Временска прогноза
Кон крајот на денот опасност од невреме во североисточна Македонија

Спред најновите анализи со кој ние располагаме, но и според најновото ажурирање на нашата алатка за рано предупредување на невреме “NOTHAS”, денес доцна попладне и рано навечер, особено во североисточните предели од државава можна е појава на изолирано невреме, проследено со пороен дожд, силен ветер, електрични празнења и услови за појава на град.
Оваа нестабилност би можела да помине низ Куманово, Крива Паланка и да се спушти кон Делчево.
Екстремно високите температури продолжуваат и понатаму во Македонија, па така тие речиси насекаде ќе надминуваат 35 степени, додека во најтоплите централни и југоисточни предели температурите ќе надминуваат и 40 степени, особено во вторник кога во тие предели можно е температурата да се искачи и до близу 45 степени. Ув индексот и понатаму ќе има екстремно висока вредност (вредност 10).
Во Скопје и околината исто така температурата ќе достигнува до близу 40 степени, а во вторник можно е таа да се искачи и малку над 40 степени.
Големо освежување на времето и пад на температурите дури за околу, па и за повеќе од 10 степени очекуваме од ноќта среда кон четврток, и сево ова ќе биде проследено со засилен ветер од северен правец, но врнежи не се очекуваат со ова освежување.
Автор на текст: Славчо Попоски
Временска прогноза
Временска прогноза за сабота и недела, ќе имаме дожд на секаде и голем пад на температурите, ова се последните метео вести

Под влијание на циклонска активност со центар над Јонското море, за време на овој викенд (сабота и недела 24/25 мај) времето во Македонија ќе биде претежно облачно со врнежи од дожд кои повремено ќе бидат обилни и поројни, проследени со локална појава на грмежи. Локално процесите може да бидат застапени и во форма на невреме.
Локално ќе наврне значително количество на воден талог (над 30 литри на метар квадратен дожд).
И во Скопје и околината овој викенд ќе биде врнежливо. Повремено врнежите ќе бидат обилни и поројни.
– Во исто време пак, од север и од североисток ќе ни се спушта значително поладен воздух кој значително ќе ги спушти температурите на воздухот, и тие ќе бидат значително потпросечни за овој период од годината. Поради падот на температурите, не се исклучува можноста на високите планини (над 2000 метри надморска височина) да имаме и послаби врнежи од снег.
Поголем пад на температурите и значително поладно време ќе имаме особено во недела (25 мај) кога температурите на воздухот преку ден ќе се искачуваат во интервалот само од 10 до 18 степени.
Продорот на значително поладниот воздух од север и од североисток овој викенд, ќе биде проследен и со повремено засилен ветер од северен правец, истакна Славчо Попоски
Во прилог NOTHAS: Метеограм Скопје. 24-25 Мај 2025 12:00 UTC
Климатскиот феномен Ла Ниња под кое влијание сме во моментов, во следните месеци, односно во летните и есенските месеци повторно ќе добие на интензитет, односно ќе се интензивира. Што значи тое? Тоа значи дека во следните летни и есенски месеци ни следуваат нови нагли и големи метеоролошки промени, исто така, очекуваме и се по екстремни метеоролошки појави и временски непогоди.
Ова се однесува за целиот Балкан, вклучувајќи ја и нашата држава каде очекуваме почести врнежи следните месеци, како и се почести временски непогоди, кои за жал ќе бидат се по екстремни, и тоа поради климатските промени кои ни се случуваат.
Ла Ниња со себе ќе ни донесе и почести поладни продори од северот и од североистокот на Европа. Лето да, ќе имаме и ќе се оди на плажа, но според она што можам во моментов да го кажам во јавноста, е дека, екстремно топло лето во нашиот дел од Европа многу се мали шансите да има, што значи дека очекуваме по умерено топло лето, со не екстремно голема и долготрајна Африканска топлина.
Да се подготвиме за временските непогоди кои ни следуваат во следните месеци, и секако граѓаните да го следат најдобриот метеоролошки медиум „Метеоаларм.мк“ за актуелните најави и предупредувања, заврши Попоски.
Временска прогноза
Попоски истакна дека најмалку до првата седмица од јуни месец ќе имаме слично време, можеби и со пониски температури

Најновиот излез на прогностичките материјали истакнува најмалку до 6 јуни на повидок нема да има никакви температурни покачувања на воздухот.
Според тоа Попоски апелира дека следува уште поголем пад на температурите, многу нестабилно време проследено со дожд и ветрови. Тој исто така истакна, во случај на појава на невреме и на електрични празнења да се избегнува претстој на отворен простор или под осамени дрвја.
За порта.мк предмалку Славчо Попоски во телефонски повик истакна дека оваа најава будно ќе се следи, додека подетална метео анализа следува во текот на утрешниот ден.
Временска прогноза
Попоски: Продолжува нестабилно време, со развој на грмотевични облаци

Во текот на новата седмица која ни претстои, односно во периодот од понеделник (19 мај) до недела (25 мај) во нашата Република Македонија ќе биде потопло, особено преку ден, но како што претходно кажав, некое големо затоплување и температури кои доликуваат за втората половина на месец мај не очекувам. Ти речиси насекаде ќе надминуваат 20 степени, додека во Повардарието тие очекувам да надминат и 25 степени. Сепак наутро ќе биде сеуште ладно, особено во почетокот на седмицата.
Времето, особено во претпладневните часови ќе биде претежно стабилно, суво и со сончеви периоди. Во попладневните часови атмосферата ќе се дестабилизира, и локално ќе се развиваат грмотевични облаци од кои очекувам појава на пороен дожд, грмежи и засилен ветер, а локално, не ја исклучувам можноста и за појава на краткотрајно невреме.
И во делови од Скопскиот регион во текот на седмицата во попладневните часови, повремено очекувам развој на грмотевични облаци од кои очекувам појава на краткотраен пороен дожд, грмежи и засилен ветер, предмалку соопшти Славчо Попоски.
-
Кичево2 дена
Демант од СВР Охрид: Стара е веста за случена сообраќајка кај кичевското село Трапчин Дол, која беше за жал со жртви
-
Хороскоп1 ден
Хороскоп за сабота (24 мај)
-
Временска прогноза1 ден
Временска прогноза за сабота и недела, ќе имаме дожд на секаде и голем пад на температурите, ова се последните метео вести
-
Кичево15 часа
Зошто сите оваа сезона зборуваат за проектот „Истражи го Кичево“ на „Интелект Едукација“
-
Хороскоп7 часа
Хороскоп за недела (25 мај)
-
Македонија14 часа
Во Штип експлодирала плинска боца во стан, од силината на експлозијата врата и прозорец паднале директно на паркирано возило
-
Здравје и убавина2 дена
Само со „20 минути возење“ велосипед секој ден, се подобрува целокупното здравје кај човекот
-
Спорт1 ден
Ѓоковиќ ќе се бори за 100-тата титула, откако го победи Нори во Женева!