Следете не

Магазин

Како правилно да го полните вашиот iPhone за подолг век на батеријата

Објавено пред

на

Сите сме го доживеале тој момент – купувате нов iPhone, сè работи совршено, но по година или две батеријата почнува побрзо да се троши. Ако ви звучи познато, можеби причината лежи во начинот на кој го полните телефонот.

Избегнувајте евтини полначи

Прво и основно – не користете неоригинални или евтини полначи. Apple со години предупредува дека тие можат да бидат опасни, не само за батеријата, туку и за вас. „Полнењето со несертифицирани адаптери може да претставува ризик од повреда или смрт“, стои во упатствата на компанијата. За да избегнете потенцијални проблеми, секогаш користете оригинални или сертифицирани полначи.

Не полнете до 100%

Иако можеби уживате кога ќе ја видите зелената икона за полна батерија, тоа е едно од најштетните нешта што можете да му го направите на вашиот телефон. Кога батеријата достигнува 100%, таа влегува во состојба на „стрес“, што го забрзува нејзиното абење и го намалува капацитетот.

Идеално, батеријата треба да се полни до максимум 95%. Apple веќе го предвиде овој проблем и поновите модели на iPhone имаат вградена функција „Optimized Battery Charging“. Оваа опција користи алгоритам за да ги анализира вашите навики за полнење и спречува батеријата да надмине 80% во одредени ситуации, со што го продолжува нејзиниот животен век.

Ако користите iPhone 15 или понов, можете рачно да поставите ограничување за полнење. iOS дури и ќе ви предложи оптимален процент, кој честопати е токму 95%.

Заклучок

Ако сакате батеријата на вашиот iPhone да трае што е можно подолго, следниот пат кога ќе го приклучите на полнач, не го полнете до 100%. Вашиот телефон (и вашите нерви) ќе ви се заблагодарат.

Извор: B92

Хороскоп

Хороскоп за петок (17 октомври)

Објавено пред

на

ОВЕН

Може да очекувате промени поврзани со вашето работно место. Пред вас е фаза која може да биде многу турбулентна. Саканата личност ќе ви покаже преку дела дека зборовите и биле неискрени. Чувствителни заби.

БИК

Подготвени сте да се дистанцирате од деловните обврски. Ви се допаѓа личност која е прилично ладна и дистанцирана. Нема да ја освоите лесно. Добро се чувствувате.

БЛИЗНАЦИ

Доколку сте загрижени за работата, имате право. Околностите не ви одат од рака. Можно е да дојде до некои компликации. Можни се и проблеми поради некоја поранешна љубов. Проблеми со крвотокот.

РАК

Ве очекува конфликт и недоразбирање со колегите. Ќе имате прилично отежнати деловни околности периодов. Иако сте многу заљубени, тешко ви е да го покажете тоа бидејќи се плашите да не бидете повредени. Склони сте кон алергии.

ЛАВ

Ве очекува напорен ден. Пред вас е период во кој деловните проблеми може да се нанижат еден на друг. Подготвени сте за нови познанства. Чувствувате потреба да бидете сакани и да најдете личност за себе. Проблеми со стомакот.

ДЕВИЦА

Имате можност да дојдете до остварување на деловните планови. Сѐ укажува на тоа дека ќе бидете задоволни со резултатите. Неочекуван пресврт на љубовно поле ќе ве наведе да се запрашате околу заклучоците кои ги донесовте претходно. Имате многу енергија.

ВАГА

Помали препреки на финансиско поле би можеле значајно да ви го намалат и моралот и енергијата. Познанството кое ве очекува за вас истовремено може да биде и многу емотивно и многу болно на некој начин. Чувствителен урогенитален тракт.

ШКОРПИЈА

Може да се надевате на подобрување на околностите на работно поле. Ситуацијата полека но сигурно се врти во ваша корист. Не сте сигурни дали личноста со која се гледате има некакви емоции кон вас бидејќи не ги покажува. Избегнувајте масна храна.

СТРЕЛЕЦ

Може да се надевате на одморот кој го посакувавте. Време е малку да се опуштите, а на работата ќе и се посветите некој друг ден. Пред вас е нова врска во која ќе вложите многу енергија. Проблеми со несоница.

ЈАРЕЦ

Доколку се занимавате со приватен бизнис, пред себе имате ден за важни одлуки. Уживате во пријателскиот однос со личност која ви се допаѓа, но сепак сакате да одите и чекор понатаму. Одлично се чувствувате!

ВОДОЛИЈА

Периодов може да имате нови случувања на работно поле. Пред вас е момент на одлуки. Можно е да постојат неразјаснети околности во вашата врска и некои работи да излезат на виделина. Менувајте ги лошите навики.

РИБИ

Потребно е да се посветите на деловното опкружување и комуникацијата со колегите за да изградите подобри односи. Ви се допаѓа личност која не ја познавате сосема добро. Потребно ви е опуштање.

Прочитај повеќе...

Технологија

„Google Wallet“ добива нова функција која ќе го олесни користењето на дигиталните пропусници, картички за лојалност и билети

Објавено пред

на

ФОТО: Unsplash.com @ Mika Baumeister

„Google Wallet“ добива нова функција која им овозможува на корисниците поедноставно користење на нивните дигитални пропусници, картички за лојалност, билети за настани или пропусници за јавен превоз. Сега секој корисник може да додаде прекар на своите дигитални картички, што го олеснува нивното препознавање.

Функцијата, која првично беше најавена во април, сега е достапна за сите. За да се додаде прекар, треба да се отвори избраната картичка, да се допре иконата со три точки во горниот десен агол и да се избере опцијата „Додај прекар“. Прекарот може да има до 25 знаци и се прикажува под главниот наслов на картичката, што особено помага кога имате повеќе картички од истата продавница или транспортна мрежа.

