Магазин
Камерата на вашиот следен телефон со Android може секогаш да биде вклучена

Никој не сака да става селотејп на предната камера на својот паметен телефон, но доколку оваа функција стане норма, тоа би можело да биде следниот логичен чекор за оние кои се грижат за приватноста.
Qualcomm неодамна најави нов процесор Snapdragon 8 Gen 1 за водечките телефони со Android, поради што технолошката заедница беше генерално возбудена. Сепак, при објавата се појави еден детаљ кој навидум може да загрижува – процесорот ќе дозволи камерата на телефонот да се вклучи во секое време.
Потпретседателот на компанијата за управување со производи ја опиша новата технологија, велејќи дека предната камера на вашиот телефон секогаш ќе го бара вашето лице, дури и ако не ја вклучите или користите, пренесува HowToGeek.
Ова може да звучи добро за некои, бидејќи ќе можат побрзо да го отклучат телефонот со препознавање лица. Но, од другата страна на спектарот, звучи страшно бидејќи предната камера на вашиот паметен телефон секогаш ќе ве набљудува, без разлика дали ви се допаѓа или не.
Qualcomm ја споредува оваа функција со микрофони кои секогаш слушаат „Hey, Google“ и други команди. Ваквите уреди слушаат одредени зборови за будење, но не ја скенираат просторијата постојано барајќи го вашето лице, кое изгледа далеку поинвазивно.
Ќе има начин да го исклучите ова на ниво на оперативен систем доколку не сакате телефонот постојано да зјапа во вас. Според The Verge, цитирајќи го потпретседателот на Qualcomm за управување со производи, потрошувачите ќе можат да изберат што ќе биде овозможено, а што не.
Ова е малку смирувачко, бидејќи оваа функција звучи како кошмар за оние кои ја ценат нивната приватност. Никој не сака да става селотејп на предната камера на својот паметен телефон, но доколку оваа функција стане норма, тоа би можело да биде следниот логичен чекор за оние кои се грижат за приватноста.
/HowToGeek/
Гејминг
Battlefield 6 продаде над 7 милиони примероци за само три дена

Најновото издание од популарната франшиза Battlefield постигна неверојатен успех — над 7 милиони продадени примероци во првите три дена од лансирањето. Веста пристигнува само неколку дена откако EA објави дека компанијата станува приватна, во зделка вредна 55 милијарди долари.
Импресивни бројки на почетокот
Според податоците, играчите во првите денови одиграле повеќе од 172 милиони онлајн натпревари, а стриминг платформите забележале над 15 милиони прегледи поврзани со играта.
Овие бројки ја прават најуспешната премиера во историјата на франшизата Battlefield. За споредба, претходното издание, Battlefield 2042 (2021), продаде околу 4,2 милиони примероци во првата недела.
Реакции од EA
„Прво и најважно, сакаме да им се заблагодариме на нашите играчи,“ изјави генералниот менаџер на франшизата, Бајрон Бид.
„Никогаш не ги земаме ваквите моменти здраво за готово, па затоа сакам да ја изразам нашата искрена благодарност до нашите глобални Battlefield Studios и страствената заедница што ни помогна да стигнеме до оваа точка,“ додаде Винс Зампела, извршен потпретседател на EA.
EA станува приватна компанија
Лансирањето на играта се совпадна со веста дека EA ќе премине во приватна сопственост. Новите сопственици се Фондот за јавни инвестиции на Саудиска Арабија (PIF), како и компаниите Silver Lake и Affinity Partners.
Сепак, дел од синдикално организираните вработени во EA изразија загриженост за зделката, предупредувајќи дека „со приватизација, работниците губат транспарентност, видливост и моќ“.
Достапност
Battlefield 6 официјално беше објавена на 10 октомври, и е достапна за PC, PlayStation 5 и Xbox Series X/S.
Првата сезона на дополнителна содржина ќе пристигне на 28 октомври.
Извор: Engadget
Lifestyle
5 причини да јадете тиква: Ако сакате да ослабете, подгответе ја вака

