Магазин
Крај на поддршката за Windows 8.1

Microsoft се чини дека започна пролетното чистење на својот застарен софтвер. Минатата недела се збогувавме со прелистувачот Internet Explorer, а сега е време за Windows 8.1.
Крај
Според порталот ZDnet, Windows 8.1 ќе го достигне крајот на своето патување (End of Life – EOL) на 10 јануари 2023 година, а Microsoft веќе планира да започне да ги информира корисниците кои сè уште го користат овој оперативен систем дека е реално време да се префрлат на нешто поново. Зошто Windows 8.1 кога ќе дојдовме до 11, драги корисници?
Пораката која наскоро ќе почне да допира до сите оние кои сè уште го користат овој „архаичен“ оперативен систем најверојатно ќе биде слична на онаа што ја добивте кога Windows 7 стигна до моментот на EOL.
Така, кога ќе пристигне известувањето, ќе можете да кликнете на копчето „receive notification later“ ако не сакате да го промените Windows сега, „receive after January 10, 2023“ ако сакате да размислувате само за нов оперативен систем кога конечно ќе му истече времето.или „learn more“ доколку сакате да знаете кое е решението за тековниот проблем.
Треба да се напомене дека Windows 8.1 ќе ја изгуби поддршката за безбедносните надградби по неговото истекување, како неговиот претходник, легендарниот Windows 7. Се разбира, тоа не значи дека повеќе нема да можете да го користите, само таа поддршка преку безбедносни надградби завршува. По 10 јануари следната година, тоа е тоа.
Почеток
Windows 8.1 се појави пред корисниците на 17 октомври 2013 година како обид на Microsoft да ги исправи грешките направени со Windows 8.0. Новата верзија ги врати копчето и менито „Start“, како и Internet Explorer 11. Стандардниот Windows 8.0 беше дизајниран како оперативен систем за компјутери со екрани на допир, но беше далеку од добро решение за класични компјутери со традиционални екрани.
Сè на сè, ниту Windows 8 ниту Windows 8.1 не беа толку популарни меѓу корисниците, ниту речиси колку Windows 7. Затоа, по три години дојде Windows 10 кој веќе беше друга приказна. Microsoft ќе се обиде да ги убеди корисниците да се префрлат на Windows 11, но Windows 10 се уште е опција. Матичната компанија исто така објави дека Windows 10 ќе биде поддржан и ќе добива безбедносни ажурирања до 14 октомври 2025 година.
Хороскоп
Хороскоп за сабота (7 јуни)

ОВЕН
Можно е во текот на денешниот ден да успеете да склопите нови деловни контакти кои ќе ви значат многу во иднина. Ви се допаѓа личност која не покажува дека има емоции кон вас. Добро се чувствувате.
БИК
Може да очекувате промени кои ќе ве доведат до деловен успех. Околностите на ова поле ви одат од рака. Саканата личност ќе ви покаже дека била неискрена по некои прашања. Чувствителни заби.
БЛИЗНАЦИ
Пред вас е период во кој ќе имате разни потешкотии на работа. Можеби ќе ви биде потребна помош за да ги решите. Иако сте многу заљубени во својот партнер, не може да не забележите некои негови маани. Склони сте кон алергии.
РАК
Доколку сте загрижени за своите финансии, можеби сте во право. Ве очекува прилично нестабилна ситуација на ова поле. Можеби ќе ви се врати поранешната љубов иако не го барате тоа од неа. Проблеми со крвотокот.
ЛАВ
Имате можност да ги остварите плановите кои претходно сте ги зацртале. Деловното поле ви е одлично прикажано во наредниот период. Некако неочекувано доаѓа до средба со личност со која ќе имате врска. Имате многу енергија во себе.
ДЕВИЦА
Ве очекува напорен ден, можеби ќе имате голем стрес и нема лесно да донесете одлуки на работно место. Не ви се допаѓа да бидете сами. Потребно ви е нечие внимание. Проблеми со стомакот.
ВАГА
Може да се надевате на подобрување на деловната ситуација. Ќе бидете задоволни од околностите на ова поле. Не сте сосема сигурни за емоциите кон вашиот партнер и ви се чини дека понекогаш е премногу ладен. Избегнувајте масна храна.
ШКОРПИЈА
Малите препреки на деловно поле само ќе ве зајакнат и ќе ве натераат да стекнете повеќе искуства. Познанството кое се случи спонтано над вас остави силен впечаток. Може да очекувате развој на комуникацијата. Чувствителен урогенитален тракт.
СТРЕЛЕЦ
Доколку се занимавате со работа која бара патување и движење, може да очекувате многу добар ден. Уживате во пријателскиот однос кој го имате со личноста која ви се допаѓа. Одлично се чувствувате. Здравјето е добро!
ЈАРЕЦ
Поволен ден за да се посветите на некое хоби или активности надвор од работата. Нема да имате многу работа денес. Сакате да освоите личност која многумина пред вас не успеале во тоа. Проблеми со несоница и нервоза.
ВОДОЛИЈА
Потребно е да поработите на својот став. Понекогаш сте нејасни во комуникацијата и тоа може да ви донесе проблеми на работа. Ви се допаѓа личност која тајно гаи симпатии кон вас. Постои шанса за врска со неа. Потребна ви е релаксација.
РИБИ
Денес може да имате можност за нова работа. Ќе ви се укаже шанса да напредувате и да почнете да заработувате подобро. Можеби постојат неразјаснети околности во вашата врска и ви се чини дека партнерот е неискрен. Менувајте ги лошите навики.
Технологија
„Google Photos“ прославува 10 години со нови можности засновани на вештачка интелигенција