Со овој чекор, „Google Wallet“ полека се трансформира од едноставен дигитален паричник во практична апликација за организација на секојдневните задачи.

Повеќе паметни функции за поедноставен секојдневен живот

Оваа новина е дел од низата корисни функции што „Wallet“ ги воведе оваа година. Една од нив е „Сè друго“ – опција што дозволува да се претвори било кој физички документ во дигитална пропусница со едноставно фотографирање. Со помош на вештачка интелигенција, „Google“ ги препознава деталите од сликата и автоматски создава дигитална верзија. Засега, оваа опција е достапна само во САД.

„Wallet “исто така ја подобри систематизацијата на известувањата. Новата функција „Nearby Passes“ ги известува корисниците кога се во близина на место каде можат да искористат една од своите зачувани картички, како продавници или настани. Со еден допир, картичката се отвора на екранот, што ја прави апликацијата поинтуитивна и побрза за користење.

Поддршка и за програмерите

За развивачите, Google воведе нови опции: картичките добиени преку Gmail можат автоматски да се додадат во „Wallet“ доколку се овозможени Smart функциите, а трговците кои користат Smart Tap можат веднаш да ги поканат корисниците да се приклучат на нивната програма за лојалност по завршување на купувањето.

Сите овие промени ја нагласуваат трансформацијата на „Google Wallet“ од обичен дигитален паричник во централно место за управување со картички, пропусници и билети, со паметни функции кои го олеснуваат секојдневниот живот и заштедуваат време.

/androidpolice

Прочитај повеќе...

Здравје и убавина

Овие овошја едноставно се клучот за одмор на вашите црева во организмот

Објавено пред

на

ФОТО: Unsplash.com @ Shumilov Ludmila

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината често го нарушуваат рамнотежниот ритам на стомакот. За среќа, една австралиска нутриционистка нуди едноставно, но ефикасно решение.

Според Ребека Гоуторн, клучот е во изборот на овошје кое ги „радува“ цревата.

„Крушите се совршен сојузник на дигестивниот систем. Тие содржат комбинација од растителни влакна и природни шеќери – сорбитол и фруктоза – кои ја поттикнуваат работата на цревата и спречуваат запек“, објаснува таа.

Проблемите со варењето се особено чести при патување со авион, бидејќи наглите промени во притисокот и воздухот директно влијаат на работата на стомакот.

– „Но, здравиот дигестивен систем не е важен само за редовна столица“, додава Гоуторн. „Кога цревата функционираат добро, телото подобро ги апсорбира хранливите материи, имунитетот се зајакнува, а нивото на енергија расте.“

Крушите, познати по својата висока содржина на влакна, се идеален избор за секој што сака да го зачува варењето во добра форма – особено за време на летниот одмор. Вашите црева навистина ќе ви бидат благодарни ако ги вклучите во секојдневното мени.

/taratur

Прочитај повеќе...

Facebook

Последни објави

Хороскоп2 часа

Хороскоп за петок (17 октомври)

ОВЕН Може да очекувате промени поврзани со вашето работно место. Пред вас е фаза која може да биде многу турбулентна....

Македонија11 часа

Вчера во Битола се случила тешка сообраќајна несреќа помеѓу малолетник со електричен тротинет и пмв „цитроен“ со демирхисарски регистарски ознаки

На 15.10.2025 во 17:28 часот во СВР Битола е пријавено дека на крстосница од ул.„Филип Втори Македонски“ и ул.„Благојче Силјановски“...

Технологија14 часа

„Google Wallet“ добива нова функција која ќе го олесни користењето на дигиталните пропусници, картички за лојалност и билети

„Google Wallet“ добива нова функција која им овозможува на корисниците поедноставно користење на нивните дигитални пропусници, картички за лојалност, билети...

Здравје и убавина15 часа

Овие овошја едноставно се клучот за одмор на вашите црева во организмот

Многу луѓе кога ќе тргнат на одмор се соочуваат со непријатности во дигестивниот систем. Промената на климата, исхраната и околината...

Македонија23 часа

18 години без нашата поп икона Тоше Проески, кој загина на денешен ден – утрото на кобниот 16.10.2007

Цели 18 години без нашата поп икона Тоше Проески, кој загина на денешен ден – кобниот 16.10.2007. Тодор „Тоше“ Проески...

Хороскоп1 ден

Хороскоп за четврток (16 октомври)

ОВЕН Пријател или роднина на Овните може да предложи пократко патување, но периодов не ви е дозволено ниту да одите...

Автомобили1 ден

(ВИДЕО) „Tuning Car Show“ во Прилеп доби нова димензија со видеата на тимот од „Autodonia“

Традиционалниот „Tuning Car Show“ во Прилеп дефинитивно е еден од најпрестижните манифестации за сите љубители на автомобилизмот. На 11-ти октомври...

Хроника1 ден

Почина лице кое било сведок на судење во Основниот граѓански суд – Скопје

На 14.10.2025 во СВР Скопје е пријавено дека во Основен граѓански суд Скопје починал З.Д., кој бил сведок на судење....

Фото: Lars Blankers @ unsplash Фото: Lars Blankers @ unsplash
Храна2 дена

Совет од експерти: Како правилно да складирате компири во текот на есента

Есента е сезона на вкусни, топли јадења – чорби, супи, печено месо и разни гарнитури – а компирите се неизбежна...

Фото: Shutter Speed @ unsplash Фото: Shutter Speed @ unsplash
Магазин2 дена

Instagram тестира нов изглед на апликацијата со нови табови за Reels и пораки

Instagram започна тестирање на нов изглед на својата апликација, кој веќе е достапен за дел од корисниците. Промената засега е...

НАЈЧИТАНИ