Временска прогноза
Кратка стабилизација на времето, од среда на вечер и четврток се очекува пороен дожд и засилен ветер..

Во следниот период во Македонија ќе имаме претежно стабилно, суво и сончево време. Исклучок ќе биде среда навечер, а особено четврток кога локално ќе биде нестабилно со пороен дожд, грмежи и засилен ветер.
Во четврток попладне локално ќе има услови за поинтензивни Атмосферски процеси (во форма на невреме).
Ќе дува ветер претежно од северен правец, и истиот повремено ќе засилува на интензитет.
Наутро ќе биде многу свежо, особено во среда кога температурите ќе се спуштаат во интервалот од дури 5 до 16 степени во најтоплите југоисточни предели од државава. Максималните дневни температури исто така ќе бидат уште пониски, особено утре кога ќе се искачуваат во интервалот од 22 до 29 степени. Потоа температурите ќе бележат тенденција на постепен пораст.
Позначителен пораст на максималните температури ќе има за време на викендот, но екстремно високи температури не се очекуваат и тие ќе се движат во интервалот од 29 до 36 степени.
Во Скопје исто така ќе имаме претежно стабилно, суво и сончево време со свежи утра, како и со северен ветер кој повремено ќе засилува на интензитет. Во четврток во делови од котлината ќе има услови за нестабилност, проследена со пороен дожд, грмежи и со засилен ветер. Наутро температурата ќе се спушта во интервалот помеѓу 10 и 16 степени. Максималната температура ќе се искачува во интервалот помеѓу 26 и 30 степени.
На повидок немаме екстремно топол бран, како и екстремно високи температури на воздухот. Напротив, за ноќните и за утринските часови ќе ни биде потребна дури и потоплата облека, за нашиот медиум пишува Славчо Попоски.
Временска прогноза
Попоски овјави метео прогноза за 1- мај

За 1-ви мај, метео анализа која сите вас ве интерезира, ќе имаме многу постабилна атмосфера за разлика од сега, а ќе биде и потопло со повисоки температури на воздухот. Времето ќе биде сончево со појава на умерена локална облачност, но ќе биде ветровито и покрај тоа што ќе биде топло, односно, ќе дува умерен до засилен ветер од северен и од североисточен правец.
Сепак, во попладневните часови можна е ретка појава на краткотраен пороен дожд со ретки грмежи, но ова и не би било нешто сериозно, што значи може да си го планирате празникот за на отворен простор и за правење скара на отворено.
Инаку, температурите за 1-ви мај ќе се искачуваат во интервалот од 19 до 26 степени, утрово истакна Славчо Попоски.
Временска прогноза
Цела седмица честа појава на повремени врнежи од дожд, проследени со појава на грмежи

Под влијание на плитка фронтална долина која се наоѓа над југоисточна Европа, во нашата Република Македонија од денес (среда 23 април) па се до самиот крај на оваа недела времето ќе биде променливо облачно со честа појава на повремени врнежи од дожд, проследени со појава на грмежи.
Локално Атмосферските процеси ќе бидат поинтензивни и во форма на невреме, проследено со обилен пороен дожд за кратко време кој може да услови локални поплавувања, силен ветер, електрични празнења и со појава на град. Токму поради ова апелирам на поголема внимателност.
И во Скопје и околината следува период на многу променливо време со повремен дожд. Во делови од колтината ќе биде нестабилно облачно со пороен дожд, грмежи, засилен ветер и со услови за појава на невреме.
Што се однесува до температурите, тие до крајот на оваа работна недела ќе бидат без поголеми промени во однос на оние кои ги имаме сега, а постепено опаѓање на истите ќе има за време на викендот.
За време на овој нестабилно – влажен период локално во нашата Република Македонија ќе наврне значително количество на воден талог (над 35 литри дожд), пренесува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
-
Хороскоп1 ден
Хороскоп за понеделник (28 април)
-
Кичево2 дена
(ВИДЕО) КУД „Рацин“ Кичево во полна сала вчера го реализираше традиционалниот „Велигденски концерт“ на песни и ора „Писмо дојде“
-
Хороскоп10 часа
Хороскоп за вторник (29 април)
-
Македонија20 часа
Од ноќеска поскапуваат нафтените деривати, ова е новата цена!
-
Спорт2 дена
ФФМ со експресно соопштение ја извести јавноста во врска со случајот ФК Гостивар
-
Здравје и убавина2 дена
Мувлата на овошјата може да доведе до несакани последици по здравјето на човекот
-
Скопје2 дена
СВР Скопје изрече 96 санкции, 41 од нив биле за возење со брзина поголема од дозволената
-
Магазин17 часа
„Сите за Кочани – Трчаме заедно!“ – „Денот на Европа“ со хуманитарна трка во седум македонски градови, наменета за погодените од трагедијата во Кочани