Се наближува големиот христијански празник Велигден – Христовото Воскресение и додека сите ние го празнуваме со богати трпези има семејства кои гладуваат. Човечки е да споделиме дел од она малку што го имаме со некој што нема. Речиси сите организации до сега биле успешно реализирани, кои благодарение на хуманите кичевчани барем за момент и одредено време успеавме да израдуваме неколку семејства.

– Затоа на 8 април (сабота) и 9 април (недела) од 10:00 до 16:00 часот во дворот на црквата Св.Апостоли Петар и Павле (за кој сме oсобено благодарни до Кичевската парохија за нивната помош) повторно ќе се собираат донации (храна и секаков вид помош) како и средства за хигиена. Истите намирници и храна ќе се даваат токму во прави раце, односно најпогодените социјално ранливи групи на граѓани од Кичево.

– За таа цел организаторите и нашиот медиум кој неуморно дава поддршка и ги покрива/оранизира поголемиот дел на хуманитарни настани, така што и овој пат ги повикуваме сите хумани граѓани, фирми, маркети да ни се приклучат на хуманитарната акција која е со единствена цел да може да им се помогне на многу сиромашни семејства. Без поделби на верски и етнички гледишта.

Што се однесува до можноста за доаѓање, доколку некој има обврски и неможе да го посети хуманитарниот пункт, а сака да донира може да се обрати на тел 076/824-325 и истите донации да завршат во прави раце и после настаните.

Ти биди причина за некој да верува во добрината на луѓето!!!
Биди хуман затоа што раката која дава никогаш не се суши!!!