Кинескиот производител на електрични и хибридни возила BYD планира значително да ја прошири својата продажна мрежа во Европа до крајот на 2026 година, изјави директорката за европскиот пазар, Марија Грација Давино.

Според Давино:

• до крајот на 2025 година BYD ќе има 1.000 продажни места во Европа,

• до крајот на 2026 година бројката ќе биде двојно поголема.

Таа нагласува дека компанијата мора да го засили своето присуство за да биде конкурента и поблиску до европските потрошувачи. BYD веќе има долгорочна стратегија за европскиот пазар и моментално е присутен во 29 држави.

Фабрики во Унгарија и Турција – Шпанија главен кандидат за третата фабрика

Според Давино, експанзијата на еден зрел пазар како Европа бара:

• знаење,

• инвестиции,

• ресурси,

• посветеност.

Моменталните планови на BYD вклучуваат:

• производство на електрични возила во Унгарија,

• изградба на фабрика во Сегед, која треба да стартува до крајот на годината,

• планирана фабрика во Турција со производство од околу 500.000 возила годишно во 2026 година.

Шпанија се истакнува како главен кандидат за третата фабрика, поради:

• релативно ниски трошоци за производство,

• развиена мрежа на зелена енергија.

BYD размислува за производство на батерии во Европа

Специјалниот советник на BYD, Алфредо Алтавила, откри дека компанијата размислува да произведува батерии во Европа, како дел од стратегијата за локализација.

Тој изјави:

• „Нема смисла да се произведуваат автомобили во Европа, а батериите да се носат од Кина.“

BYD сè уште одлучува дали следниот чекор да биде:

• нова фабрика за склопување возила,

• или фабрика за батерии,

додека главен фокус останува стартувањето на производството во Унгарија.

Алтавила додаде дека изборот на нова локација зависи од:

• цената на енергијата,

• локалните услови за инвестиции,

• соработката со властите.

BYD бележи силен раст во продажбата во Европа

Од јануари до септември, BYD продаде 80.807 возила во Европа – повеќе од трипати повеќе во споредба со истиот период лани.

Овој раст е резултат на:

• пошироката понуда на целосно електрични модели,

• воведувањето хибридни возила на европскиот пазар.

Извор: Blic

Со доаѓањето на постудените месеци, важно е вашиот автомобил да биде технички подготвен за новите, поопасни услови на патиштата. Правилната подготовка значително ја зголемува вашата безбедност и ја намалува можноста за незгоди.

1. Гуми

• Заменете ги летните гуми со зимски, бидејќи под 7°C зимските гуми имаат далеку подобро прилепување и пократко растојание на запирање од летните.

• Размислете за набавка на синџири за гуми, особено доколку патувате на подолги релации или преку планински превои.

• Синџирите се препорачува да се користат при повеќе од 5 cm снег на коловозот.

2. Батерија

• Во зима ќе ги користите светлата, грејачите и другата опрема многу повеќе, што дополнително ја оптоварува батеријата.

• Проверката на акумулаторот пред почетокот на студените денови е клучна; заменете го доколку покажува знаци на слабеење.

• Интересен податок: 85% од дефектите кај возилата се поврзани со акумулаторот или алтернаторот.

3. Антифриз

• Антифризот ја намалува точката на замрзнување на течноста во системот за ладење и спречува корозија.

• Недоволна количина може да доведе до замрзнување на течноста, што може да предизвика сериозни оштетувања како пукање на моторниот блок.

• Проверете ја концентрацијата и долејте доколку е потребно.

4. Бришачи

• Во услови на дожд, снег и намалена видливост, исправните бришачи се клучни.

• Менувајте ги најмалку еднаш годишно и секогаш проверувајте ги пред зимата.

• Користете зимска течност за миење на шофершајбната, која подобро ги отстранува мразот и солта.

5. Сè друго

• Ако можете, чувајте го автомобилот во гаража или под церада за заштита од мраз и снег.

• Проверете дали има вода во резервоарот (од летна кондензација), бидејќи може да предизвика проблеми со горивниот систем.

• Проверете ги сите сијалици и опремете се со:

  • средства против замрзнување за брави

  • препарати за заштита на дихтунзи

  • лопата

  • сол

  • стругалка за мраз

Извор: RadioSA

BMW ја одбележува 50-годишнината од почетокот на продажбата на својата легендарна Серија 3 со специјално издание на моделот M340i xDrive, наречено 50 Jahre Edition. Овој јубилеен модел е инспириран од петте претходни генерации на Серија 3 E21, E30, E36, E46 и E90 и враќа карактеристични нијанси на боја поврзани со секоја од нив.

Цената на ограниченото издание започнува од 76.375 долари, што е за околу 11.500 долари повисоко од стандардниот M340i xDrive. Иако звучи многу, BMW смета дека ексклузивните детали и опционалните пакети го оправдуваат порастот.

Серијата 3 веќе половина век претставува еден од најпродаваните модели на брендот. Првпат беше претставена во јули 1975 година на Олимпискиот стадион во Минхен, а оттогаш помина низ седум генерации, стекнувајќи статус на еден од најпознатите спортски седани. Во чест на овој јубилеј, BMW го создаде специјалното 50 Jahre Edition, кое ја истакнува историјата преку избор на ретро бои.

Внатрешноста е внимателно усогласена со надворешните нијанси. За прв пат на американскиот пазар, моделот доаѓа со опција за проширена Merino кожа.

• Ruby Red Metallic се комбинира со ентериер во боја на слонова коска и црвени сопирачки шепи.
• Boston Green Metallic и Avus Blue Metallic доаѓаат со тапацир Tartufo и сини шепи.
• Carbon Black Metallic е споен со црна внатрешност и црни шепи.
• Sparkling Graphite Metallic се нуди со Tartufo ентериер и црвени сопирачки шепи.
• За жал, досега BMW објави фотографии само од варијантата во Avus Blue Metallic.

Покрај специјалните бои, моделот доаѓа и со Shadowline пакет адаптивни LED светла, затемнети декоративни елементи, карбонски заден спојлер, M Performance издувен систем и ексклузивни амблеми кои ја означуваат неговата јубилејна природа.

Погледнете ја одличната рецензија од „DPCcars“ на јутјуб:

Иако изгледа посебно, механички моделот останува идентичен со стандарниот M340i xDrive. Разликата е во опремата и визуелните детали, кои ја зголемуваат цената. Со избор на сите карбонски и кожни опции, разликата во цена меѓу двете верзии дополнително се намалува.

BMW се уште не открива точно колку примероци од 50 Jahre Edition ќе бидат произведени ниту колку ќе бидат наменети за американскиот пазар, но се очекува бројката да биде ограничена на неколку стотици возила. Производството веќе започна, а првите испораки се предвидени за првиот квартал од 2026 година.

Извор: caranddriver.com