Изминатиот викенд 13 и 14 ноември се реализира Државен шампионат во Авто-Слалом 2021 на леталиштето за воздухоплови на стопанското воздухопловство коешто се наоѓа во близина на селото Сарандиново, општина Долнени.

Одлична прикажана организација, љубителите на автомобилизмот имаа што да видат и да уживаат во настанот…

На ова величествено збиднување учествуваше и нашето брендирано модифицирано возило „Opel Kadett“ во сопственост на кичевчанецот од матичниот „Car Club-Кичево“ – Кристијан Бојоски поддржан и акредитиран од „АКК Фичо 600“ .

Тој се натпреваруваше во две класи, класа 3, класа 6, додека заслужено заработи 6 медаљи што е апсолутен рекордер од своите почетоци.

🥇 – место (група 1, класа 3 над 1600 цм³)
🥈 – место (група 1, класа 3 над 1600 цм³)
🥈 – место (група 1, класа 6 над 1600 цм³)
🥉 – место (група 2, класа 6 над 1600 цм³)
🥉–  место (група 1, класа 3 над 1600 цм³)
🥉–  место (група 3, класа 3 над 1600 цм³)

– Љубовта кон автомобилизмот во мене преовладува од мали нозе, благодарејќи им на постарите и поискусни денес можам да се натпреварувам и да уживам во она што ме исполнува. Се надевам во иднина дека повеќе ќе се вложи во овој спорт. Посебна благодарност сакам да упатам пред се на мојот тим кој неуморно ме следи, техничките подготовки на „Adler Automotive“, вашиот медиум кој ми е главен покровител и се разбира сите кои на свој начин го помагаат моето учество на овие адреналински натпреварувања – за нашиот портал додаде Бојоски.

Во прилог мини-галерија од настанот: