Кичево
Кичево е градот на „хуманоста“, поголемиот дел од капацитетот за утрешниот хуманитарен концерт во ЦК „Кочо Рацин“ е распродаден!

Почитувани сограѓани, драги добри луѓе. Поминаа 5 дена откако објавивме дека организираме голем хуманитарен концерт закажан за утре (недела 12.06) со почеток од 19:00 часот за младата самохрана мајка Адриана на која итно се потребни финансиски средства за операција поради Тумор на мозокот, па ја користиме оваа прилика да ви искажеме една огромна благодарност до сите добронамерници кои до сега донираа (ќе ги дознаете на концертот), до управата од НУ ЦК „Кочо Рацин“ која веднаш излезе во пресрет за локација на настанот, Радио Акорд, Горсај, Атва Маркети, МАП Сервис, Пицикато, ПЗУ Мате и останатите, до сите учесници и помагатели!
* Како инфо+ за хуманитарниот концерт ако се суди по досега продадените карти баш како и што доликува, кичевчани секогаш поддаваат рака и се хуман народ!
Ви се поклонуваме пред вашата хуманост!
До сите кои не сте купиле карти, да се исполни максималниот капацитет од салата, тоа може да го направите на самиот влез!
Се гледаме чесни хуманитарци!
🙏🤲 Од ❤️ за Адриана! 🤲🙏
19:00ч / НУ ЦК „Кочо Рацин“ – Кичево
Влез: 100 денари (Хуманитарно)
Кичево
Денес се навршуваат 80 години од првото македонско училиште во с.Подвис – кичевско

На денешен ден пред точно 80 години (23-ти септември) 1943 г. во кичевското село Подвис започнало да работи првото училиште на македонски јазик на ослободена територија.
Денес е останата само урнатина, зарастена во трње и грмушки, а дотаму не може да се стигне со возило, иако оваа зграда е оддалечена само еден километар од магистралниот пат Кичево – Охрид
Да не се заборави ова значајно историско место, иако за негова ревитализација одамна културолошки е надвор од плановите на било која гарнитура.
Од тука произлага легендарната:
“Деца, отсега натаму ќе си учите на вашиот мајчин македонски јазик .
И ќе си се поздравуваме на македонски јазик!”
ВАСИЛКО РИСТЕСКИ с.Подвис, кичевско, 23 септември 1943 година.
Кичево
(ФОТО) Најмилите дечиња од градинката „Олга Мицеска“ денес во Кичево по повод „Светскиот ден без автомобили“ дефилираа со „тротинети“

Денес 22-ри септември во еко-календарот е „Светскиот ден без автомобили“, покрај тоа што е гласник и почеток на есента, важно е да се каже дека автомобилите се најголемите загадувачи на воздухот и тие испуштаат чад што е многу штетен за здравјето на луѓето и за целата природа.
Традиционално по тој повод најмилите дечиња од градинката „Олга Мицеска“ облечени во бели маички и капчиња, заедно со клонови групи од 5 до 6 годинки во голем број продефилираа низ кичевските улици со „тротинети“ украсени со најразлични пораки со кои уште еднаш ги потсетија учесниците во сообраќај за важноста на овој ден.
На покана од градинката овој настан го проследивме со големо внимание и истиот Ви го пренесуваме преку фотографија, доколку истата сакате да ја имате, пишете ни на нашата официјална фејсбук фан страна.
Кичево
(ГАЛЕРИЈА) Манастир „Св.Богородица – Пречиста“ во Кичево вчера и денес посетен од рекорден број на верници по повод празникот „Рождество на Мајката Божја“

Започнувајќи со традиционалната празнична богослужба вчера вечер и денес се разбира, кичевскиот манастир „Св.Богородица – Пречиста“ беше посетен од рекорден број на верници, како предвесник на денешниот патрон празник Рождество на Мајката Божја, или кај народот позната како „Мала Богородица“.
Исто така вчерашниот ден беше посебен бидејќи една од искушеничките се замонаши и го доби своето монашко име „Теодосија“, додека денес Манастирскиот кум Горан Стојкоски послужи манастирски ручек и во исто време изврши примопредавање на кумството до новиот кум.
Неколку фотографии преку нашиот објектив, кој го одбележаа овој прекрасен ден
За многу години!
-
Хороскоп1 ден
Хороскоп за сабота (30 септември)
-
Временска прогноза1 ден
Месец октомври без дожд, но со посвежи утра, вообичаени за есенскиот дел од годината
-
Хороскоп6 часа
Месечен Хороскоп (октомври 2023)
-
Скопје15 часа
Посебен режим на сообраќај во недела во град Скопје поради одржување на „Скопски маратон 2023“
-
Скопје2 дена
За сабота МВР најави посебен режим во Скопје поради велосипедска трка „Куп на град Скопје 2023“
-
Македонија21 час
(ФОТО) Превентивни активности на МВР за безбедна ловна сезона, заштита од пожари и безбедност во сообраќајот
-
Спорт1 ден
(ВИДЕО) Барселона ја совлада Севиља благодарение на автоголот на Рамоз и се врати на првото место во Примера
-
Спорт2 дена
Извлечени паровите за воведното коло на новата натпреварувачка сезона во футсал