – а смутито изгледа како совршено утринско спасение во чаша. Ставате банана, малку спанаќ, го завртувате блендерот и појадокот е готов. Но, дали е навистина доволно „јак“ за да издржиме до ручек? И дали е секогаш толку здрав како што изгледа на Инстаграм?

Смутијата станаа популарни уште пред години и сè уште се слават како брз и здрав појадок. Но со текот на времето, прашањата околу нивната вистинска корист сè повеќе излегуваат на површина.

Предности на смутито:

Смутијата се исклучително лесни за подготовка и можат да бидат богати со хранливи материи – ако се направени правилно. Комбинацијата од овошје, зеленчук, протеини, здрави масти и влакна создава избалансиран оброк што може да ве одржи сити подолго време.

Дополнително, смутито содржи повеќе овошје и зеленчук отколку што би изеле наеднаш. Тоа го прави одлично за хидратација и освежување, особено во лето – кога комбинација со мраз и кокосова вода звучи како мини СПА за стомакот.

Недостатоци што треба да се имаат на ум:

Главниот проблем е шеќерот. Дури и ако користите само овошје, комбинацијата од банана, манго и јагоди може да донесе и до 30–40 грама шеќер по порција. А ако додадете мед или засладено млеко, лесно може да премине во десерт, а не здрав појадок.

Друг чест проблем е што смутито не ве држи сити долго. Без доволно протеини и влакна, може да огладнете за два часа. Калориите исто така лесно се потценуваат – една банана, овесно млеко, путер од бадеми и протеин во прав брзо можат да надминат калориите на цел ручек.

И уште нешто – шеќерот и киселината во овошјето се штетни за забите. Ако пиете смути секое утро, исплакнете ја устата со вода или користете сламка.

Како да го направите смутито подобро:

  • Додадете протеини (грчки јогурт, растителни протеини)

  • Не претерувајте со овошје (максимум 1–2 вида)

  • Вклучете влакна (чиа, ленено семе, овес)

  • Внесете здрави масти (лажичка путер од кикирики или неколку бадеми)

Заклучок:

Смутијата можат да бидат одличен појадок – но само ако ги направите паметно. Ако ве држат сити, не предизвикуваат шеќерен пад и одговараат на вашето темпо – уживајте во нив. Но, ако сте повеќе за јајца и тост – тоа е исто така сосема во ред. Бидејќи најздравиот појадок е оној што ви одговара вам.

Извор: 6yka

Прочитај повеќе...

Lifestyle

Како да ослабете без вежбање? Еве 13 начини

Објавено пред

на

Фото: i yunmai @ unsplash

Иако слабеењето најчесто се поврзува со диета и физичка активност, постојат и ефикасни начини за губење тежина без вежбање.

Ако не ви е омилена теретаната, имате здравствени ограничувања или едноставно немате време – следниве 13 совети ќе ви помогнат да ослабете без напор.

1. Изберете свежа и непреработена храна

• Фокусирајте се на овошје, зеленчук, цели зрна, мешунки, семиња и јаткасти плодови
• Избегнувајте преработена храна полна со шеќери и масти
• Две третини од чинијата нека бидат растителни намирници, остатокот – посни протеини и млечни производи

2. Внесувајте повеќе протеини и влакна

• Протеините градат мускули и даваат подолготрајно чувство на ситост
• Влакната го подобруваат варењето и го стабилизираат шеќерот во крвта
• Вклучете јајца, риба, мешунки, овошје и житарки во исхраната

3. Гответе дома што е можно почесто

• Дома имате контрола врз порциите и состојките
• Надворешните оброци често се калорични и со многу сол и масти

4. Купувајте паметно

• Направете список за пазарење додека сте сити
• Избегнувајте преработени закуски – носете јаткасти плодови или свежо овошје
• Не пазарете гладни

5. Пијте доволно вода

• Водата го намалува апетитот ако се пие пред јадење
• Ладната вода може да го забрза метаболизмот на краток рок
• Минимално 1.5–2 литри дневно

6. Избегнувајте калории од пијалоци

• Газирани пијалоци, засладени чаеви и алкохол содржат празни калории
• Пијте вода со лимон, незасладен чај или црно кафе

7. Јадете бавно и свесно

• Џвакајте темелно и направете пауза меѓу залакот
• Избегнувајте јадење пред екрани
• Така ќе препознаете кога сте сити и ќе избегнете прејадување

8. Користете помали чинии

• Помалите чинии создаваат илузија дека јадете повеќе
• Ова ви помага во контролата на порциите

9. Спијте доволно

• Недостатокот од сон го зголемува апетитот и желбата за слатки
• Спијте 7–9 часа дневно за хормонска рамнотежа

10. Намалете го стресот

• Стресот го зголемува хормонот кортизол кој поттикнува таложење масти
• Медитација, длабоко дишење и прошетки можат да помогнат

11. Консумирајте пробиотици

• Го балансираат варењето и ја подобруваат цревната флора
• Природни извори: јогурт, кефир, ферментирана храна

12. Следете го напредокот

• Важно е редовно да се мерите – еднаш неделно е доволно
• Водете евиденција за вашата тежина и исхрана

13. Препознајте го емоционалниот глад

• Јадењето поради досада, тага или стрес е честа навика
• Наместо храна, пробајте разговор, прошетка или водење дневник

Заклучок:

Слабеењето не мора да значи потење во теретана. Со овие едноставни навики, можете да постигнете резултати без напорни тренинзи – сè што ви треба е малку свесност и дисциплина во секојдневните избори.

