Витаминот Ф, кој е составен дел од растителни масла, е неопходен за правилен раст и развој на организмот. Овој витамин се состои од есенцијални полинезаситени масни киселини: лав, линолеична и арахидонска киселина.

Витаминот Ф влијае на оксидативните процеси на метаболизмот, согорува заситени масти и помага да се изгубат вишокот килограми.

Исто така, овој витамин спречува таложење на холестерол, а кај дијабетичарите го намалува ризикот од кардиоваскуларни нарушувања и спречува болести на окото.

Докажано е дека витаминот Ф ја ублажува болката во менструалниот циклус, а се користи и во терапија со стерилитет. Витамин Ф се наоѓа во растителни масла, а најмногу се наоѓа во маслата од соја, пченка, кикирики и ленено семе. Исто така, ореви, бадеми, сончоглед и авокадо го содржат овој витамин.

Препорачаната доза на витамин Ф е до 20 грама, што би значело приближно две лажици масло на ден.

Дали сте роб на цигарите и никако не можете да ги оставите и покрај тоа што неподносливо кашлате? Во тој случај почесто конзумирајте намирници и напитоци кои можат да ги прочистат вашите бели дробови и да ви овозможат полесно да дишете.

Пушачите кои се „дават“ во својата кашлица можат да си помогнат и да ги исчистат своите бели дробови со некои од овие намирници, чај од ѓумбир, борови иглички или коприва, пченка, портокал, кромид и лук.

Можат да ви помогнат чаевите, пред се од свеж ѓумбир, но и од борови иглички или коприва, која исто така можете да ја јадете и како салата. Јадете риба и јагнешко месо, бидејќи содржат моќен антиоксидант селен. Конзумирајте јајца и житарици.

Пченката е полна со бета-криптоксантин, кој докажано ги штити белите дробови од карцином, бидејќи дејствува како моќен антиоксидант. Ако сте во можност набавете ја онаа пченка која е органски одгледувана. Слично дејство имаат и портокалите.

Кромидот и лукот поради својот состав имаат антиканцерогено дејство. Истражувањата покажале дека кај лицата заболени од карцином, кои редовно ги конзумираат кромидот и лукот, е спречена појавата на нови туморски клетки. Нормално, непријатниот здив е неизбежен, но сетете се и на мирисот од цигарите во вашата уста и на вашата облека, и прифатете го мирисот на овие намирници исто како што сте го прифатиле чадот од цигарите.

Извор: Денар

Истражувањата покажуваат дека кикириките го смалуваат ризикот од срцев и мозочен удар, поради што стручњаците советуваат дека треба да се внесат во прехраната, но во умерени количини.

Кикириките би можеле да станат важно оружје во борбата против срцевиот удар, покажуваат резултатите од едно последно истражување. Грицкањето кикирики или јадењето масло од кикирики најмалку пет пати неделно може дури да го преполови ризикот од срцев удар. Откриено е дека кикириките го намалуваат холестеролот, спречуваат воспаленија и ја подобруваат состојбата на крвните клетки околу срцето.

Во период од 22 години, научниците од Харвард набљудувале 6 илјади жени со дијабетес тип 2, кој го зголемува ризикот за срцев и мозочен удар. Овие жени имале посебен режим на исхрана, а секои две до четири години пополнувале прашалници за начинот на исхраната.

Кога научниците ги споредија резултатите, открија дека жените кои јаделе кикирики биле позаштитени од срцев и мозочен удар. Вистинското изненадување е што ризикот е намален за дури 44 проценти.

„Исклучително корисно е во исхраната да се користат и кикириките, бидејќи го намалуваат холестеролот и му помагаат на здравјето. Секако, треба да се конзумираат во умерени количини – секој ден по малку и никако со претерување, бидејќи секое претерување е штетно по организмот“, изјави Елен Мејсон, еден од научниците кои го спроведуваа истражувањето.

Извор: Денар
Фото: Shutterstock