Временска прогноза
Ќе имаме краткотраен топлотен бран, истакната неделна метео анализа

Топлотниот бран кој го најавивме и кој ќе започне уште од утрешниот ден, нема да биде долготраен и нема да донесе екстремно високи температури на воздухот. Највисока температура се очекува како и вообичаено во централните и југоисточните предели и таа локално во тој дел од државава ќе достигне до 35 степени.
Исто така, утре и во вторник времето ќе биде претежно стабилно и суво, додека од среда па натаму очекуваме нова дестабилизација на Атмосферата и локална појава на пороен дожд, грмежи и засилен ветер.
Поради топлотниот бран, но и поради енергијата во Атмосферата во седмицата која ни претстои има услови и за локална појава на град од поголема величина .
Како што најавивме и во долгорочните анализи за ова лето, долготрајна стабилизација на времето не треба да очекуваме. Временските непогоди и опасност од нови поплави треба да ги очекуваме во текот на целото ова лето.
Метеоролошкиот феномен “ЕЛ НИЊО” како што прогнозираат некој сајтови кај нас нема да донесе екстремна топлина, истиот носи поголема топлина ширум Европа, но не и кај нас. Напротив, ние ќе имаме лето исполнето со временски непогоди и поплави, на кои сме сведоци овие денови, дури постои опасност и од поголеми поплави (катастрофални).
Известува Славчо Попоски
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
-
Кичево1 ден
На „Пресека“ према Охрид вчера се случила нова сообраќајка, учесниците се здобиле со тешки телесни повреди
-
Хороскоп2 дена
Хороскоп за вторник (22 април)
-
Хороскоп20 часа
Хороскоп за среда (23 април)
-
Магазин1 ден
В сабота на сцена традиционалниот Велигденски концерт на КУД „Рацин“
-
Култура2 дена
(ФОТО+ВИДЕО) Во Бигорскиот Манастир и оваа година величествена прослава за Воскресение Христово – Света Пасха
-
Култура1 ден
(ВИДЕО) Бигорски Манастир објави видео полно воскресенска радост
-
Македонија1 ден
МВР: 2252 сообраќајни прекршоци во празничниот викенд, 1018 за брзо возење
-
Македонија1 ден
МВР апелира граѓаните да бидат внимателни и да не отвораат сомнителни пораки