Автомобили
(ВИДЕО+ФОТО) Кичевчанецот Бојоски уште еднаш докажа дека е професионалец зад воланот и маестрално извози на авто-слаломот во Прилеп
Пред неполни два часа заврши овогодинешниот авто-слалом во Прилеп во организација на „Федерација на историски возила“„Олд тајмер клуб, Автомото – Класика“ и „Општина Прилеп“ но со меморијален карактер поради трагично починатото младо момче Стефан Столески.
И оваа година натпреварите се одржаа во три категории, додека нашиот кичевчанец Кристијан Бојоски се натпреваруваше во класа 3 заедно со уште 11 учесници, рекорден број во таа категорија. Бојоски заврши на четвртата позиција со извозено време 1:40 и покрај стартните проблеми со возилото тимот на „Adler“ успеа во најкус можен рок тоа да го санира и се стартуваше.
Кристијан Бојоски – професионален возач: „Најмалце е битно кое место ќе го освоиш, секој натпревар на време е посебно доживување, најбитно е дружењето, имавме мали проблеми со менувачот, на самиот старт но потоа и во самиот слалом имав исто така проблем но, што е тоа е, се враќаме со 4-то место и без награда. Верувам дека ќе се поправиме следен пат, за мене сте вие мојата победа и поддршка, моето семејство, спонзорите „Аuto Star, Adler, Биодент и останатите“ како и вашиот медиум како генерален покровител. Вoeдно сакам да им честитам на сите учесници и професионалци што дадоа свој придонес, како и на организаторите кои ја негуваат традицијата долги години“ – за Порта.мк истакна шампионот.
Мал дел од атмосферата преку видео и неколку фотографии од нашиот тим, уживајте!
Видео:
Фотографии:
Автомобили
Ferrari го претстави „супер автомобилот од соништата“ (ВИДЕО)
Ferrari претстави нов суперавтомобил, кој беше наречен „суперавтомобил од соништата“.
Речиси на секои 10 години Ferrari претставува супер модел кој заминува во историјата . Тоа се случи со GTO, F40, F50, а ќе се случи и со штотуку претставеното Ferrari F80, кое е и официјалното име на „супер автомобилот од соништата“.
Маранело предвиде вкупно 799 примероци кои веќе се продадени по цена од три милиони и 600.000 евра.
Новото Ferrari е направено за две лица, иако внатрешноста наликува на автомобил за едно лице.
Автомобили
Колку ќе се зголеми цената на кинескиот електричен автомобил додека да стигне во Европа?
Кинески Leapmotor и Stellantis (сопственик на 21 отсто од Leapmotor) соработуваат во Кина, а неодамна и во Европа. Stellantis дури и го склопува микроавтомобилот со електричен погон TO3 во Полска. Во Европа, Leapmotor ќе ги продава и C10 SUV со средна големина и новиот B10 SUV, кој беше претставен на саемот за автомобили во Париз.
Основачот на Leapmotor, Жу Џиангминг, вели дека B10 е првото електрично возило на марката дизајнирано експлицитно за светските пазари. Како што е случајот со кинеското возило, цената, моторизацијата и опремата се навистина уникатни, односно поволни. Б10 може да започне од 14.000 евра во Кина, но од Европа цената драстично ќе се зголеми. Засега нема информации за цената, но можеме да бидеме сигурни дека ќе биде драстично зголемена. Сакате пример?
Сите пишуваа дека електричниот C10 (опсег 420 според WLTP) чини само 17.000 евра во Кина, но патната карта од најголемиот светски пазар до Европа е исклучително скапа. Како наведеното возило да спие и јаде во прва класа на луксузен брод за крстарење. Имено, во Европа цената на почетниот C10 се искачува на 36.400 евра. Тоа сепак поволно се споредува со европските електрични возила, но исто така зборува за кинеските маржи и предноста што ја имаат во однос на европските производители на електрични автомобили.
Автомобили
Кристијан Бојоски во недела по повод „11-ти октомври“ ќе се натпреварува на традиционалната „Авто-слалом“ трка во Прилеп
Во недела по повод „11-ти октомври“ во Прилеп повторно ќе биде домаќин на Авто-слалом натпревар. Истиот е предвиден да започне од 08:00ч – 20.10.2024. На наше огромно задоволство и под наше медиумско покровителство свое учество ќе земе и шампионот од Кичево, Кристијан Бојоски со својот модифициран Опел Кадет брендиран со наше лого како медиумски покровители, под техничката спрема на авто-сервис „Adler“ и останатите спонзори.
Организаторите на Авто-слаломот се добро познати, „Федерација на историски возила“„Олд тајмер клуб, Автомото – Класика“ и „Општина Прилеп“ под палката на „FIVA“. Локацијата оваа година ќе биде во центарот на градот, односно во непосредна близина на „Палма Шоп“, додека брифингот на возачите (технички преглед) ќе биде од 09:00 часот, а почетокот на трката е предвиден да биде од 11:00 часот.
Нашиот тим ќе го проследи овој натпревар. Бидете дел и заедно да навиваме за кичевчанецот кој благодарение на пријателите и спонзорите кои здружено помагаат првично во техничката спремност, но и на останатите важни сегменти во натпреварувањето. Што се однесува до тркачкиот дух на Бојоски, во континуитет и повеќе години по ред зема свое учество и се искачува високо на пиедесталот.
Имено, да потсетиме неодамна на летниот авто-слалом од истата организација „На точила“ Бојоски се натпреваруваше во најсилната категорија на автомобили над 1600ccm и го освои фантастичното трето место со извозено време: 1 мин 07 сек, за оваа информација повеќе детали ќе најдете ТУКА
Во продолжение проследете фотографии ТУКА од ланскиот авто-слалом одржан во октомври 2023, како и видео од прогласувањето на победниците!
– Спортски поздрав и уште еднаш Ве покануваме да бидете дел и заедно да дадеме поддршка и ги бодриме нашите натпреварувачи, затоа што тоа го заслужуваат!
-
Хороскоп2 дена
Хороскоп за понеделник (21 октомври)
-
Хороскоп23 часа
Хороскоп за вторник (22 октомври)
-
Кичево9 часа
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle11 часа
Кој е нормалниот крвен притисок според возраста?
-
Временска прогноза1 ден
Според „Европскиот“ и „Глобалниот“ метео модел најверојатно зимата доаѓа во почетокот на месец ноември, ова се информациите
-
Македонија1 ден
Од ноќеска пониска цена на горивата во Македонија
-
Lifestyle1 ден
Додадете две состојки во зелениот чај и направете моќен напиток: Го зајакнува имунитетот, ги топи килограмите
-
Магазин1 ден
Apple може конечно да го реши овој проблем