По повод десетгодишнината на Google Photos, компанијата претстави значајни подобрувања во уредувањето на фотографии, ставајќи акцент на употребата на вештачка интелигенција – нешто што е во чекор со трендовите за 2025 година.
Апликацијата доби нов изглед и алатки кои досега беа достапни само на Pixel 9, како што е Magic Editor. Една од новите функции, Auto Frame, автоматски предлага идеално врамување на фотографиите, а доколку е потребно, користи AI за да генерира дополнителни делови од сликата и да го пополни кадарот.
Исто така, со новата опција за „преосмислување“, корисниците можат да додаваат елементи кои не постоеле на оригиналната фотографија – како есенски лисја или зелена трева. Иако резултатите можат да бидат импресивни, се јавуваат и етички прашања, бидејќи границата меѓу реалноста и дигиталната измислица станува нејасна. Поради тоа, Google започна да додава водени жигови на ваквите фотографии, со јасна ознака дека се создадени со помош на вештачка интелигенција.
Нова функција наречена AI Enhance комбинира неколку постоечки алатки, како острење и отстранување на објекти, за да понуди три различни верзии на една фотографија. Потоа, корисникот може да избере која му се допаѓа најмногу. Оваа опција е достапна во менито за уредување, веднаш до досегашните функции „Подобри“ и „Динамичко“.
Освен уредувањето, Google ја подобри и функцијата за споделување албуми. Сега корисниците можат да креираат QR код што води директно до албумот – практично за лесно споделување преку мобилен или дури и во печатена форма.
Новите можности најпрво ќе бидат достапни за Android уредите во јуни, додека корисниците на iOS ќе треба да почекаат малку подоцна во текот на годината.
Извор: engadget.com
Хороскоп
Хороскоп за петок (6 јуни)

ОВЕН
Можно е денес да бидете под голем притисок и да не ви биде лесно сите задачи да ги извршите како што треба. Ве очекуваат недоразбирања со саканата личност. Денот е поповолен и со помала тензија доколку не сте во врска. Можна е главоболка.
БИК
Можно е да се загрижите за својата иднина и да не ви биде лесно да донесете некои важни деловни одлуки кои ве ќекаат. Ве очекува период во кој ќе имате потреба да бидете повеќе со вашиот партнер. Можна е несоница.
БЛИЗНАЦИ
Можно е да дојде до одложување на плановите кои сте ги имале на ова поле, сѐ се движи полека и тоа ве прави незадоволни. На некој начин сте се затвориле во себе и не ви е лесно да ги покажете своите емоции. Без проблеми со здравјето.
РАК
Можни се мали финансиски проблеми и да не ги добиете парите кои ги очекувате, или да доживеете мало разочарување на работното место. Со партнерот се наоѓате во моменти на важни одлуки. Кичмата ви е осетлива. Доаѓа време повеќе да се посветите на своето здравје.
ЛАВ
Прилично сте загрижени за своето работно место па важно е на време да ги сфатите проблемите. Пред вас е ден за флерт и нови познанства, судбината ви е наклонета и се појавува некој нов. Избегнувајте внесување на алкохол.
ДЕВИЦА
Ова не е поволен ден за почнување нова работа и генерално потрудете се да избегнувате носење на било какви важни одлуки. Саканата личност не покажува доволно нежност и вие полека се оддалечувате од неа. Можни се проблеми со бубрезите.
ВАГА
Забележувате промени кај опкружувањето на работното место и не ви е лесно да се адаптирате на нив. Влеговте во фаза на монотонија со саканата личност. Лесно би можело да ви се укаже прилика за некој флерт. Подложни сте кон проблеми.
СКОРПИЈА
Пред вас е ден во кој ќе се занимавате со нови работни задачи и проекти кои се многу важни. Доколку сте слободни, можно е да дојде до шанса да се смирите со некој/а поранешен партнер/ка. Можни се проблеми со тахикардија.
СТРЕЛЕЦ
Доколку се занимавате со приватен бизнис, пред вас е многу добар период во кој ќе заработувате добро. Потребно ви е време да одлучите дали ќе менувате некои работи на оваа поле или не. Поведете сметка за градниот кош.
ЈАРЕЦ
Можно е да не ги остварите плановите кои ги имате. Засега потрудете се да не форсирате нови настани. Променете го својот пристап во контактот со партнерот ако сакате ситуацијата во вашата врска да се поправи. Проблеми со дишните патишта.
ВОДОЛИЈА
Не влегувајте во ризични зделки и не позајмувајте пари некому. Ова не е поволен ден за тоа. Се чувствувате моќно и дека можете да промените сѐ што ќе посакате, а гледате дека вашата врска не оди во добар правец. Осетливи заби и непца.
РИБИ
Можете лесно да направите грешка на работното место, која ќе ја забележат луѓето околу вас. Внимавајте на својата концентрација. Пред вас е можност да обновите контакт со некоја личност од вашето минато. Денес совршено ќе ви одговара одмор.
-
Хороскоп2 дена
Хороскоп за петок (6 јуни)
-
Хороскоп21 час
Хороскоп за сабота (7 јуни)
-
Кичево1 ден
Кичевското архиерејско намесништво истакна соопштение по повод „Духовденска задушница“
-
Култура22 часа
(ВИДЕО) Краток фрагмент на отец Партениј за „Македонија и Патриотизмот“ од новиот филм посветен на неговиот триесет годишен монашки пат
-
Македонија1 ден
СВР Охрид: Армијата на Република Македонија ќе реализира тактичко-технички активности
-
Спорт1 ден
Македонија има потенцијал кој претходно го докажала. Милевски верува дека вечер играчите ќе го дадат својот максимум!
-
Спорт1 ден
Младиот шпанец Карлос Алкараз обезбеди место во финалето на Ролан Гарос
-
Технологија1 ден
„Google Photos“ прославува 10 години со нови можности засновани на вештачка интелигенција