Извор: krenizdravo

Прочитај повеќе...

Lifestyle

Како настанал компирот? Откриен е неочекуван заеднички предок со доматот

Објавено пред

на

Фото: Lars Blankers @ unsplash

Компирот е една од најпопуларните намирници на планетата. Без разлика дали е варен, печен или пржен, милиони луѓе секојдневно консумираат некаков облик на компир.

Компирот е богат со:

  • Витамин Ц

  • Калиум

  • Влакна

  • Отпорен скроб (корисен за дигестивниот систем)

  • Природно е без глутен

• Се одгледуваат над 5.000 сорти компири низ целиот свет.

Потекло на компирот

• Потекнува од Андите во Јужна Америка, каде што првпат бил одгледан од древните цивилизации.
• Се проширил низ светот по 16 век, по доаѓањето на Европејците во Америка.

Научно откритие: Компирот и дивиот домат имаат заеднички предок

Во нова студија објавена во списанието Cell, научниците анализирале 450 геноми од култивирани компири и 56 геноми од диви видови. Откриле:

• Компирот потекнува од природно вкрстување пред околу 9 милиони години.
• Вкрстувањето се случило меѓу:

  • Растение од родот Etuberosum (сродник на компирот, без клубени)

  • Растение од родот див домат
    • Овие растенија имале заеднички предок пред 14 милиони години, што овозможило создавање на нов хибрид.

Развој на клубени и прилагодување

• Гените што кај доматите создаваат плодови, кај компирот довеле до развој на клубени.
• Тоа му овозможило на компирот да преживее во сурови планински услови и да се прошири.

Значењето на компирот денес

• Компирот е еден од најважните прехранбени производи на човештвото, според геномскиот биолог Санвен Хуанг од Кинеската академија за земјоделски науки.
• Резултатите од истражувањето можат да помогнат во подобрување на одгледувањето на компири, особено во услови на климатски промени.

Извор: Dnevnik

Прочитај повеќе...

Facebook

Последни објави

Хороскоп2 часа

Хороскоп за вторник (5 август)

Овен Дојде време да ја покажете својата подготвеност за компромис. Вашиот цврст карактер може да ви донесе проблеми. Денешниот ден...

Македонија2 часа

ЦУК: До моментот поради невремето, не се пријавени материјални штети или повредени лица

По обилните дождови и силните ветрови што зафатија дел од земјата, засега не се пријавени ниту материјални штети ниту повредени...

Кичево4 часа

(ФОТО) Во с. Челопеци кичевско изгаснат бил избувнат пожар на стрниште речиси до живеалишта

ТППЕ Кичево и денес со полни раце работа, имено како што известуваат до нашиот медиум, околу 17ч добиле повик за...

Македонија8 часа

Предмалку земјотрес регистриран во западна Македонија, кај Тетово

Предмалку земјотрес регистриран во Македонија, според информациите на ЕМСЦ лоциран е околу град Тетово, со јачина од 2.9. #Earthquake (#земјотрес)...

Кичево9 часа

Викендов во Кичево СВР Охрид и ОВР Кичево реализираа „Соседска патрола“

Викендов во Кичево, Секторот за внатрешни работи Охрид и ОВР Кичево, ја реализираа превентивната кампања „Соседска патрола“. Мешаните патроли составени...

Македонија10 часа

Во среда времен застој на ГП “Делчево” поради градежни работи

Регионалниот центар за гранични работи „Исток“ ја информира јавноста дека задутре (06.08.) ГП и ГН „Делчево“, односно од бугарска страна...

Македонија13 часа

МВР: Изминатиот викенд 1077 сообраќајни прекршоци на територија на цела држава, 314 за брзо возење

Во деновите од празничниот викенд (02./03.08.2025) како резултат на редовните сообраќајни контроли што ги реализириаат полициските службеници од сите сектори...

Спорт13 часа

Србија официјално остана без „АТП“ турнирот

Турнирот „Белград Опен“, кој беше закажан за ноември 2025 година, е официјално откажан. И покрај големите напори и вложени ресурси,...

Македонија15 часа

Кичево, 122 година од битката на „Ѓурѓејца“, 4-ти август 1903 година, симбол на храброст и пожртвуваност

Денес се одбележуваат 122 години од една од најславните и најкрвави битки во Илинденското востание – битката кај Ѓурѓејца во...

Хороскоп1 ден

Хороскоп за недела (4 август)

ОВЕН Немате причина да брзате и да донесувате ненадејни одлуки. Овие дена, обидете се да ги набудувате другите за да...

НАЈЧИТАНИ