Тиквата е една од најздравите есенски намирници, богата со хранливи состојки и корисна за целото тело. Сè што треба да направите е да ја вклучите почесто во вашето мени – варена, печена, во чорби или дури и како десерт.
Многумина ја обожаваат есента токму поради тиквата. Освен што е вкусна и декоративна, таа има и бројни лековити својства кои придонесуваат за подобро здравје и виталност. Еве пет причини зошто треба редовно да ја јадете:
1. Помага во одржување на телесната тежина
Сто грама тиква содржи помалку од 30 калории и над 90% вода, што ја прави совршена диетална храна. Редовната консумација ја намалува количината на лош холестерол во крвта и помага при контролирање на апетитот.
2. Ја зајакнува имунитетот и го штити видот
Портокаловата боја на тиквата доаѓа од бета-каротенот, антиоксиданс кој го зајакнува имунолошкиот систем и ги штити очите. Тиквата, исто така, содржи витамини Ц, Е и К, како и калиум, калциум и железо – комбинација која го зацврстува организмот и ја зголемува отпорноста на настинки.
3. Го подобрува варењето на храната
Благодарение на високата содржина на растителни влакна, тиквата го поттикнува варењето и го смирува дигестивниот систем. Пектинот и целулозата помагаат при запек и воспаление на дебелото црево, што ја прави идеална намирница за чувствителен желудник.
4. Го штити здравјето на простатата
Маслото од семки од тиква е богато со есенцијални масни киселини и има благотворно дејство врз здравјето на простатата. Редовното консумирање може да помогне во спречување на воспалителни процеси и да делува превентивно против појава на канцерогени промени.
5. Грицкајте семки за подобро расположение
Семките од тиква се вистински природен еликсир. Тие го намалуваат стресот и анксиозноста, го подобруваат расположението и помагаат во регулирање на шеќерот во крвта. Богати се со цинк и здрави незаситени масти, кои ја зголемуваат чувствителноста на телото на инсулин и придонесуваат за здрави коски.
Само 30 грама семки од тиква содржат околу 5 грама протеини – идеални за луѓе што сакаат да останат сити подолго време и да одржат здрава исхрана.
Извор: Kurir
Lifestyle
Со топол леб или палачинки: Овој џем од јаболка ќе стане вашето омилено есенско откритие

Кога мирисот на свежо сварен џем од јаболка ќе се прошири низ кујната, тешко е да се остане рамнодушен. Овој едноставен рецепт не бара многу состојки, а резултатот е совршен – густ, миризлив и идеален за премачкување на топол леб или палачинки.
Домашен џем од јаболка
Состојки:
-
1 кг јаболка
-
1 чаша вода
-
½ кг шеќер
-
1 лажичка сок од лимон
-
Прстофат лимонска киселина
Подготовка:
-
Измијте ги и излупете ги јаболката, извадете ја семката и исечете ги на помали парчиња.
-
Ставете ги во тенџере, додајте една чаша вода и варете додека не омекнат целосно.
-
Сварените јаболка сомелете ги во мазна смеса со миксер или блендер.
-
Вратете го пирето во тенџерето, додадете шеќер, сок од лимон и малку лимонска киселина, па добро измешајте.
-
Гответе на тивок оган, мешајќи повремено, додека смесата не се претвори во густ, сјаен џем.
-
Топлиот џем сипете го во топли, стерилизирани тегли, цврсто затворете ги и свртете ги наопаку за да се создаде вакуум.
Совет: За дополнителна арома, можете да додадете прстофат цимет или малку ванила – совршено ќе го нагласат вкусот на јаболкото.
Овој домашен џем од јаболка е совршен за топол леб, тост, палачинки или како додаток во колачи, кифлички, пити и други есенски десерти.
Пријатно!
Извор: Danas
-
Хороскоп2 дена
Хороскоп за недела (19 октомври)
-
Хороскоп19 часа
Хороскоп за понеделник (20 октомври)
-
Без категорија2 дена
Неколку родителски работи, кои вашето дете ќе го направат посреќно
-
Македонија1 ден
МВР: Гласањето се одвива мирно, без поголеми нарушувања на јавниот ред и мир, доколку има било какво нарушување на изборниот процес граѓаните да пријават во најблиската полициска станица или на телефонски броеви 192 или 112
-
Социјални мрежи2 дена
„Мeta“ ја гаси оваа верзија на „Messenger“
-
Временска прогноза8 часа
Пред нас период на суво време и значително топло
-
Македонија5 часа
Дизелот со намалена цена од ноќеска, додека бензините остануваат со иста цена
-
Lifestyle7 часа
5 причини да јадете тиква: Ако сакате да ослабете, подгответе ја вака