Lifestyle
Каков вкус имате за вино?

Електронскиот нос дизајниран од италијанската научничка Соња Фреди може да го почувствува потеклото и свежината на виното, објави Католичкиот универзитет во Бреша.
Физичарка од Бреша и координаторка на проектот „Од наноструктури до вештачка интелигенција: електронски нос за заштита и валоризација на винското наследство“, таа го создаде овој уред на одделот за физика на универзитетот.
„Електронскиот нос детектира молекуларни биомаркери и го отвора патот за нови методи за контрола на квалитетот“, се наведува во соопштението на Универзитетот, пренесува Ansa.
Како што е наведено, храната и пијалоците испуштаат одредени молекули на гас кои можат да покажат дали производот е свеж или расипан. Носот ги детектира овие молекули на биомаркери благодарение на анализата на испарливите компоненти и потенцијално може да се примени во различни области како што се контрола на квалитетот, свежината и потеклото на производите.
Виното се карактеризира со околу 800 различни органолептички и испарливи компоненти кои го идентификуваат не само неговиот хемиски состав или видот на грозјето што се користи, туку и неговото потекло.
Во последниве години, винската индустрија бара сè побрзи и посигурни техники за да се потврди потеклото на вината DOCG или DOC, а употребата на електронски нос, благодарение на високата чувствителност на сензорот, е техника која станува сè попопуларна во оваа област.
Електронскиот нос е тестиран во лабораторија на различни примероци, како што се амонијак, ацетон и оцетна киселина, индикатори за фалсификувани вина. Потоа следеа вистинските тестови на различни вина, како за проверка на нивната свежина, особено за генеричкото бело вино за готвење, и за препознавање на различните видови.
Беа тестирани различни бели и црвени вина произведени во Ломбардија (Pinot grigio, Pinot rosso, Lugana, Chardonnay, Sauvignon, Prosecco, Rime rose). Се покажа дека електронскиот нос може да ја препознае свежината и потеклото на генеричкото бело вино и да препознава различни вина со висока прецизност.
Lifestyle
Најдобри совети за подготовка за сезоната на алергии

Сезонските алергии можат да бидат вистински предизвик, особено затоа што нивните симптоми често се слични на настинка. Според Клиниката Мајо, и двете состојби можат да предизвикаат:
- Течење на носот
- Затнување
- Замор
- Кивање
Сепак, постојат клучни разлики. Д-р Кристофер Кодиспоти објаснува:
„Кивањето кај алергиите е почесто, поинтензивно и често придружено со чешање во носот. Дополнително, чешањето и насолзените очи се типични за алергии, додека кај настинките овие симптоми се ретки.“
Како да ги ублажите симптомите на алергија
Ако страдате од кивање, чешање на очите или замор, добрата вест е дека постојат начини да ги држите симптомите под контрола.
1. Започнете со терапија на време
Антихистаминиците и назалните спрејови делуваат најдобро ако почнете да ги користите 2-4 недели пред почетокот на сезоната на алергии. На телото му е потребно време за да ги апсорбира и обезбеди целосен ефект.
2. Консултирајте се со лекар
Постојат многу различни лекови за алергии, но не сите делуваат еднакво на секого. Доколку антихистаминиците не помагаат, алерголог може да ви препорача кортикостероидни спрејови или други терапии.
„Голем дел од мојата работа е да им помогнам на луѓето правилно да ја користат терапијата“, вели д-р Гупта. „Ако не гледате резултати, време е да побарате стручна помош.“
3. Чувајте ги прозорците затворени
Поленот лесно влегува во домот и се задржува на мебелот, постелнината и теписите. Ако ви треба свеж воздух, користете клима уред со HEPA филтер.
4. Носете маска надвор
Кога нивото на полен е високо, носењето маска може значително да ги намали симптомите, особено при косење трева или работа во двор.
5. Пресоблекувајте се по влегувањето дома
Поленот лесно се лепи за облеката и чевлите. Соблечете ги чевлите на влезот и пресоблечете се веднаш по влегувањето.
6. Внимавајте на домашните миленици
Кучињата и мачките може да внесат полен во домот преку нивното крзно. Редовно капете ги и бришете ги со влажна крпа по прошетка.
7. Туширајте се пред спиење
Поленот и прашината се таложат на кожата, веѓите, трепките и во носот. Вечерното туширање помага да ги отстраните и да спречите дополнително изложување преку постелнината.
8. Користете физиолошки раствор за нос
Плакнењето на носот со физиолошки раствор може да го отстрани поленот и да ги намали симптомите како кивање и затнување.
9. Следете ги извештаите за полен
Дневните прогнози за нивото на полен во воздухот можат да ви помогнат да планирате кога да избегнувате престој на отворено или кога да преземете дополнителни мерки за заштита.
10. Ограничете го престојот надвор наутро и кога е ветровито
Поленот е најинтензивен во раните утрински часови и во ветровити денови. Ако е можно, излегувајте после дожд, кога воздухот е почист.
Со следење на овие совети, можете значително да ги намалите симптомите и да ја поминете сезоната на алергии со помалку непријатности.
Извор: N1Info
Lifestyle
Скокањето со јаже – едноставна навика што го продолжува животот

Скокањето со јаже е омилена детска активност, но експертите препорачуваат да ја вратиме во секојдневниот живот поради нејзините бројни здравствени придобивки. Според познатиот олимписки тренер за спринт, Стјуарт Мекмилан, оваа едноставна вежба може да биде дури и поефикасна од џогирањето.
Зошто скокањето со јаже е толку корисно?
Мекмилан, кој има тренирано повеќе од 70 олимпијци, објаснува дека прескокнувањето е совршена комбинација на аеробни и плиометриски вежби – експлозивни скокови кои развиваат брзина, координација и сила.
Во подкастот The Huberman Lab, тој ги истакна главните придобивки:
-
Зајакнување на срцето и белите дробови
-
Подобрување на координацијата и мозочната функција
-
Јакнење на мускулите и сврзното ткиво
-
Намалено оптоварување на зглобовите во споредба со интензивните вежби
„Следниот пат кога ќе трчате, пробајте да менувате – трчајте 30 секунди, а потоа прескокнувајте со јаже. Ќе почувствувате разлика веднаш“, вели Мекмилан.
Позитивно влијание врз држењето на телото
Д-р Ендрју Хуберман, водител на подкастот, ја сподели својата лична искуство: „Се чувствував фантастично! Моите колкови беа опуштени, држењето ми беше совршено, дури ми се чинеше дека сум повисок за еден инч.“
Научни докази за здравствените придобивки
Истражувањата, вклучително и студија од 2010 година, покажуваат дека динамичните вежби како скокањето со јаже го намалуваат ризикот од срцеви заболувања и го подобруваат квалитетот на животот во подоцнежните години. Дополнително, оваа активност создава помало оптоварување на зглобовите во споредба со други интензивни тренинзи, што ја намалува можноста за повреди.
Само 10 минути дневно се доволни
Мекмилан препорачува скокањето со јаже дури и како побезбедна алтернатива за спринт, бидејќи помага во зачувување на брзината и експлозивноста што природно ја губиме со возраста. Според него, само 10 минути дневно се доволни за да ги активирате мускулите одговорни за брзи реакции и стабилност.
Извор: Index
Lifestyle
Како да заштедите на сметките за вода: 7 едноставни совети од експерти
-
Хороскоп23 часа
Хороскоп за четврток (3 април)
-
Хороскоп2 дена
Хороскоп за среда (2 април)
-
Кичево1 ден
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Временска прогноза2 часа
Ново ажурирање: Доаѓа екстремно ладно време за април, силен северен ветер и снег, невообичаено за овој период од годината
-
Хроника1 ден
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште
-
Македонија2 дена
Сообраќајно инфо: Намалена видливост поради магла на превој „Стража“
-
Автомобили1 ден
„Шкода“ го претстави својот освежен и подобрен модел на „Ениак“
-
Магазин1 ден
Nintendo е подготвен да ја претстави конзолата Switch 2