Магазин
Кремасто рижото со печурки – совршен избор за ручек
Состојки:
- 200 гр свежи печурки (или мешани по избор)
- Сол, бибер, свеж магдонос
- 50 гр путер (по можност несолен)
- 1 главица кромид
- 2 чешниња лук
- 1 чаша (околу 200 гр) ориз арборио
- 500 мл пилешка или зеленчукова супа (за вегетаријанска верзија)
- Дополнителна вода или супа по потреба
- Пармезан (изобилно)
Подготовка
1. Подготовка на печурките
Исчистете и ситно исечкајте ги печурките. Пропржете ги во тава на средна температура без премногу маснотии, додека не омекнат и не ја испуштат сопствената течност. Зачинете ги со сол, бибер и свеж магдонос. Тргнете ги на страна.
2. Основа за рижото
Во истото тавче растопете го путерот, па додајте ситно исечкан кромид и лук. Пржете додека кромидот не стане стаклест и нежен, ослободувајќи ја својата сладост и арома.
3. Додавање на оризот
Додадете го оризот арборио и кратко пропржете додека не стане малку проѕирен и не ги впие аромите. Почнете постепено да ја додавате супата, по малку, со постојано мешање. Кога оризот ќе ја впие течноста, додадете уште супа. Овој процес треба да биде постепен за да се постигне карактеристичната кремаста текстура на рижото.
Кога оризот е речиси омекнат, вратете ги печурките во тавата за да се соединат вкусовите.
4. Финални чекори
На крајот, додадете уште малку путер за дополнителна кремастост и изрендајте изобилно пармезан. Нежно измешајте додека кашкавалот не се стопи и соедини со останатите состојки. По потреба, додадете дополнително сол и бибер.
Совети за совршено рижото
✔ Често мешајте – мешањето помага да се ослободи скробот од оризот, што му дава на рижото кремаста текстура. ✔ Не го плакнете оризот – за разлика од другите јадења, овде скробот е клучен за вистинскиот резултат. ✔ Користете топла супа – додавањето ладна течност го забавува готвењето и ја менува текстурата. ✔ Додадете сирење и путер на крајот – за да се задржи нивниот полн вкус и да му дадат финален сјај на јадењето.
Без разлика дали го правите за себе или го споделувате со некој близок, кремастото рижото со печурки секогаш ќе биде вистински избор! Уживајте во готвењето и во секој залак!
Извор: LIZ
Магазин
(ВИДЕО) „Not Gonna Run Away“ е третиот дел од „Marbled In Stone“, наше кичевско, а светско!
„Marbled In Stone“ вчера официјално го претстави третото и завршно продолжение од „Men Of Silver Soul“ истакнато како „Not Gonna Run Away“, проследена со моќен видео спот кој го доловува духот, енергијата и визијата на овој склоп. Ова е уште едно автентично музичко патување кое ја истакнува нивната уникатна естетика и посветеност на современиот алтернативен звук.
Во спотот се појавуваат голем број учесници главно од Кичево, додека еден од главните ликови во видео записот е нашиот пријател Влатко „Перо“ Трајкоски, кој со својата енергија и уникатност му даде посебен печат на ова музичко исполнување, кој лично веруваме дека треба да биде истакнато и во светски рамки како целина.
Дополнително покрај гореспоменатиот Влатко Перо Трајкоски, учествуваа и:
Марјан Ризов, Матко Петровиќ, Урим Саити, Кристијан Велјаноски, Слободан Магденоски, Бојан Дамјаноски, Бојан Велјаноски, Џеки Сулејмани, Дарко Богески, Драган Горѓиоски, Флори Саити, Даниел Димоски, Марија Лена Адамс, Јана Матеска, Ива Стојаноска, Ангела Цветаноска, Евгенија Врзовска, Слаѓана Трајковска, Кристина Биткоска, Ивица Велјаноски, Блериан Арслани – Буби, Зана Саити
Уживајте во нешто наше, кичевско:
Хороскоп
Хороскоп за вторник (2 декември)
ОВЕН
Може да очекувате поддршка од соработниците кои се со вас. Деловното поле оди во позитивна насока. Ако сте слободни денот е многу поволен за нови љубовни познанства. Внесувајте повеќе течности.
БИК
Подготвени сте да работите прекувремено и да се докажете уште повеќе за еден ден да остварите напредок. Ако ви се допаѓа личност која ја познавате преку работата може да дојде до компликации. Водете сметка за имунитетот.
БЛИЗНАЦИ
Не дозволувајте било кој да влијае врз вашите одлуки кои треба да ги донесете сами. Можеби посакувате нова љубов и потребно ви е повторно да се чувствувате сакани за да живнете. Внимавајте на грлото.
