Група на кичевчани видно револтирани од кучињата скитници кои во Кичево се веќе сериозен проблем за пешаците, а може да се каже и за движењето на патничките-моторни возила креираа онлајн петиција за кренатиот глас да допре до одговорните.

– Ситуацијата во градов е алармантна. Секој ден правам планови од каде да поминам со бебешка количка, затоа што пред некое време ми се пуштија по количката. Нема смисла да ни е ограничена слободата на движење поради нечија неодговорност и негрижа – вели г-ѓа Јолеска, додека г-ѓа Славица Блажеска преку иницијативата ќе бара и средба со локалните власти, бидејќи како што вели за медиумите – кичевската ситуација со кучињата скитници е излезена надвор од контрола, да се изнајде решение за нивно згрижување.

Групата граѓани веќе го креираа и планот на нивното дејствување, додека пред 20 часа оформија и фејсбук група именувана како „СТОП за хоророт во кој живееме во Кичево“ со цел полесно информирање околу текот на настаните.