РАК
Не е премногу поволен ден и не сте подготвени да повлечете некои потези кои ви делуваат неизбежни. Може да очекувате добар однос со партнерот. Имате чувство дека совршено се сложувате. Ве мачи вртоглавица.
ЛАВ
Поволен ден за занимавање со приватен бизнис. Доколку планирате некои нови вложувања, ќе ви се исплатат. Може да очекувате интересен развој на случувањата со саканата личност. Вашиот однос се менува. Слаба циркулација во пределот на нозете.
ДЕВИЦА
Нови случувања на деловно поле може да ве насочат кон позитивен правец. Ве очекува шанса да напредувате. Ве очекува интересно познанство преку пријатели или на некое јавно место. Здравјето е сосема добро.
ВАГА
Потрудете се озбилно да се посветите на своите обврски за да избегнете критики од надредените и несогласувања со нив. Покрај саканата личност чувствувате тензија и некоја несигурност во вашиот однос. Можни се проблеми со бубрезите.
ШКОРПИЈА
Решивте да се посветите на својата работа и да решите важни работи на кои чекавте долго време. Пријателството со личноста која ви се допаѓа можеби сѐ уште не преминало во врска. Но, работите на тоа работите да се променат. Проблеми со стомакот.
СТРЕЛЕЦ
Доколку бидете напнати, може лесно да создадете нови несогласувања и отежнување на комуникацијата со соработниците. Спонтано ќе успеете да остварите ново познанство со личност која во вас буди емоции. Пад на имунитетот.
ЈАРЕЦ
Нови информации доаѓаат до вас и подготвени сте во практична смисла да се посветите на своите обврски. Можеби ви се допаѓа личност која не ја познавате доволно добро. Избегнувајте алкохол.
ВОДОЛИЈА
За вас овој ден е поволен и може да очекувате позитивни пресврти и решавање на проблеми. Доаѓате до интересно познанство кое многу наскоро може да доведе до нова врска. Полни сте со енергија!
РИБИ
До крајот на денот ќе имате пресврти кои не ги очекувате но, на крај сѐ ќе заврши како што треба. Ви се враќа љубовта од минатото иако можеби не сте подготвени за тоа. Можна е несоница.
Магазин
Понекогаш е наједноставното најдобро: Печени компири со ореви и кромид
Овој рустикален рецепт комбинира три совршени текстури: крцкава печена кора, нежна внатрешност и ароматични крцкави ореви. Кромидот или празот додаваат солена, карактеристична арома, а оревите внесуваат јаткаст контраст. Резултатот е едноставно јадење што може да биде и прилог и лесен главен оброк.
Состојки (за 3–4 лица):
-
1,2–1,5 кг компири (средни или поголеми)
-
1 кромид или 2–3 стебленца праз
-
80–100 г сецкани ореви (грубо)
-
Маслиново масло
-
Сол и бибер
-
По желба: свеж магдонос, рузмарин или мајчина душица
Начин на подготовка:
-
Загрејте ја рерната на 200°C. Измијте ги компирите и пресечете ги на половина по должина. Ако се поголеми, исечете ги на четвртини.
-
Во голем сад измешајте: компири, маслиново масло, сецкан кромид или праз, ореви, сол, бибер и билки ако ги користите. Измешајте добро за сè да се премачка рамномерно.
-
Распоредете ги компирите на плех обложен со хартија за печење или лесно намастен. Печете 35–40 минути додека не добијат златно-кафеава боја, а оревите станат крцкави. На половина време промешајте за рамномерно печење.
-
По желба, додадете свеж магдонос или мајчина душица. Послужете ги топли — одлични се со печено месо, свежа салата или како самостоен топол прилог.
Извор: 021
-
Кичево1 денПредмалку се случила тешка сообраќајна несреќа на магистралниот пат кај с. Трапчин Дол кичевско
-
Хороскоп2 денаМесечен Хороскоп (декември 2025)
-
Кичево5 часа(ФОТО) Конечно „ATVA Residence Hotel & Spa“ официјално отворен, уникатен модерен хотелски комплекс, уреден според највисоки светски стандарди
-
Хороскоп16 часаХороскоп за вторник (2 декември)
-
Здравје и убавина2 денаШто значи топла или превриена вода за човечкиот организам, еве неколку здравствени проблеми кои топлата вода може да ги реши
-
Кичево21 часКК „Баскет Кичево“ започнува со тренинзи по термини во спортска сала, стани и ти дел од вистинска спортска приказна со искусни тренери
-
Здравје и убавина2 денаПробајте врз утринското кафе да му додадете парче чоколадо
-
Македонија23 часаЈП за Државни патишта со санација на потпорниот ѕид и заштита кај Бигорскиот Манастир
